Matthieu 7:2 - Mbeti ti Nzapa - Tënë so amu fini

² Biani, Nzapa ayeke fâ ande ngbanga na li ti ala gi tongana ti so ala yeke fâ ngbanga na li ti azo. Ye so ala mu ti haka na ye na azo, ni laa Nzapa ayeke mu ni ti haka na ye na ala.

Matthieu 7:2 Iomraidhean Croise

2 Samuel 21:5

Azo ti Gabaon atene na gbia: “Saul aye lani ti fâ e kue ti hunzi e; lo ye ti mingo mara ti e na sese ti Israel kue.

Abia (Psaumes) 109:17

Lo ye lani gi ti deba azo, fadeso deba ni ati na li ti lo wani. Lo ye lani ti sara tufa na ndö ti azo pepe, fadeso tufa ni ahon yongoro na tere ti lo.

Sigingo 21:24

Tongana lo koro le ti zo, fade a yeke koro nga le ti lo; tongana lo fâ pembe ti zo, fade a yeke fâ nga pembe ti lo; tongana lo kungbi maboko ti zo, fade a yeke kungbi nga maboko ti lo; tongana lo kungbi gere ti zo, fade a yeke kungbi nga gere ti lo.

Ésaïe 33:1

Mawa na mo, mo so mo yeke buba ye si ade a buba mo pepe so! Mawa na mo, mo so mo yeke ka azo si ade ti ka mo pepe so! Tongana mo buba aye kue awe, fade a yeke buba nga mo. Tongana mo ka azo kue awe, fade a yeke ka nga mo.

Jérémie 34:17

“Baa, tënë so KOTA GBIA atene ayeke so: Ala oko oko kue alingbi fade ti to mbela titene a zi a-ita ti ala na amba ti ala na gbe ti ngbaa; me ala ma yanga ti mbi pepe. Ndani laa, mbi KOTA GBIA, mbi to mbela titene a zi lege na bira, na sioni kobela ti bubango kodro nga na nzara ti ga na tere ti ala; so tënë ti yanga ti KOTA GBIA laa. Fade akodro-gbia kue ti sese ayeke do na kota mbeto na bango ala.

Jérémie 51:24

“Me ye so ala yeke baa na le ti ala fadeso ayeke so: sioni so kue Babilone na azo ti Babilone ni asara na gbata ti *Sion, mbi yeke futa azo ni alingbi na ye so ala sara; so tënë ti yanga ti KOTA GBIA laa.

Abdias 1:15

Biani, lango ni aga nduru awe, lango so *KOTA GBIA ayeke fâ ngbanga na li ti amara kue. Ye so mo sara na azo, gi ni laa a yeke sara ande na mo. Fade asioni sarango ye ti mo ayeke kiri na li ti mo wani.”

Matthieu 6:14

“Biani, tongana ala zi sioni na li ti azo so asara sioni na ala, fade Babâ ti ala so ayeke na yayu ayeke zi nga sioni na li ti ala.

Marc 4:24

Lo kiri lo tene na ala: “Ala sara hange na tënë so ala yeke ma so! Ye so ala wani ayeke mu ti haka na ye na amba ti ala laa Nzapa ayeke mu ti haka na ye na ala; lo yeke zia mbeni na ndö ni.

Nzoni Tënë so Luc asu na mbeti 6:38

Ala mu ye na azo si Nzapa amu nga ye na ala. Fade a yeke mu ye ti hakango na ye, a haka ye na ya ni, a pete ndö ni, a yingi ni ngbii asi meke meke si a tuku ni na yanga ti bongo ti ala. Ye so ala yeke mu ti haka na ye na amba ti ala, gi ni laa a yeke mu nga ti haka na ye na ala.”

2 Korente 9:6

Alingbi ala hinga ye so: zo so alu ale ti kobe gi kete kete, fade lo yeke fâ ni nga gi kete kete; zo so alu ale ti kobe mingi mingi, fade lo yeke fâ ni nga mingi mingi.

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.

Aye so Nzapa afa 18:6

Ala sara na lo ye alingbi gi na ye so lo sara na ala. Aye so lo sara na ala so, ala kiri peko ni na lo fani use. Vin so lo leke ni ti mu na ala ti nyon so, ala mu kopo, atuku mbeni vin na ya ni so ngangu ni ahon ti ti lo fani use si ala mu na lo.

Awafango-ngbanga 1:7

Adoni-Bezek atene: “Agbia balembarambara so mbi fâ akota li ti maboko ti ala na ti gere ti ala ayeke ro lani anduru mapa so ati na gbe ti meza ti mbi. Ye so mbi sara so laa Nzapa akiri peko ni na mbi so!” A mu Adoni-Bezek, ague na lo na Jérusalem si lo kui kâ.

Awafango-ngbanga 5:27

Koli ni akuku na gbe ti Yael, lo ti, lo lango na sese; lo kuku na gbe ti Yael, lo ti. Gi na ndo so lo kuku daa so, lo ti si lo kui.

1 Samuel 15:33

Me Samuel atene na lo: “Yongoro zeme ti mo asara si amama ayeke na vundu ndali ti amolenge ti ala. Fade mama ti mo nga ayeke na vundu ndali ti molenge ti lo.” Tongaso, Samuel afâ Agag na dawa ti KOTA GBIA na Gilgal.