Matthieu 6:13 - Mbeti ti Nzapa - Tënë so amu fini

¹³ Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

Matthieu 6:13 Iomraidhean Croise

Tongo nda ti aye 22:1

Na peko ti aye so, Nzapa atara be ti Abraham. Lo iri lo, lo tene: “Abraham!” Abraham ayeda, atene: “Mbi laa.”

1 Agbia 1:36

Benaya, molenge ti Yoyada akiri tënë na gbia, atene: “Amen! KOTA GBIA, Nzapa ti gbia ti mbi laa azia atënë so na yanga ti gbia.

1 Mbai 16:36

Singila na KOTA GBIA, Nzapa ti Israel ngbene ye lakue lakue, kpu na kpu! Nilaa azo kue atene: “Amen! Aleluya!”

1 Mbai 29:11

KOTA GBIA, mo yeke kota, mo yeke ngangu, mo lingbi na gonda, iri ti mo awu mingi, mo yeke gbia! Biani, aye so kue ayeke na yayu nga na ndö ti sese ayeke ti mo. KOTA GBIA, lengo-gbia ayeke ti mo si mo yeke na li ti aye kue.

1 Mbai 4:10

Yabes asambela Nzapa ti Israel, atene: “Ayeke nzoni mo sara tufa na ndö ti mbi, mo sara si le ti sese ti mbi akiri akono mingi, mo zia maboko ti mo na ndö ti mbi ti bata mbi, mo sara si akpale na pasi ahon yongoro na tere ti mbi!” Nzapa amu na lo ye so lo hunda.

Abia (Psaumes) 10:16

KOTA GBIA ayeke gbia kpu na kpu; amara nde angba na ya ti kodro ti lo mbeni pepe.

Abia (Psaumes) 106:48

Singila na KOTA GBIA, Nzapa ti Israel, ngbene ye lakue lakue, kpu na kpu! Ayeke nzoni azo kue atene: “Amen! Aleluya!”

Abia (Psaumes) 22:28

Azo so ayeke na nda ti sese kue, ala dabe ti ala na KOTA GBIA, ala kiri na mbage ti lo! Asewa kue ti amara nde, ala kuku na gbe ti lo ti voro lo!

Abia (Psaumes) 41:13

Mo gbu mbi awe, mbi ngba na nduzu, mo mu na mbi nzoni tere awe; mo sara si mbi ngba na dawa ti mo kpu na kpu.

Abia (Psaumes) 47:2

Ala azo kue, ala pika maboko, ala dekongo na Nzapa, na ngia.

Abia (Psaumes) 47:7

Ala he bia na Nzapa, ala he bia! Ala he bia na gbia ti e, ala he bia!

Abia (Psaumes) 72:19

Singila na Nzapa kpu na kpu ndali ti iri ti lo so alingbi na gonda! Ayeke nzoni sese kue asi singo na gonda ti lo! Amen! Amen!

Abia (Psaumes) 89:52

KOTA GBIA, awato ti mo azonga zo so mo tuku mafuta na li ti lo ti ga gbia so, ala zonga peko ti gere ti lo.

Sigingo 15:18

KOTA GBIA, mo yeke le-gbia kpu na kpu!

Amato 30:8

Mo zi na ya ti fini ti mbi aye ti kirikiri na atënë ti mvene. Mo sara si mbi ga wayere pepe wala zo ti mosoro nga pepe; mo mu na mbi gi kobe so alingbi na mbi.

Jérémie 15:21

Fade mbi yeke gboto mo na maboko ti azo ti sioni; mbi yeke zi mo na maboko ti azo so ayeke sara ngangu na zo.”

Jérémie 28:6

lo tene: “Amen! Ayeke nzoni KOTA GBIA asara tongana ti so mo tene so! Ayeke nzoni KOTA GBIA asara ye alingbi gi na atënë so mo fa peko ni so: akungba ti ya ti kota da ti Nzapa na azo so kue a gbu ala si a gue na ala na Babilone, ayeke nzoni a kiri na ala na ndo so.

Daniel 4:25

Atënë so kue a tene na ndö ti Nabukodonosor asi gi tongana ti so Daniel afa.

Daniel 7:18

Me a yeke mu kodro ni na azo so Nzapa asoro ala; Nzapa so ayeke na yayu kâ na ndö ti aye kue so; fade kodro ni ayeke ngba ti ala lakue lakue, kpu na kpu.’

Wungo ti azo 5:22

Ayeke nzoni ngu so ayeke ga na deba na ndö ti zo ague na ya ti avi ti mo ti sara si ya ti mo asuku si mo du nga pepe.’ Fade wali ni ayeke kiri tënë: ‘Amen, amen!’

Matthieu 26:41

Ala lango pepe! Ala sambela si ala ti na ya ti ye ti tarango be pepe. Yingo ti zo ayeke na nzara ti sarango nzoni ye, me zo ni ayeke na ngangu pepe.”

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Matthieu 5:37

Tongana ala yeke tene tënë, ala tene gi tënë oko: ‘Een, tënë ni laa’, wala ‘Ên-en, tënë ni laa pepe’. Tënë so kue ala zia na ndö ni alondo na Sioni wato.”

Matthieu 6:10

ga, mo le-gbia na ndö ti azo. Ayeke nzoni a sara na sese ye so be ti mo aye, tongana ti so a yeke sara na yayu.

Jean 17:15

Mbi hunda na mo pepe ti zi ala na dunia so, me ti bata ala si Sioni wato asara sioni na ala pepe.

1 Korente 10:13

Aye ti tarango be so kue asi na ala ayeke aye so ayeke si na azo kue. Nzapa ayeke sara ye alingbi na tënë ti yanga ti lo: lo lingbi ti zia ala titene aye ti tarango be ahon ngangu ti ala pepe. Me tongana ye ti tarango be asi, fade Nzapa ayeke mu na ala ngangu titene ala kanga be ti ala daa, lo yeke mu nga na ala lege ti sigingo na ya ni.

1 Korente 14:16

Tongana mo yeke sambela ti mu singila na Nzapa gi na lege ti yingo ti mo, fade senge zo ti ya ti bongbi ni ayeke wara lege ti tene “Amen” na peko ti sambela ti mo ni tongana nyen, so lo ma ya ti tënë ti mo ni pepe so?

2 Korente 1:20

Na lege ti lo laa Nzapa atene “een” ti mu na e aye so kue lo mu ando zendo ni. Na lege ti lo nga laa e yeke tene “amen” ti gonda Nzapa.

Galasii 1:4

Jésus aka tere ti lo ndali ti siokpari ti e, ti zi e na ya ti ngoi ti sioni so e yeke daa laso; lo sara tongana ti so be ti Nzapa Babâ ti e aye.

Ndia ti fani use ni 8:16

Gi na ya ti oko benyama ni, KOTA GBIA amu na ala *mane, kobe so akotara ti ala ahinga ni pepe. Lo sara tongaso titene aye ti ngangu asi na ala si lo tara be ti ala; na ndani, lo sara nzoni na ala.

Ndia ti fani use ni 8:2

Ayeke nzoni ala dabe ti ala na yongoro lege so KOTA GBIA Nzapa ti ala asara si ala tambula daa na ya ti ngu baleosio na ya ti benyama so. Lo sara tongaso titene aye ti ngangu asi na ala, tongaso si lo lingbi ti tara be ti ala ti hinga ye so ayeke na ya ti be ti ala; lo lingbi ti baa, wala ala ye ti sara ye alingbi na atënë ti ndia ti lo, wala ala ye pepe.

1 Tesalonike 1:10

Fadeso ala yeke ku Jésus, Molenge ti lo so ayeke londo na yayu ti ga. Nzapa azingo Molenge ti lo ni na kuâ, lo so lo yeke zi e na gbe ti ngonzo ti Nzapa so ayeke ga.

2 Tesalonike 3:3

Me Kota Gbia ayeke sara ye alingbi na tënë ti yanga ti lo: fade lo yeke sara titene ala kpengba, lo yeke bata ala si Sioni wato asara sioni na ala pepe.

1 Timothée 1:17

Ayeke nzoni azo ane Kota Gbia, ala gonda lo lakue lakue, lo yeke oko Nzapa, zo abaa lo pepe, lo yeke na fini lakue lakue, lo yeke Kota Gbia kpu na kpu! Amen.

Ahebro 11:36

A zonga ambeni, a pika ala na fimbo, a kanga ala na zingiri si a bi ala na da ti kanga.

1 Pierre 5:8

Le ti ala akpengba, ala lango pepe! Zabolo, wato ti ala, ayeke ngoro na tere ti ala tongana bamara so ayeke toto si ayeke gi mbeni zo ti te.

2 Pierre 2:9

so ti tene, *Kota Gbia alingbi ti zi azo so amu tere ti ala kue na lo na ya ti ye ti tarango be si lo yeke bata azo ti kirikiri ti fâ ngbanga na li ti ala na lango ti fango ngbanga.

1 Jean 3:8

Zo so ayeke sara siokpari, lo yeke zo ti Zabolo, ngbanga ti so Zabolo ayeke sara siokpari, ngbene ye na tongo nda ni. Molenge ti Nzapa aga mbirimbiri ti buba aye so Zabolo ayeke sara.

Aye so Nzapa afa 1:18

lo so lo yeke na fini. Mbi kui ando, me mo baa, mbi yeke na fini kpu na kpu. Mbi yeke na ngangu na ndö ti kuâ nga na ndö ti ndo ti akuâ.

Aye so Nzapa afa 19:1

Na pekoni, mbi ma mbeni kota go tongana ti gba ti azo na yayu; ala tene: “Aleluya! Nzapa ayeke Wasongo e! Gonda na ngangu ayeke ti lo!

Aye so Nzapa afa 19:4

*Akangba baleuse na osio na aye osio so ayeke na fini akuku si ala voro Nzapa so ayeke duti na ndö ti mbata ti gbia so, ala tene: “Amen! Aleluya!”

Aye so Nzapa afa 2:10

Mo yeke baa ande pasi, me ayeke nzoni mbeto ti pasi ni asara mo pepe. Baa, fade Zabolo ayeke bi ambeni zo na popo ti ala na da ti kanga, ti tara be ti ala, azo ti Nzapa; na ya ti lango baleoko kue, a yeke sara ngangu na ala. Ayeke nzoni mo bata tënë ti mbi ngbii asi na kuâ, fade mbi yeke mu na mo nzoni ye so a yeke mu na zo so aso benda, so ti tene fini so angba lakue lakue.

Aye so Nzapa afa 21:4

Lo yeke mbo ande ngu ti le ti ala kue. Fade kuâ, wala mua, wala toto wala pasi ayeke duti daa mbeni pepe, ngbanga ti so angbene ye kue ahon awe.”

Aye so Nzapa afa 3:10

Mo bata tënë ti mbi, mo zia lege ni oko pepe. Ndani laa mbi nga, mbi yeke bata mo na ngoi ti aye ti tarango be so ayeke si ande na azo ti sese kue.

Aye so Nzapa afa 3:14

“Su mbeti so, mo tokua na *ange so ayeke na li ti *Eglize ti gbata ti Laodise: “Lo so iri ti lo ayeke Amen, lo so lo yeke taa zo ti fango peko ti tënë na legeni mbirimbiri si lo yeke na tongo nda ti ye so kue Nzapa asara, lo tene:

Aye so Nzapa afa 5:13

Mbi ma go ti aye so kue Nzapa asara: aye ti yayu, aye ti sese, aye ti gbe ti sese na aye ti ya ti kota ngu-ingo, atene: “Lo so lo duti na ndö ti mbata ti gbia, lo na Molenge ti Taba, ayeke nzoni azo asepela lo si ane lo, gonda na komandema ayeke ti lo, kpu na kpu!”