Matthieu 6:10 - Mbeti ti Nzapa - Tënë so amu fini

¹⁰ ga, mo le-gbia na ndö ti azo. Ayeke nzoni a sara na sese ye so be ti mo aye, tongana ti so a yeke sara na yayu.

Matthieu 6:10 Iomraidhean Croise

Néhémie 9:6

Mo laa mo yeke KOTA GBIA, gi mo oko! Mo sara yayu so akono ahon ndoni nga na atongoro kue. Mo sara sese na aye so kue ayeke na ndö ni. Mo sara akota ngu-ingo na aye so kue ayeke na ya ni. Mo yeke bata aye so kue na fini; aye so kue ayeke na yayu ayeke kuku na gbe ti mo.

Abia (Psaumes) 2:6

si lo tene: “Mbi wani laa mbi zia gbia ti mbi na ndö ti hoto ti *Sion, hoto ti mbi so ayeke nde si ayeke nzoni kue.”

Abia (Psaumes) 40:8

Nilaa mbi tene: “Baa, mbi yeke ga; na ya ti mbeti ti *Ndia, a su tënë ti ye so mbi lingbi ti sara.”

Ésaïe 2:2

Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara nde kue ayeke gue kâ tongana ngu so ayeke sua.

Jérémie 23:5

“So tënë ti yanga ti KOTA GBIA laa: Baa, mbeni lango ayeke ga so mbi yeke sara titene taa *hale ti David abaa gigi. Lo yeke sigigi tongana kete keke so asigigi na ya ti sese. Lo yeke le-gbia tongana nzoni gbia, lo yeke sara ye na lege ti ndara, lo yeke fâ ngbanga mbirimbiri si lo yeke sara ye ti mbirimbiri na ya ti kodro ni.

Daniel 2:44

Na ngoi ti agbia ni, fade Nzapa so ayeke na yayu ayeke sara mbeni kodro so ayeke buba laoko pepe; kodro ni ayeke ti na gbe ti azo ti ambeni mara nde pepe. Fade kodro ni ayeke fâ si ayeke nika ambeni kodro ni kue; gi kodro oko so laa ayeke ngba ti lo lakue lakue.

Daniel 7:13

“Mbi ngba ti baa aye so na bi tongana bango-li: mbi baa mbeni ye so akpa zo; zo ni alondo na ya ti mbinda, azu. Lo ga nduru na tere ti mbakoro ni si a mu lo, a gue na lo na dawa ti mbakoro ni.

Daniel 7:27

Kodro, komandema na dutingo na kota ndo na ya ti akodro nde nde so ayeke na ndö ti sese, fade a mu ni na azo so Nzapa asoro ala; Nzapa so ayeke na yayu kâ na ndö ti aye kue so. Komandema ti azo ti Nzapa ayeke ngba lakue lakue; fade angangu kue ti dunia ayeke ma yanga ti ala si ayeke sara kua na ala.’

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Matthieu 12:50

Zo so asara ye so be ti Babâ ti mbi so ayeke na yayu aye, andaa lo yeke ita ti mbi ti koli, wala ita ti mbi ti wali, wala mama ti mbi.”

Matthieu 16:28

Mbi tene na ala taa-tënë: na popo ti azo so ge so, ambeni ayeke kui pepe ngbii ala baa Molenge ti Zo so ayeke ga ti duti tongana Gbia.”

Matthieu 26:42

Lo kiri lo gue yongoro ti fani use ni si lo sambela, lo tene: “Babâ ti mbi, tongana kopo so alingbi ti hon yongoro na tere ti mbi pepe si mo ye mbi nyon ni, ayeke nzoni mo sara gi ye so be ti mo aye!”

Matthieu 3:2

lo tene: “Ala zia ngbene lege ti sarango ye ti ala, ngbanga ti so *Kodro-gbia ti yayu aga nduru awe!”

Matthieu 4:17

Gi na ndembe ni so, Jésus ato nda ti fa tënë, lo tene: “Ala zia ngbene lege ti sarango ye ti ala, ngbanga ti so *Kodro-gbia ti yayu aga nduru awe!”

Matthieu 7:21

“Azo so kue ayeke iri mbi, atene: ‘*Kota Gbia, Kota Gbia’, ala kue laa ayeke li ande na ya ti *Kodro-gbia ti yayu pepe; me gi ala so asara ye so be ti Babâ ti mbi so ayeke na yayu aye.

Marc 11:10

Ayeke nzoni Nzapa asara tufa na ndö ti *Kodro-gbia ti Nzapa so ayeke ga, kodro so kotara ti e David aduti gbia daa! E gonda Nzapa so ayeke na yayu kâ na ndö ti aye kue!”

Marc 3:35

Biani, zo so asara ye so be ti Nzapa aye ayeke ita ti mbi ti koli, wala ti wali, wala mama ti mbi.”

Nzoni Tënë so Luc asu na mbeti 19:11

Jésus akiri atene mbeni toli na azo so ayeke ma tënë ti lo so. Lo tene ni, ngbanga ti so lo ga nduru na Jérusalem. Andaa azo ni abaa ti ala atene, Kodro-gbia ti Nzapa ayeke si fafadeso.

Nzoni Tënë so Luc asu na mbeti 19:38

Ala tene: “Ayeke nzoni Nzapa asara tufa na ndö ti gbia so aga na iri ti Kota Gbia! Siriri aduti na yayu kâ si a gonda Nzapa so ayeke na yayu kâ na ndö ti aye kue!”

Nzoni Tënë so Luc asu na mbeti 22:42

lo tene: “Babâ, tongana mo ye, ayeke nzoni mo zi kopo ti pasi so na tere ti mbi. Me mbi ye pepe titene mo sara ye so be ti mbi aye, me mo sara gi ye so be ti mo aye.” [

Jean 4:34

Jésus atene na ala: “Kobe ti mbi ayeke ti sara ye so be ti lo so atokua mbi aye, ti hunzi kua so lo mu na mbi ti sarango ni.

Jean 6:40

Ye so be ti Babâ ti mbi aye ayeke so: zo so kue abaa Molenge ni si ama na be na lo, lo yeke na fini so angba lakue lakue; fade mbi, mbi yeke zingo lo na kuâ na lango ti ndani.”

Jean 7:17

Zo so aye ti sara ye so be ti Nzapa aye, fade lo yeke hinga atene, ye so mbi yeke fa alondo na Nzapa wala mbi yeke tene gi tënë so alondo na mbi wani.

Awatokua 13:22

So Nzapa azi lo awe, lo mu David, lo zia lo gbia na ndö ti ala. Nzapa atene tënë ti lo, atene: ‘Mbi wara David, molenge ti Yese, zo so be ti mbi aye lo, fade lo yeke sara aye so kue be ti mbi aye.’

Awatokua 21:14

So e ha lo gbaa titene lo ngba, e zia lo si e tene: “Ayeke nzoni Kota Gbia asara ye so be ti lo aye!”

Awatokua 22:14

Lo tene na mbi: ‘Nzapa ti akotara ti e asoro mo titene mo hinga ye so lo ye, mo baa Jésus, zo ti mbirimbiri si mo ma nga tënë so lo yeke tene na yanga ti lo wani.

Rome 12:2

Ala mu lege ti dutingo ti azo ti dunia so pepe, me ala zia Nzapa asanze fini ti ala, lo mu na ala fini gbungo-li. Tongaso, fade ala lingbi ti hinga ye so Nzapa aye: ye so ayeke nzoni, ye so anzere na be ti lo, ye so ayeke nzoni kue.

Efeze 6:6

Ala sara kua ni gi ndali ti le ti awa ti ala pepe, mo baa mo tene, ala yeke gi ti ga nzoni na le ti azo; me ala sara kua ni tongana angbaa ti Christ so amu be ti ala kue ti sara ye so be ti Nzapa aye.

Kolose 1:13

Nzapa azi e na gbe ti ngangu ti makonzi ti vukongo ndo si lo zia e na ndo so Molenge ti lo so lo ye lo mingi ayeke gbia daa.

Kolose 1:9

Ndani laa, ti londo na lango so e ma tënë so, e nga, e ngba ti sambela lakue ndali ti ala. E yeke hunda na Nzapa titene lo sara si ala hinga tënë ti be ti lo kue kue kue si ala wara ndara kue na hingango ye so Yingo ti lo ayeke mu na azo.

1 Tesalonike 4:3

Ye so be ti Nzapa aye, ayeke titene ala ga azo so ayeke nde si ayeke nzoni kue, ala zia lege ti gingo wali wala gingo koli kirikiri.

1 Tesalonike 5:18

ala mu singila na Nzapa na ya ti aye kue. Ye so Nzapa aye titene ala so aga oko na Jésus Christ asara laa.

Ahebro 1:14

A-ange ayeke gi ayingo so ayeke sara kua na Nzapa: lo yeke tokua ala titene ala sara nzoni na azo so lo ye ti soo ala.

Ahebro 10:36

Alingbi ala kanga be ti ala tongana ala ye ti sara ye so be ti Nzapa aye, ti wara ye so Nzapa amu zendo ni.

Ahebro 10:7

Tongaso mbi tene: ‘Nzapa, mbi laa! Mbi ga ti sara ye so be ti mo aye, alingbi na tënë so a su na ndö ti mbi na ya ti Mbeti ti Nzapa.’ ”

Ahebro 13:21

Ayeke nzoni Nzapa asara si ala ga azo so alingbi ti sara ye so kue ayeke nzoni nga na ye so be ti lo aye! Ayeke nzoni, na lege ti Jésus Christ, Nzapa asara si e sara ye so anzere na be ti lo! Gonda ayeke ti lo kpu na kpu! Amen.

1 Pierre 2:15

Biani, ye so Nzapa aye ayeke titene ala sara nzoni ye si ala lingbi ti kanga yanga ti abuba zo so ahinga ye pepe so.

1 Pierre 4:2

Tongaso, ngoi so angba na ala ti duti na fini na sese so, ala sara ye na lege ti nzara ti be ti ala pepe, me na lege so be ti Nzapa aye.

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”

Aye so Nzapa afa 12:10

Na pekoni, mbi ma mbeni kota go so alondo na yayu, atene: “Fadeso ngoi titene Nzapa asoo e asi awe! Fadeso lo fa ngangu ti lo ti gbia awe! Fadeso *Mesii ti lo afa so lo yeke na komandema awe! Zo ti bingo tënë na li ti a-ita ti e, lo so lo yeke luti na le ti Nzapa ti bi tënë na li ti ala bi na lâ so, a mu lo na yayu, a bi lo na gigi awe.

Aye so Nzapa afa 19:6

Mbi ma mbeni go tongana ti gba ti azo; go ni ayeke tongana toto ti kota ngu na ti bekpa so asungba ngangu, atene: “Aleluya! Biani, *Kota Gbia, Nzapa ti e so ngangu ti lo ahon angangu kue ato nda ti le-gbia awe!

Aye so Nzapa afa 20:4

Na pekoni, mbi baa ambata ti gbia. Azo so aduti na ndö ni, a mu na ala ngangu ti fâ ngbanga. Mbi baa nga yingo ti ala so azo afâ go ti ala ndali ti so ala sara ye alingbi gi na taa-tënë so Jésus afa nga na tënë ti Nzapa. Ala ke ti voro nyama ni wala limo so akpa nyama ni, ala yeke na nzoroko ti nyama ni na ndö ti le ti ala wala na ndö ti maboko ti ala pepe. Ala kiri na fini si ala na Christ abongbi ale-gbia na ya ti ngu saki oko.