Matthieu 6:9 - Mbeti ti Nzapa - Tënë so amu fini

⁹ Lege so alingbi ala sambela na ni ayeke tongaso: ‘Babâ ti e so mo yeke na yayu, ayeke nzoni azo ane iri ti mo so ayeke nde si ayeke nzoni kue;

Matthieu 6:9 Iomraidhean Croise

2 Samuel 7:26

Ayeke nzoni azo agonda iri ti mo kpu na kpu, ala tene: ‘KOTA GBIA so ngangu ti lo ahon angangu kue, lo yeke Nzapa ti Israel.’ Sara si lengo-gbia ti ahale ti mbi, zo ti kua ti mo, akpengba.

1 Agbia 8:43

mo so mo yeke na yayu, na ndo so mo yeke duti daa, ayeke nzoni mo ma sambela ti wande so si ye so kue lo hunda na mo, mo mu ni na lo. Tongaso, fade azo kue ti ndö ti sese so ayeke hinga mo, ala yeke kpe mbeto ti mo tongana ti so azo ti Israel, azo ti mo, ayeke kpe mbeto ti mo; azo ni ayeke hinga nga atene, da so mbi sara so, a di iri ti mo na ndö ni.

1 Mbai 17:24

Ayeke nzoni ye ni asi alingbi na tënë ni, tongaso si azo agonda iri ti mo kpu na kpu, ala tene: ‘KOTA GBIA so ngangu ti lo ahon angangu kue, Nzapa ti Israel ayeke Nzapa ndali ti Israel.’ Sara si lengo-gbia ti ahale ti mbi, zo ti kua ti mo, akpengba.

2 Mbai 20:6

Lo sambela, lo tene: “KOTA GBIA, Nzapa ti akotara ti e, mo laa mo yeke Nzapa na yayu, mo laa mo yeke na komandema na ndö ti akodro-gbia kue ti dunia! Mo yeke na ngangu, mo yeke na kota ngangu; zo oko alingbi ti luti na le ti mo pepe.

Néhémie 9:5

Na pekoni, azo ti mara ti Lévi Yeshua, Kadmiel, Bani, Hashabeneya, Sherebia, Hodia, Shebania na Petahia atene na azo ni, atene: “Ala londo! Ala mu singila na KOTA GBIA Nzapa ti ala lakue lakue, kpu na kpu!” “*KOTA GBIA, ayeke nzoni zo oko oko amu singila na mo, ngbanga ti so iri ti mo alingbi na gonda! Iri ti mo ayeke kota ahon tënë so kue zo alingbi ti tene ti mu singila na mo nga ti sepela mo!

Abia (Psaumes) 111:9

KOTA GBIA atokua titene a zi azo ti lo na gbe ti ngbaa, lo na azo ti lo ni aga ambuki kpu na kpu. Iri ti lo ayeke nde si ayeke nzoni kue, ayeke zia mbeto na be ti zo.

Abia (Psaumes) 115:3

Nzapa ti e ayeke na yayu, lo yeke sara ye so kue be ti lo aye.

Abia (Psaumes) 72:18

Singila na *KOTA GBIA, Nzapa ti Israel, gi lo oko si lo yeke sara aye ti kpene!

Ésaïe 37:20

Me mo KOTA GBIA, Nzapa ti e, soo e na maboko ti Senakerib; tongaso si akodro-gbia ti sese kue ahinga atene, gi mo oko KOTA GBIA laa mo yeke Nzapa.”

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Ésaïe 6:3

Ala yeke dekongo na amba ti ala, atene: “*KOTA GBIA ayeke nde, lo yeke nde, lo yeke nde si lo yeke nzoni kue, KOTA GBIA so ayeke na ndö ti dunia kue so! Ndö ti sese kue asi singo na gonda ti lo!”

Ésaïe 63:16

Biani, mo laa mo yeke babâ ti e. Be ti Abraham, kotara ti e agirisa na e awe; Jacob akiri ahinga e pepe; me mo KOTA GBIA, mo yeke Babâ ti e; mo so a yeke di iri ti mo “Wazingo e”, ngbene ye kpu na kpu.

Ésaïe 64:8

KOTA GBIA, sara ngonzo ahon ndoni pepe, dabe ti mo na sioni ti e lakue pepe! E gbu gere ti mo, baa, e kue, e yeke azo ti mo!

Ésaïe 66:1

Tënë so *KOTA GBIA atene ayeke so: “Yayu ayeke mbata ti mbi ti gbia, sese ayeke mbata so mbi yeke zia gere ti mbi na ndö ni. Mara ti da wa laa ala lingbi ti sara na mbi? Ndo wa laa mbi lingbi ti wu tere ti mbi daa?

Ezekiel 36:23

Kota iri ti mbi so ala buba na popo ti amara nde, iri ti mbi so ala buba ni na popo ti ala so, fade mbi yeke fa na amara nde so iri ni ayeke nde si ayeke nzoni kue; mbi yeke fa ni na ala na lege ti ala, azo ti Israel. Tongaso, fade amara nde ni ayeke hinga atene, mbi laa mbi yeke KOTA GBIA. So tënë ti yanga ti Kota Gbia NZAPA laa.”

Ezekiel 38:23

Tongaso, fade mbi yeke fa na gba ti amara nde so mbi yeke kota, mbi yeke nde si mbi yeke nzoni kue. Tongaso, fade ala yeke hinga atene, mbi laa mbi yeke KOTA GBIA.”

Awayango-sandaga 10:3

Moïse atene na Aaron: “KOTA GBIA atene lani tongaso: ‘Azo so ayeke ga nduru na mbi, mbi ye si ala hinga atene, mbi yeke nde si mbi yeke nzoni kue; mbi ye si ala gonda mbi na le ti azo kue.’ ” Aaron aduti gi kpoo, lo zi yanga oko pepe.

Habakuk 2:14

Biani, fade azo ayeke hinga gonda ti KOTA GBIA si gonda ni ayeke si singo na ndö ti sese tongana ti so ngu asi singo na ya ti kota ngu-ingo.

Zakarii 14:9

Fade KOTA GBIA ayeke duti gbia ti sese kue. Na lango ni so, lo yeke duti oko Nzapa so azo ayeke voro lo si ala yeke hinga gi iri ti lo oko.

Malashii 1:11

Biani, ti londo na To ngbii asi na Do, amara nde ahinga so mbi yeke kota. Na ndo kue, azo ayeke zö dukani na mbi, ala yeke ga na asandaga so ayeke *nzoni. Biani, amara nde ahinga so mbi yeke kota. Tënë so KOTA GBIA so ayeke na ndö ti dunia kue atene laa.

Matthieu 10:29

Azo ayeke ka akete ndeke use ndali ti kete le ti nginza oko pepe? Tongana Nzapa Babâ ti ala ayeda pepe, mbeni ndeke oko alingbi ti ti na sese pepe.

Matthieu 23:9

Ala iri mbeni zo ti ndö ti sese so ‘Babâ’ pepe, ngbanga ti so ala yeke gi na Babâ oko so ayeke na yayu.

Matthieu 26:29

Mbi tene na ala: fade mbi yeke kiri ti nyon ngu ti le ti *vinye pepe, ngbii asi na lango so fade mbi na ala, e yeke nyon fini vin na ya ti *Kodro-gbia ti Nzapa, Babâ ti mbi.”

Matthieu 26:42

Lo kiri lo gue yongoro ti fani use ni si lo sambela, lo tene: “Babâ ti mbi, tongana kopo so alingbi ti hon yongoro na tere ti mbi pepe si mo ye mbi nyon ni, ayeke nzoni mo sara gi ye so be ti mo aye!”

Matthieu 5:16

Legeoko nga, alingbi lumiere ti ala aza na dawa ti azo kue. Tongaso, fade azo ni ayeke baa anzoni sarango ye ti ala si ala yeke gonda Babâ ti ala, azo ti mbi, so ayeke na yayu.

Matthieu 5:48

Alingbi ala ga azo so ayeke nzoni kue tongana ti so Babâ ti ala so ayeke na yayu ayeke nzoni kue.

Matthieu 6:14

“Biani, tongana ala zi sioni na li ti azo so asara sioni na ala, fade Babâ ti ala so ayeke na yayu ayeke zi nga sioni na li ti ala.

Matthieu 6:6

Ti mo, tongana mo ye ti sambela, mo li na ya ti kubu ti mo, mo kanga yanga ti kubu ni si mo sambela Babâ ti mo so zo ayeke baa lo pepe. Fade Babâ ti mo so ayeke baa ye so mo yeke sara na hondengo ni ayeke mu na mo ye ti peko ni.

Matthieu 7:11

Ala so ayeke asioni zo, ala hinga ti mu anzoni ye na amolenge ti ala. Babâ ti ala so ayeke na yayu alingbi biani ti mu anzoni ye na azo so ahunda ni na lo!

Nzoni Tënë so Luc asu na mbeti 15:18

Fade mbi yeke londo ti kiri na babâ ti mbi si mbi tene na lo: Babâ, mbi sara siokpari so ake Nzapa si ake nga mo.

Nzoni Tënë so Luc asu na mbeti 15:21

Molenge ni atene na lo: ‘Babâ, mbi sara siokpari so ake Nzapa si ake nga mo; mbi lingbi titene mo kiri mo iri mbi molenge ti mo pepe.’

Nzoni Tënë so Luc asu na mbeti 2:14

“E gonda Nzapa so ayeke na yayu kâ na ndö ti aye kue, siriri na ndö ti sese na popo ti azo so lo ye ala!”

Jean 20:17

Jésus atene na lo: “Zia ti gbu mbi, ngbanga ti so mbi de ti gue na Babâ pepe. Me mo gue, mo baa a-ita ti mbi, mo tene na ala, mo tene: ‘Mbi yeke gue na Babâ ti mbi so ayeke nga Babâ ti ala; lo yeke Nzapa ti mbi na Nzapa ti ala nga.’ ”

Rome 1:7

Mbi tokua mbeti so na ala so kue ayeke na Rome, ala so Nzapa aye ala mingi si lo iri ala ti ga azo ti lo. Ayeke nzoni Nzapa Babâ ti e na Kota Gbia Jésus Christ asara nzoni be na ala si amu na ala siriri.

Rome 8:15

Yingo so ala wara ayeke Yingo ti sarango ala na ngbaa pepe, Yingo ti ziango mbeto na be ti ala pepe, me Yingo so ayeke sara titene ala ga amolenge ti Nzapa. Na lege ti lo, e yeke dekongo na Nzapa, e tene: “Abba!”, so ti tene “Babâ!”

Galasii 1:1

Mbi Paul laa mbi tokua mbeti so; azo laa airi mbi ti ga *watokua pepe. So Nzapa airi mbi ti ga watokua, mbi ma tënë ni na yanga ti mbeni zo pepe, me na yanga ti Jésus Christ wani, lo na Nzapa Babâ so azingo lo na popo ti akuâ.

Galasii 4:6

Ti fa so ala yeke amolenge ti lo biani, Nzapa atokua Yingo ti Molenge ti lo na be ti e kue, Yingo ni ayeke dekongo atene: “Abba!” so ti tene “Babâ!”

1 Timothée 6:16

Lo yeke gi oko Nzapa so ayeke na fini lakue lakue, lo yeke duti na ndo so aza zango, zo alingbi ti si na ndo ni so pepe. Mbeni zo ade ti baa lo pepe, zo alingbi ti baa nga lo pepe. Gonda na ngangu so ayeke ngba kpu na kpu ayeke ti lo! Amen.

1 Pierre 1:17

Nzapa ayeke fâ ngbanga na li ti zo alingbi na ye so lo sara, lo yeke mu mbage ti mbeni zo pepe. Tongaso, a-ita, tongana ala yeke sambela si ala iri Nzapa atene “Babâ”, ala duti na mbeto ti lo na ngoi so ala yeke na dunia so.

Aye so Nzapa afa 4:11

“Kota Gbia, Nzapa ti e, mo lingbi titene azo agonda mo, azo ane mo si asepela mo ndali ti ngangu ti mo. Biani, mo laa mo sara aye kue, mo yeda titene aye ni abaa gigi si ala baa gigi.”

Aye so Nzapa afa 5:12

Ala yeke dekongo, atene: “Taba so azo afâ lo, lo lingbi titene azo asepela lo ndali ti ngangu, na mosoro, na ndara, na komandema ti lo; lo lingbi titene azo ane lo, agonda lo si avoro lo!”