Matthieu 7:21 - Mbeti ti Nzapa - Tënë so amu fini

²¹ “Azo so kue ayeke iri mbi, atene: ‘*Kota Gbia, Kota Gbia’, ala kue laa ayeke li ande na ya ti *Kodro-gbia ti yayu pepe; me gi ala so asara ye so be ti Babâ ti mbi so ayeke na yayu aye.

Matthieu 7:21 Iomraidhean Croise

Matthieu 12:50

Zo so asara ye so be ti Babâ ti mbi so ayeke na yayu aye, andaa lo yeke ita ti mbi ti koli, wala ita ti mbi ti wali, wala mama ti mbi.”

Matthieu 16:17

Jésus akiri tënë na lo: “Ti mo nzoni Simon, molenge ti Jean! Tënë so mo tene so, zo laa azia ni na yanga ti mo pepe, me Babâ ti mbi so ayeke na yayu laa afa na mo.

Matthieu 18:10

“Ala sara hange si ala baa mbeni molenge oko na popo ti amolenge so tongana mbumbuse zo pepe! Mbi tene na ala so *a-ange ti amolenge so ayeke kâ na yayu, ala yeke luti lakue na le ti Nzapa, Babâ ti mbi so ayeke na yayu. [

Matthieu 18:19

“Mbi kiri mbi tene na ala: tongana azo use na popo ti ala na sese so ama tere ti hunda mbeni ye na lege ti sambela, ataa nyen, fade Babâ ti mbi so ayeke na yayu ayeke mu ye ni na ala.

Matthieu 18:3

si lo tene na ala: “Mbi tene na ala taa-tënë: tongana be ti ala akiri aga tongana ti akete molenge pepe, ala yeke li na Kodro-gbia ti yayu pepe.

Matthieu 18:35

Ti hunzi na ni, Jésus atene na ala: “Fade Babâ ti mbi so ayeke na yayu ayeke sara na ala oko oko kue tongaso, tongana ala zi tënë na li ti amba ti ala pepe.”

Matthieu 19:24

Mbi kiri mbi tene na ala: lingo ti zo ti mosoro na ya ti Kodro-gbia ti Nzapa ayeke ngangu ahon lingo ti *zambala na ya ti du ti sua!”

Matthieu 25:10

So amaseka-wali ti buba ague ti vo mafuta ni, koli ni asi. Amaseka-wali so aleke tere ti ala awe si ayeke ku lo so ali na lo na ya ti da ti matanga ni; a kanga yanga ti da ni na ndö ti ala.

Matthieu 25:21

Makonzi ti lo atene na lo: ‘So nzoni! Mo yeke nzoni zo ti kua si mo yeke sara ye na legeni! Kete ye so a mu na mo, mo sara kua na ni na legeni; fade mbi yeke zia mo na ndö ti akota ye ti mbi. Ga, mo na makonzi ti mo asara ngia.’

Matthieu 26:39

Lo hon yongoro kete, lo ti, lo kpo li ti lo na sese, lo sambela, lo tene: “Babâ ti mbi, tongana lege ayeke daa, ayeke nzoni kopo ti pasi so ahon yongoro na tere ti mbi. Me mbi ye pepe titene mo sara ye so be ti mbi aye, me mo sara gi ye so be ti mo aye.”

Matthieu 26:42

Lo kiri lo gue yongoro ti fani use ni si lo sambela, lo tene: “Babâ ti mbi, tongana kopo so alingbi ti hon yongoro na tere ti mbi pepe si mo ye mbi nyon ni, ayeke nzoni mo sara gi ye so be ti mo aye!”

Marc 3:35

Biani, zo so asara ye so be ti Nzapa aye ayeke ita ti mbi ti koli, wala ti wali, wala mama ti mbi.”

Marc 9:47

Tongana le ti mo laa ayeke handa mo titene mo ti na ya ti siokpari, ayeke nzoni mo gboto ni. Titene mo li na ya ti *Kodro-gbia ti Nzapa na le oko, so laa ayeke nzoni ahon titene mo bata ale ti mo use si a bi mo na ni na ndo so wâ ayeke gbi daa lakue.

Nzoni Tënë so Luc asu na mbeti 11:28

Me Jésus atene na lo: “Ti ala nzoni, azo so ama tënë ti Nzapa si ala sara ye alingbi na ni!”

Nzoni Tënë so Luc asu na mbeti 13:25

“Fade wa ti da ni ayeke londo si lo yeke kanga yanga ti da ni. Tongaso ala so ayeke ngba ande na gigi, ala yeke to nda ti pika yanga ti da ni si ala tene: ‘Kota Gbia, zi na e yanga ti da ni!’ Fade lo yeke tene na ala: ‘Mbi hinga ndo so ala londo daa pepe!’

Nzoni Tënë so Luc asu na mbeti 18:25

Lingo ti zo ti mosoro na ya ti Kodro-gbia ti Nzapa ayeke ngangu ahon lingo ti *zambala na ya ti du ti sua.”

Nzoni Tënë so Luc asu na mbeti 6:46

“Ngbanga ti nyen laa ala yeke iri mbi: ‘*Kota Gbia, Kota Gbia’, me ala sara ye alingbi na tënë so mbi tene so pepe?

Jean 14:7

Tongana ala hinga mbi, fade ala yeke hinga nga Babâ ti mbi. Fadeso ala hinga lo awe si ala baa nga lo awe.”

Jean 15:23

Zo so ake mbi, lo ke nga Babâ ti mbi.

Jean 3:5

Jésus akiri tënë na lo: “Biani, mbi tene na mo taa-tënë: tongana a du zo na ngu na Yingo pepe, zo ni alingbi ti li na Kodro-gbia ti Nzapa pepe.

Jean 5:17

Me Jésus akiri tënë na ala: “Babâ ti mbi ayeke sara kua lakue, mbi nga, mbi yeke sara kua.”

Jean 6:40

Ye so be ti Babâ ti mbi aye ayeke so: zo so kue abaa Molenge ni si ama na be na lo, lo yeke na fini so angba lakue lakue; fade mbi, mbi yeke zingo lo na kuâ na lango ti ndani.”

Jean 7:17

Zo so aye ti sara ye so be ti Nzapa aye, fade lo yeke hinga atene, ye so mbi yeke fa alondo na Nzapa wala mbi yeke tene gi tënë so alondo na mbi wani.

Awatokua 14:22

Na ya ti agbata ni, ala mu ngangu na be ti adisiple, ala mu na ala wango titene ala ngba lakue na lege ti mabe, ala tene nga na azo ni, atene: “Alingbi e baa pasi mingi ti li na *Kodro-gbia ti Nzapa.”

Rome 12:2

Ala mu lege ti dutingo ti azo ti dunia so pepe, me ala zia Nzapa asanze fini ti ala, lo mu na ala fini gbungo-li. Tongaso, fade ala lingbi ti hinga ye so Nzapa aye: ye so ayeke nzoni, ye so anzere na be ti lo, ye so ayeke nzoni kue.

Rome 2:13

Azo so ama tënë ti Ndia gi na mê ti ala aga nzoni na le ti Nzapa pepe, me azo so asara ye alingbi na tënë ti Ndia ni laa aga nzoni na le ti lo.

Efeze 6:6

Ala sara kua ni gi ndali ti le ti awa ti ala pepe, mo baa mo tene, ala yeke gi ti ga nzoni na le ti azo; me ala sara kua ni tongana angbaa ti Christ so amu be ti ala kue ti sara ye so be ti Nzapa aye.

Kolose 4:12

Epafras so ayeke mbeni zo ti ala abara ala; lo yeke zo ti kua ti Jésus Christ, lo ngba ti tiri bira na lege ti sambela ndali ti ala. Lo yeke hunda na Nzapa titene ala luti ngangu, ala ga kangba na lege ti Yingo si ala yeke lakue nduru ti sara ye so kue be ti Nzapa aye.

1 Tesalonike 4:3

Ye so be ti Nzapa aye, ayeke titene ala ga azo so ayeke nde si ayeke nzoni kue, ala zia lege ti gingo wali wala gingo koli kirikiri.

1 Tesalonike 5:18

ala mu singila na Nzapa na ya ti aye kue. Ye so Nzapa aye titene ala so aga oko na Jésus Christ asara laa.

Tite 1:16

Ala tene na yanga ti ala atene, ala hinga Nzapa, me ye so ala yeke sara afa so, ala bere tënë ti lo awe. Ala yeke azo so sioni ti ala ahon ndoni, azo ti ngangu li, ala lingbi ti sara nzoni ye oko pepe.

Ahebro 13:21

Ayeke nzoni Nzapa asara si ala ga azo so alingbi ti sara ye so kue ayeke nzoni nga na ye so be ti lo aye! Ayeke nzoni, na lege ti Jésus Christ, Nzapa asara si e sara ye so anzere na be ti lo! Gonda ayeke ti lo kpu na kpu! Amen.

Ahebro 4:6

Akozo zo so ama ando Nzoni Tënë ni, ala li na ndo ti wungo tere ni so pepe, ngbanga ti so ala ke ti yeda na tënë ni. Me lege angba na zingo ni titene ambeni zo ali na ndo ti wungo tere ni.

Jacques 1:22

Ala handa tere ti ala pepe: ala ma tënë ti Nzapa gi na mê pepe, me ala sara ye alingbi na ni.

1 Pierre 2:15

Biani, ye so Nzapa aye ayeke titene ala sara nzoni ye si ala lingbi ti kanga yanga ti abuba zo so ahinga ye pepe so.

1 Pierre 4:2

Tongaso, ngoi so angba na ala ti duti na fini na sese so, ala sara ye na lege ti nzara ti be ti ala pepe, me na lege so be ti Nzapa aye.

Aye so Nzapa afa 2:27

Fade lo yeke fa lege na ala na komandema ti ngangu, lo yeke fâ ya ti ala kete kete tongana ti so zo ayeke fâ ya ti ta ti sese.

Aye so Nzapa afa 22:14

Ti ala nzoni, ala so asukula bongo ti ala avuru, tongaso si ala wara lege ti te lengo ti keke so ayeke mu fini na zo si ala wara nga lege ti li na ayanga ti gbagba ni ti gue na ya ti gbata ni.

Aye so Nzapa afa 3:5

“Zo so aso benda, fade lo yeke yu vuru bongo. Fade mbi yeke zi iri ti lo pepe na ya ti mbeti so a su iri ti azo so ayeke na taa fini daa. Mbi yeke tene polele na le ti Babâ ti mbi na ti a-ange ti lo mbi tene, lo yeke zo ti mbi.