Matthieu 6:33 - Mbeti ti Nzapa - Tënë so amu fini

³³ Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

Matthieu 6:33 Iomraidhean Croise

1 Agbia 17:13

Élie atene na lo: “Sara mbeto pepe! Gue, mo sara ye ni tongana ti so mo tene. Gi ye oko, ye so mo yeke na ni, mo leke mbeni kete makara, mo ga na ni na mbi kozoni si. Na pekoni, mo leke ti mo na ti molenge ti mo ti koli.

Abia (Psaumes) 112:3

Mosoro na anzoni ye ayeke duti na da ti zo ni si sarango ye ti lo ti mbirimbiri ayeke ngba kpu na kpu.

Abia (Psaumes) 37:25

Mbi yeke ando maseka, fadeso mbi ga mbakoro awe; laoko, mbi de ti baa mbeni zo ti mbirimbiri so Nzapa ake lo pepe, wala *ahale ti lo airi kobe pepe.

Abia (Psaumes) 37:3

Mo zia be ti mo na ndö ti *KOTA GBIA, mo sara nzoni ye si fade mo duti na ya ti kodro ni, fade sioni ye asi na mo pepe.

Amato 10:3

KOTA GBIA ayeke zia zo ti mbirimbiri ti kui nzara pepe; me lo yeke gbanzi lege na zo ti sioni ti wara ye so lo sara nzara ni.

Amato 28:10

Zo so asara si azo ti mbirimbiri amu sioni lege, fade lo yeke ti na ya ti kuku ti lo wani. Me azo so sarango ye ti ala ayeke na legeni, ye so ayeke ga ti ala ayeke nzoni duti.

Amato 8:18

Mbi yeke mu na azo mosoro na gonda, anzoni ye so angba lakue nga na futa so alingbi.

Zo ti bongbingo azo 10:2

Gbungo-li ti zo ti ndara ayeke gue na lo na nzoni lege; me gbungo-li ti zo ti buba ayeke gue na lo na sioni lege.

Ésaïe 26:9

Na bi, be ti mbi ayeke na nzara ti mo, mbi yeke gi mo na be ti mbi kue. Tongana mo fâ ngbanga ti mo na li ti azo ti sese so, azo ti dunia ayeke manda ti sara ye ti mbirimbiri.

Ésaïe 33:6

Ti ala azo ti KOTA GBIA, na ya ti fini ti ala, mbeni ye ti sioni alingbi ti si na ala pepe. Dutingo na ndara na hingango Nzapa ayeke nzoni ye so ayeke soo ala; kpengo mbeto ti KOTA GBIA, so mosoro ti ala laa!

Ésaïe 45:24

Ala yeke tene tënë na ndö ti mbi, atene: “Gi na lege ti *KOTA GBIA oko si sarango ye ti mbirimbiri na ngangu ayeke daa.” Azo so kue atiri na mbi, fade ala yeke ga na mbage ti mbi, kamene ayeke hon ndö ti ala.

Jérémie 23:6

Na ngoi ti lo, fade a yeke soo kodro-gbia ti Juda, mbeni ye ti sioni ti si na Israel ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’

Matthieu 19:28

Jésus atene na ala: “Mbi tene na ala taa-tënë: na ndembe so ye kue ayeke kiri ti ga fini ni, fade *Molenge ti Zo ayeke duti na ndö ti mbata ti gonda ti lo ti Gbia. Ala baleoko na use so amu peko ti mbi, ala yeke duti na ndö ti ambata ti gbia baleoko na use titene ala fâ ngbanga ti amara baleoko na use ti Israel.

Matthieu 19:29

Zo so kue azia ada ti lo, a-ita ti lo ti koli, a-ita ti lo ti wali, babâ ti lo, mama ti lo, amolenge ti lo na ayaka ti lo ndali ti mbi, fade lo yeke wara aye so fani ngbangbo oko ahon aye so lo zia si lo yeke wara fini so angba lakue lakue.

Matthieu 3:2

lo tene: “Ala zia ngbene lege ti sarango ye ti ala, ngbanga ti so *Kodro-gbia ti yayu aga nduru awe!”

Matthieu 4:17

Gi na ndembe ni so, Jésus ato nda ti fa tënë, lo tene: “Ala zia ngbene lege ti sarango ye ti ala, ngbanga ti so *Kodro-gbia ti yayu aga nduru awe!”

Matthieu 5:6

Ti ala nzoni, ala so nzara ti sarango ye ti mbirimbiri ayeke sara ala tongana ti so nzara ti kobe na ti ngu ayeke sara zo, ngbanga ti so Nzapa ayeke mu ande na ala ye so be ti ala aye!

Nzoni Tënë so Luc asu na mbeti 1:6

Ala use kue ayeke ambirimbiri zo na le ti Nzapa; ala yeke sara ye gi na lege ti andia nga na lege ti ambela kue ti *Kota Gbia.

Nzoni Tënë so Luc asu na mbeti 12:31

Ala gi *Kodro-gbia ti Nzapa kozoni si fade a yeke mu na ala aye so kue na ndö ni.”

Jean 5:4

ngbanga ti so na ambeni ngoi, mbeni *ange ti *Kota Gbia ayeke zu na ya ti ngu ni ti yingi ni. Zo ti kobela so ayeke zu kozo na ya ti ngu ni na peko ti so ngu ni ayingi, ataa kobela ti lo ni ayeke nyen, kobela ni ayeke kai.]

Jean 6:27

Ayeke nzoni ala sara kua ndali ti kobe so ayeke buba pepe, me ndali ti kobe so ayeke ngba si ayeke mu na zo fini so angba lakue lakue. *Molenge ti Zo laa ayeke mu ande na ala kobe ni so, ngbanga ti so Babâ, lo so lo yeke Nzapa wani laa amu na lo ngangu ni.”

Awatokua 20:25

“Mbi tambula na popo ti ala kue si mbi fa na ala tënë ti *Kodro-gbia ti Nzapa kue awe. Ti fadeso, mbi hinga, mbi tene, mbeni zo oko na popo ti ala ayeke kiri ti baa le ti mbi pepe.

Awatokua 28:31

Lo yeke fa tënë ti Kodro-gbia ti Nzapa si lo yeke fa tënë ti *Kota Gbia Jésus Christ na mbeto pepe, mbeni zo akanga lege na lo pepe.

Rome 1:17

Biani, Nzoni Tënë ni afa na le ti azo lege so Nzapa asara titene azo aga mbirimbiri na le ti lo: gi na lege ti mabe, na tongo ndani ngbii asi na ndani, tongana ti so Mbeti ti Nzapa atene: “Zo so aga mbirimbiri na lege ti mabe, fade lo yeke duti na fini.”

Rome 10:3

Lege so Nzapa aleke titene zo amu si lo ga mbirimbiri na le ti lo, azuife ahinga ni pepe, ala leke lege ti ala wani ti ga mbirimbiri. Tongaso ala ke lege so Nzapa aleke titene zo amu si lo ga mbirimbiri.

Rome 14:17

Biani, *Kodro-gbia ti Nzapa abaa tënë ti tengo kobe wala tënë ti nyongo ye pepe, me abaa tënë ti sarango ye ti mbirimbiri, ti siriri na ti ngia so Yingo-Vuru ayeke mu na zo.

Rome 8:31

Tongaso, fade e yeke tene nyen na ndö ti tënë so? Tongana Nzapa ayeke na e, zo wa laa alingbi ti ke e?

1 Korente 1:30

Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

1 Korente 3:22

ataa Paul, ataa Apolos wala Sefas, ataa dunia, ataa fini wala kuâ, ataa ye ti laso wala ti kekereke. Ye kue ayeke ti ala,

2 Korente 5:21

Christ asara siokpari oko pepe, me Nzapa asara si siokpari ti e akiri na li ti lo. Tongaso na lege ti Christ, Nzapa asara si e ga mbirimbiri.

Filipe 3:9

si mbi na lo, e ga oko. Batango ndia ti ga mbirimbiri, so laa amu lege na mbi ti ga oko na Christ pepe, me mbi ga oko na Christ na lege ti mabe. Nzapa laa ayeke mu na zo lege ti gango mbirimbiri tongana zo ni ama na be.

2 Tesalonike 1:5

Ye so kue afa atene, fango ngbanga ti Nzapa ayeke mbirimbiri. Biani, ye ni ayeke sara titene ala lingbi na *Kodro-gbia ti Nzapa so ala yeke baa pasi ndali ni.

1 Timothée 4:8

Tarango tere na lege ti angia ti wanguru ayeke sara nzoni na zo gi kete; me gbungo tënë ti Nzapa ngangu ayeke sara nzoni na zo na ya ti aye kue. Biani, ndali ti zo so, zendo ti duti na fini laso nga na ngoi so ayeke ga gbanda ayeke daa.

2 Pierre 1:1

Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.

2 Pierre 1:11

Tongaso, fade a yeke zi lege na ala polele ti li na ya ti Kodro-gbia ti Kota Gbia ti e na Wasongo e, Jésus Christ; kodro so ayeke ngba kpu na kpu.