Matthieu 6:19 - Mbeti ti Nzapa - Tënë so amu fini

¹⁹ “Ala bongbi mosoro na ndö ti dunia so pepe! Na ndö ti dunia so, akangi na *soko ayeke buba ni, azo ti nzi ayeke kungbi yanga ti da ti nzi ni.

Matthieu 6:19 Iomraidhean Croise

Mbeti ti Job 24:16

Na bi laa zo ti nzi ayeke kungbi yanga ti da. Na kota lâ, lo yeke kanga yanga ti da na ndö ti lo, lo hinga vurungo ndo pepe.

Mbeti ti Job 31:24

Mbi zia be ti mbi na ndö ti lôro? Wala mbi tene na lôro ni: “Mo laa mo yeke bata mbi”?

Abia (Psaumes) 39:6

Baa, mo mu na mbi lango ti fini so ayeke nduru tongana ya ti maboko ti mbi. Na le ti mo, fini ti mbi ayeke ye oko pepe. Biani, ataa zo angba ngangu, lo yeke gi pupu senge. Luti kete

Abia (Psaumes) 62:10

Biani, akete zo ayeke gi pupu senge; akota zo ayeke tene gi mvene senge. Tongana a zia ala kue na ndö ti kilo, fade nengo ti pupu ayeke hon nengo ti ala.

Sigingo 22:2

Me tongana lo fâ zo ti nzi ni na kota lâ, fade a yeke baa lo tongana zo ti fango zo. Alingbi zo ti nzi afuta nginza so alingbi ndali ye so lo nzi. Tongana lo yeke na ye ti futa na ni pepe, fade a yeke ka lo na ngbaa.

Amato 11:4

Na lango ti fango ngbanga, mosoro ayeke sara ye oko ndali ti zo pepe; me sarango ye ti mbirimbiri laa ayeke zi zo na ya ti kuâ.

Amato 16:16

Titene zo awara ndara, so laa ayeke nzoni ahon titene lo wara lôro ti nzoni ni. Titene zo awara hingango ndo, so laa ayeke nzoni ahon titene lo wara wen ti nginza.

Zo ti bongbingo azo 2:26

Nilaa, zo so ayeke nzoni na le ti Nzapa, Nzapa ayeke mu na lo ndara, hingango ndo na ngia. Me ti zo ti siokpari, Nzapa ayeke mu na lo kua ti bongbingo ye ndali ti zo so ayeke nzoni na le ti lo. Ye so nga ayeke gi senge senge si ayeke tumbango peko ti pupu senge.

Sofonii 1:18

Na lango so KOTA GBIA ayeke sara kota ngonzo, fade wen ti nginza ti ala, wala lôro ti ala ayeke soo ala na kuâ pepe; mbanda ti lo so ayeke londo tongana wâ ayeke gbi sese kue. Biani, ye ni ayeke duti ye ti ziango kota mbeto na be ti zo. KOTA GBIA ayeke fâ azo ti sese kue ti hunzi ala.

Matthieu 19:21

Jésus atene na lo: “Tongana mo ye ti ga nzoni kue, mo gue, mo ka ye so kue mo yeke na ni, mo mu nginza ni na awayere si fade mo yeke wara mosoro na yayu. Na pekoni, mo ga, mo mu peko ti mbi.”

Matthieu 6:20

Me ala bongbi mosoro ti ala na yayu! Na yayu kâ, akangi na soko alingbi ti buba ni pepe, azo ti nzi alingbi nga ti kungbi yanga ti da ti nzi ni pepe,

Nzoni Tënë so Luc asu na mbeti 12:21

Jésus akiri atene: “Baa, ye so ayeke si ande na zo so ayeke bongbi amosoro gi ndali ti lo wani si lo bongbi aye ndali ti Nzapa pepe so laa!”

Nzoni Tënë so Luc asu na mbeti 12:33

Ala ka aye so ala yeke na ni, ala mu nginza ni na azo ti mawa. Ala gi ti wara abozo ti nginza so ayeke buba pepe; ala bata mosoro ti ala na yayu! Kâ, mosoro ni ayeke hunzi pepe: zo ti nzi alingbi ti si nduru na ni pepe, akangi alingbi nga ti te ni pepe.

Nzoni Tënë so Luc asu na mbeti 12:39

“Ala hinga so, tongana wa ti da ahinga ngbonga so zo ti nzi ayeke ga na ni, ka lo zia zo ti nzi ni ti kungbi yanga ti da ti lo ti li na ya ni pepe.

Nzoni Tënë so Luc asu na mbeti 18:22

So Jésus ama tënë so, lo tene na lo: “Mbeni ye oko angba na mo ti sarango ni: mo ka aye ti mo kue, mo kangbi nginza ni na awayere si fade mo yeke wara mosoro na yayu. Na pekoni, mo ga, mo mu peko ti mbi.”

Nzoni Tënë so Luc asu na mbeti 18:24

So Jésus abaa so lo yeke na vundu, lo tene: “Ayeke ngangu na azo ti mosoro ti li na ya ti *Kodro-gbia ti Nzapa!

1 Timothée 6:17

Mo mu yanga na azo ti mosoro ti dunia so titene ala pika kate ti ala pepe. Amosoro so ayeke ninga pepe, ala zia be ti ala na ndö ni pepe, me ala zia be ti ala na ndö ti Nzapa. Lo laa lo yeke mu na e anzoni ye ahon ndoni si e wara lege ti duti nzoni.

Ahebro 13:5

Na lege ti sarango ye ti ala, alingbi nzara ti nginza ahon ndö ti ala pepe, me ala zia be ti ala gi na ye so ala yeke na ni, ngbanga ti so Nzapa wani atene: “Fade mbi yeke do mo ti zia mo pepe, mbi yeke zia mo oko pepe.”