Matthieu 7:17 - Mbeti ti Nzapa - Tënë so amu fini

¹⁷ Keke so ayeke nzoni ayeke le nzoni lengo ni; keke so abuba ayeke le sioni lengo ni.

Matthieu 7:17 Iomraidhean Croise

Abia (Psaumes) 1:3

Lo yeke tongana keke so a lu na tere ti ngu: keke so ayeke le na ngoi ti lengo ni, akugbe ti lo angba fini lakue. Aye so kue zo ni ayeke sara ayeke ga nzoni.

Ésaïe 61:3

Ala yeke na mua ndali ti *Sion, me Nzapa atokua mbi ti zia na li ti ala ye ti pendere na plase ti mburu ti wâ; ti kpaka na tere ti ala mafuta so afa ngia ti ala, me afa mua pepe; ti yu na ala bongo ti matanga na plase ti be so awoko. Tongaso, a yeke haka ala na akeke so afa mbirimbiri ti Nzapa, a yeke haka ala na yaka so afa gonda ti KOTA GBIA.

Jérémie 11:19

Ti mbi, mbi yeke tongana molenge ti taba so a yeke gue na lo na ndo ti fango anyama. Mbi hinga pepe mbi tene, sioni mayere ti ala so ayeke ndali ti mbi. Ala tene: “E buba keke ni na ngangu ni kue! E zi lo na popo ti azo so ayeke na fini, e sara si zo oko akiri adabe na iri ti lo pepe!”

Jérémie 17:8

Lo yeke tongana keke so a lu na tere ti ngu, keke so agunda ni ali sese na tere ti kete ngu. Tongana ndo-wâ aga, mbeto ti mbeni ye asara lo oko pepe; akugbe ti keke ni angba lakue fini ni. Ataa ngu apika pepe na ya ti ngu oko, lo yeke gi be ti lo pepe, me lo yeke le lakue.”

Matthieu 7:18

Keke so ayeke nzoni alingbi pepe ti le sioni lengo ni; keke so abuba alingbi pepe ti le nzoni lengo ni.

Efeze 5:9

Lumiere ni asara si zo aduti na nzoni be, lo yeke sara ye mbirimbiri si lo yeke tene taa-tënë.

Filipe 1:11

Fade sarango ye ti mbirimbiri so alondo na Jésus Christ ayeke si singo na ya ti fini ti ala; na lege so laa ala yeke gonda Nzapa si ala yeke sepela lo.

Kolose 1:10

Tongaso, fade dutingo ti ala ayeke lingbi na ti so be ti *Kota Gbia aye si ala sara ye so anzere na be ti lo. Ye ti peko ni ayeke so ala yeke sara mara ti anzoni ye nde nde si hingango so ala hinga na Nzapa ayeke gue lakue na nduzu.

Jude 1:12

A-ita, na ndembe so ala yeke te kobe ti beoko si azo ni so ayeke na popo ti ala, azo ni aga tongana mbeni sarate na ya ti matanga ti ala ti tengo kobe. Azo ni so ayeke te ye na kamene pepe, ala hinga gi nzara ti ya ti ala. Ala yeke tongana ambinda so pupu ayeke hon na ni si ngu apika na peko ni pepe. Ala yeke nga tongana akeke so ale pepe, ataa so ndembe ni alingbi awe; tongana a zi gere ni, akui biani biani.