Matthieu 6:23 - Mbeti ti Nzapa - Tënë so amu fini

²³ Me tongana le ti mo abuba, tere ti mo kue ayeke na ya ti vukongo ndo. Tongana vurungo ndo so ayeke na ya ti mo avuko awe, fade akiri avuko pitipiti!”

Matthieu 6:23 Iomraidhean Croise

Amato 26:12

Tongana mo baa mbeni zo so abaa tere ti lo wani tongana zo ti ndara, ye so mo lingbi ti hinga ayeke so: nzoni ye so mo lingbi ti ku na mbage ti zo ti buba ayeke mingi ahon ti zo tongaso.

Ésaïe 8:20

fade ala yeke kiri tënë na ala, atene: “E yeke kiri gi na ndö ti wango ti KOTA GBIA na tënë so lo tene.” Zo so atene tënë tongaso pepe, fade lo yeke baa lumiere ti ndaperere pepe.

Jérémie 4:22

KOTA GBIA atene: “Biani, li ti azo ti mbi ayeke daa pepe, ala hinga mbi pepe. Ala yeke amolenge so li ti ala ayeke daa pepe; ala hinga ye oko pepe. Ala yapu na sarango sioni ye; me ala hinga ti sara nzoni ye pepe.”

Matthieu 20:15

Mbi lingbi ti sara ye so be ti mbi aye na nginza ti mbi pepe? Be ti mo aso, ngbanga ti so mbi yeke zo ti nzoni be?’

Matthieu 6:22

“Le ti zo ayeke tongana lamba ti tere ti lo. Tongaso, tongana le ti mo ayeke nzoni, tere ti mo kue ayeke na ya ti vurungo ndo.

Marc 7:22

gingo wali wala koli ti zo, sarango nzara ti ye ti zo, sioni be, handango zo, sarango ye ti kirikiri, kota be, tenengo sioni tënë na iri ti zo, sarango baba nga na sarango ye ti buba.

Nzoni Tënë so Luc asu na mbeti 11:34

Le ti mo ayeke tongana lamba ti tere ti mo. Tongana le ti mo ayeke nzoni, tere ti mo kue ayeke na ya ti vurungo ndo. Me tongana le ti mo abuba, tere ti mo kue ayeke na ya ti vukongo ndo.

Nzoni Tënë so Luc asu na mbeti 8:10

Lo tene: “Ti ala, Nzapa amu na ala lege ti hinga nda ti tënë ti *Kodro-gbia ti Nzapa so angba na hondengo ni, me ti ambeni zo, a tene tënë ni na ala na lege ti atoli titene ‘ala yeke baa ndo, me ala yeke baa ye pepe; ala yeke ma ndo, me ala yeke ma ya ti atënë ni pepe.’ ”

Rome 1:22

Ala baa ti ala atene, ala yeke azo ti ndara, andaa ala ga azo ti buba awe.

1 Korente 2:14

Zo so ayeke na Yingo ti Nzapa pepe, lo yeke yeda na aye ti Yingo ti Nzapa pepe: aye ni ayeke aye ti buba na le ti lo, lo lingbi ti ma ya ni pepe, ngbanga ti so zo alingbi ti hinga nda ni gi na lege ti Yingo.

Efeze 4:18

Hingango ndo ti ala ayeke na ya ti vukongo ndo; fini so Nzapa ayeke mu na zo, ala wara ni pepe, ngbanga ti so be ti ala akpengba si ala hinga ndo pepe.

Efeze 5:8

Ando, ala yeke na ya ti vukongo ndo. Ndali ti so ala ga oko na *Kota Gbia, fadeso ala yeke na ya ti lumiere. Ayeke nzoni sarango ye ti ala ayeke tongana ti azo so ayeke na ya ti lumiere.

1 Jean 2:11

Me zo so be ti lo ake ita ti lo, andaa lo yeke na ya ti vukongo ndo; lo yeke tambula na ya ti vukongo ndo, lo hinga ndo so lo yeke gue daa pepe, ngbanga ti so vukongo ndo ni avuko le ti lo awe.