Matthieu 7:22 - Mbeti ti Nzapa - Tënë so amu fini

²² Na lango ti fango ngbanga, fade azo mingi ayeke tene na mbi: ‘Kota Gbia, Kota Gbia, e tene peko ti tënë ti yanga ti mo, e tumba asioni yingo si e sara aye ti kpene mingi na iri ti mo pepe?’

Matthieu 7:22 Iomraidhean Croise

Ésaïe 2:11

Fade kamene ayeke gbu le ti zo ti baba, a yeke zia zo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 2:17

Fade kamene ayeke gbu azo ti baba; a yeke kiri na azo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Wungo ti azo 24:4

Baa, tënë so mbi ye ti tene laa, mbi, zo so ama tënë ti Nzapa, zo so abaa ye so lo so ngangu ti lo ahon angangu kue afa na ya ti mbeni ye tongana bango-li; mbi, zo so ati na sese si le ti lo azi.

Wungo ti azo 31:8

Ala fâ nga agbia oku ti sese ti Madian: Evi, Rekem, Sur, Hur na Reba. Ala fâ nga Balaam, molenge ti Beor.

Matthieu 10:15

Mbi tene na ala taa-tënë: na lango ti fango ngbanga, fade ngbanga so a yeke fâ na li ti azo ti gbata so ayeke ngangu mingi ahon ti azo ti akodro ti Sodome na Gomore.”

Matthieu 24:36

“Ti lango ti singo ti aye ni wala ngbonga ni, zo oko ahinga ni pepe: ataa *a-ange so ayeke na yayu, ataa Molenge ni; gi Babâ oko laa ahinga ni.

Matthieu 25:11

Na pekoni, amaseka-wali ti buba so asi nga si ala iri ndo, atene: ‘Pakara! Pakara! Zi na e yanga ti da!’

Matthieu 7:21

“Azo so kue ayeke iri mbi, atene: ‘*Kota Gbia, Kota Gbia’, ala kue laa ayeke li ande na ya ti *Kodro-gbia ti yayu pepe; me gi ala so asara ye so be ti Babâ ti mbi so ayeke na yayu aye.

Nzoni Tënë so Luc asu na mbeti 10:12

Mbi tene na ala: na lango ti fango ngbanga, fade ngbanga so a yeke fâ na ndö ti gbata ni ayeke duti ngangu ahon ti Sodome.”

Jean 11:51

Andaa tënë so lo tene so alondo na lo wani pepe; me ndali ti so lo yeke kota wayango-sandaga na ngu ni so, lo tene gi peko ti tënë ti yanga ti Nzapa ti fa so Jésus ayeke kui ngbanga ti mara ti azuife.

1 Tesalonike 5:4

Me ti ala, a-ita, ala yeke na ya ti vukongo ndo pepe titene lango ni so awara ala tongana zo ti nzi.

2 Tesalonike 1:10

na ndembe so lo yeke ga. Fade azo ti lo ayeke gonda lo, azo so kue ama na be ayeke baa lo na ngia. Ala nga, a-ita, fade ala yeke duti na popo ti azo ni, ngbanga ti so ala ma na be na tënë so e fa.

2 Timothée 1:12

Ndani laa, mbi yeke baa pasi so, me kamene ayeke sara mbi pepe, ngbanga ti so mbi hinga zo so mbi zia be ti mbi na ndö ti lo. Mbi hinga nga so, zo ni ayeke na ngangu ti bata ye so lo zia na maboko ti mbi so ngbii asi na lango ti ndani.

2 Timothée 1:18

Ayeke nzoni Kota Gbia asara nzoni be na lo na lango ti ndani. Anzoni ye so lo sara na mbi na gbata ti Efeze, mo hinga tënë ni ahon tanga ti azo kue.

2 Timothée 4:8

Ti fadeso, Nzapa abata na mbi nzoni ye so a yeke mu na zo so aso benda. Lo leke nzoni ye ni ndali ti azo ti mbirimbiri, fade *Kota Gbia so ayeke wafango-ngbanga ti mbirimbiri ayeke mu ni na mbi na lango ti ndani; lo yeke mu nzoni ye ni gi na mbi oko pepe, me lo yeke mu ni nga na azo so kue aye tënë ti gango ti lo.