Matthieu 6:28 - Mbeti ti Nzapa - Tënë so amu fini

²⁸ “Ngbanga ti nyen si ala yeke gi be ti ala ndali ti bongo? Ala baa lege so akongo ti ngonda ayeke kono na ni: ala yeke sara kua pepe, ala yeke leke nga bongo pepe.

Matthieu 6:28 Iomraidhean Croise

Osée 14:5

KOTA GBIA atene: “Fade mbi yeke zi nzara ti kengo mbi so ayeke na be ti ala so; mbi yeke ye ala na be ti mbi kue, ngbanga ti so ngonzo ti mbi akai na tere ti ala awe.

Matthieu 10:10

ala mu bozo ti lege pepe, ala mu bongo use pepe, ala mu poro ti gere wala keke ti tambulango na ni pepe, ngbanga ti so zo ti kua alingbi ti wara kobe ti yanga ti lo.

Matthieu 6:25

“Ndani laa mbi tene na ala: ala gi be ti ala ndali ti fini ti ala pepe wala ndali ti tere ti ala pepe, atene: ‘Fade e yeke te nyen? Fade e yeke nyon nyen? Fade e yeke wara bongo na ndo wa ti yu?’ Fini ti zo ayeke kota ahon kobe pepe? Tere ti zo ayeke kota ahon bongo pepe?

Matthieu 6:27

Zo wa na popo ti ala, na lege ti gingo be ti lo, lo lingbi ti zia mbeni lango oko na ndö ti alango ti fini ti lo?

Matthieu 6:31

Tongaso, ala gi be ti ala pepe, atene: ‘Fade e yeke te nyen? Fade e yeke nyon nyen? Fade e yeke wara bongo na ndo wa ti yu?’

Nzoni Tënë so Luc asu na mbeti 10:41

Me Kota Gbia akiri tënë na lo: “Marthe, Marthe, mo yeke gi be ti mo si mo yeke do tere ti mo ndali ti aye mingi.

Nzoni Tënë so Luc asu na mbeti 12:11

Tongana a mu ala ti gue na ala na ngbanga na ya ti ada ti sambelango Nzapa, wala na gbe ti azo ti fango ngbanga, wala na gbe ti akota zo ti kodro, ala gi be ti ala pepe, atene: ‘Tënë ti nyen laa e yeke kiri ande na ni ti zi tënë na li ti e?’

Nzoni Tënë so Luc asu na mbeti 12:22

Na pekoni, Jésus atene na adisiple ti lo: “Ndani laa, mbi tene na ala: Ala gi be ti ala pepe ndali ti fini ti ala wala ndali ti tere ti ala, atene: ‘Fade e yeke te nyen? Fade e yeke wara bongo na ndo wa ti yu?’

Nzoni Tënë so Luc asu na mbeti 12:27

Ala baa akongo ti ngonda: akongo ni ayeke sara kua pepe, ala yeke fu nga bongo pepe. Me mbi tene na ala: ataa Salomon so ayeke ando na amosoro mingi, pendere ti abongo so lo yu alingbi na pendere ti akongo ni oko pepe.

Nzoni Tënë so Luc asu na mbeti 3:11

Lo kiri tënë na ala, lo tene: “Zo so ayeke na bongo use, ayeke nzoni lo mu mbeni oko na zo so ayeke na ni pepe. Zo so ayeke na ye ti tengo ni, ayeke nzoni lo mu mbeni na zo so ayeke na ni pepe.”

Filipe 4:6

Ala gi be ti ala ndali ti mbeni ye oko pepe, me na ya ti ye kue, ala fa na Nzapa ye so ala ye, na lege ti sambela, na vorongo tere nga na mungo singila na lo.

1 Pierre 5:7

Aye so kue ala yeke gi be ti ala daa, ala zia ni kue na maboko ti Nzapa, ngbanga ti so lo laa lo yeke bata ala.