Matthieu 6:31 - Mbeti ti Nzapa - Tënë so amu fini

³¹ Tongaso, ala gi be ti ala pepe, atene: ‘Fade e yeke te nyen? Fade e yeke nyon nyen? Fade e yeke wara bongo na ndo wa ti yu?’

Matthieu 6:31 Iomraidhean Croise

2 Mbai 25:9

Amasia atene na zo ti Nzapa ni: “Ka gba ti nginza so mbi mu na aturugu so, fade a sara na ni nyen?” – Zo ti Nzapa ni akiri tënë, atene: “KOTA GBIA alingbi ti mu na mo ye mingi ahon so!”

Abia (Psaumes) 111:5

Lo mu kobe na azo so akpe mbeto ti lo; lo yeke dabe ti lo na *mbuki ti lo lakue.

Abia (Psaumes) 37:3

Mo zia be ti mo na ndö ti *KOTA GBIA, mo sara nzoni ye si fade mo duti na ya ti kodro ni, fade sioni ye asi na mo pepe.

Abia (Psaumes) 55:22

Tënë ti yanga ti lo anzere tongana mafuta ti wotoro, me tënë ti bira ayeke na be ti lo kâ. Atënë ti yanga ti lo ayeke woko zo ahon mafuta, me atënë ni ayeke kpo zo tongana zeme.

Matthieu 15:33

Adisiple ahunda lo, atene: “So e yeke na ya ti ngonda ge so, e yeke wara kobe na ndo wa ti mu na gba ti azo so kue titene ala te, ya ti ala asi?”

Matthieu 4:4

Jésus akiri tënë na lo: “Mbeti ti Nzapa atene: ‘Fade zo ayeke ngba na fini gi na lege ti kobe oko pepe, me na lege ti tënë so kue asigigi na yanga ti Nzapa.’ ”

Matthieu 6:25

“Ndani laa mbi tene na ala: ala gi be ti ala ndali ti fini ti ala pepe wala ndali ti tere ti ala pepe, atene: ‘Fade e yeke te nyen? Fade e yeke nyon nyen? Fade e yeke wara bongo na ndo wa ti yu?’ Fini ti zo ayeke kota ahon kobe pepe? Tere ti zo ayeke kota ahon bongo pepe?

Matthieu 6:27

Zo wa na popo ti ala, na lege ti gingo be ti lo, lo lingbi ti zia mbeni lango oko na ndö ti alango ti fini ti lo?

Nzoni Tënë so Luc asu na mbeti 10:41

Me Kota Gbia akiri tënë na lo: “Marthe, Marthe, mo yeke gi be ti mo si mo yeke do tere ti mo ndali ti aye mingi.

Nzoni Tënë so Luc asu na mbeti 12:11

Tongana a mu ala ti gue na ala na ngbanga na ya ti ada ti sambelango Nzapa, wala na gbe ti azo ti fango ngbanga, wala na gbe ti akota zo ti kodro, ala gi be ti ala pepe, atene: ‘Tënë ti nyen laa e yeke kiri ande na ni ti zi tënë na li ti e?’

Nzoni Tënë so Luc asu na mbeti 12:22

Na pekoni, Jésus atene na adisiple ti lo: “Ndani laa, mbi tene na ala: Ala gi be ti ala pepe ndali ti fini ti ala wala ndali ti tere ti ala, atene: ‘Fade e yeke te nyen? Fade e yeke wara bongo na ndo wa ti yu?’

Nzoni Tënë so Luc asu na mbeti 12:29

Ala nga, ala gi be ti ala pepe ndali ti ye ti tengo ni wala ye ti nyongo ni, ala zia be ti ala na nduzu pepe.

Filipe 4:6

Ala gi be ti ala ndali ti mbeni ye oko pepe, me na ya ti ye kue, ala fa na Nzapa ye so ala ye, na lege ti sambela, na vorongo tere nga na mungo singila na lo.

1 Pierre 5:7

Aye so kue ala yeke gi be ti ala daa, ala zia ni kue na maboko ti Nzapa, ngbanga ti so lo laa lo yeke bata ala.