Matthieu 6:18 - Mbeti ti Nzapa - Tënë so amu fini

¹⁸ si azo ahinga pepe atene, mo yeke ke kobe. Me mo sara si gi Babâ ti mo ahinga tënë ni; Babâ ti mo so ayeke daa si zo alingbi ti baa lo pepe so. Lo yeke baa ye so mo yeke sara na hondengo ni si lo yeke mu ande na mo ye ti peko ni.”

Matthieu 6:18 Iomraidhean Croise

Matthieu 6:4

Mu ye ni na hondengo ni si Babâ ti mo so ayeke baa ye so mo yeke sara na hondengo ni amu na mo ye ti peko ni.”

Matthieu 6:6

Ti mo, tongana mo ye ti sambela, mo li na ya ti kubu ti mo, mo kanga yanga ti kubu ni si mo sambela Babâ ti mo so zo ayeke baa lo pepe. Fade Babâ ti mo so ayeke baa ye so mo yeke sara na hondengo ni ayeke mu na mo ye ti peko ni.

Rome 2:6

lo yeke futa zo oko oko alingbi na ye so zo ni asara.

2 Korente 10:18

Taa nzoni zo ti kua ayeke zo so ayeke tene nzoni tënë na ndö ti lo wani pepe, me zo so Kota Gbia laa ayeke tene nzoni tënë na ndö ti lo.

2 Korente 5:9

Me taa ye so e ye ayeke titene dutingo ti e azia ngia na be ti lo, ataa e ngba na ya ti tere so wala e sigigi na ya ni.

1 Pierre 1:7

Pasi ni asi na ala ti tara mabe ti ala. Lôro ayeke ye so ayeke buba bubango, me azo ayeke tara ni na wâ. Mabe ayeke kota ye ahon lôro. Ndani laa a yeke tara ni ti baa wala akpengba, tongaso si fade Nzapa ayeke tene nzoni tënë ti ala, lo yeke gonda ala si lo yeke ne ala na ndembe so Jésus Christ ayeke si.

1 Pierre 2:13

Ndali ti *Kota Gbia, ala ma yanga ti azo ti komandema kue: ala ma yanga ti kota gbia, ngbanga ti so lo yeke na komandema na ndö ti tanga ti agbia kue.