Matthieu 5:7 - Mbeti ti Nzapa - Tënë so amu fini

⁷ Ti ala nzoni, ala so ayeke baa mawa ti amba ti ala, ngbanga ti so Nzapa ayeke baa ande mawa ti ala!

Matthieu 5:7 Iomraidhean Croise

2 Samuel 17:28

Ala ga na agbogbo, akota sembe, akopo, asembe, akobe ti tengo ni: *ble, *orze, farini, ale ti kobe so a yoro ni yorongo, lantii,

2 Samuel 22:26

Zo so angba na lege ti mo, mo yeke ngba ti sara na lo; zo ti ngangu so asara ye na legeni, mo yeke sara ye na lo na legeni.

Abia (Psaumes) 112:4

Na ya ti vukongo ndo, lumiere ayeke za ndali ti zo so sarango ye ti lo ayeke na legeni; lo yeke zo ti mbirimbiri, lo yeke sara nzoni be na zo si lo yeke baa mawa ti zo.

Abia (Psaumes) 112:9

Lo mu ye mingi na azo ti mawa; mbirimbiri ti lo angba kpu na kpu. Fade ngangu ti lo na gonda ti lo ayeke gue guengo na nduzu.

Abia (Psaumes) 18:25

KOTA GBIA akiri nzoni na mbi, ngbanga ti so sarango ye ti mbi ayeke mbirimbiri, lo kiri nzoni na mbi, ngbanga ti so lo baa so maboko ti mbi avuru.

Abia (Psaumes) 37:26

Lakue zo ti mbirimbiri ayeke baa mawa ti azo si lo yeke sara boon na ala; ahale ti lo ayeke azo so Nzapa asara tufa na ndö ti ala.

Amato 11:17

Zo so asara nzoni be na azo, lo sara nzoni na lo wani; me zo so asara ngangu na azo, lo sara sioni na lo wani.

Amato 11:25

Zo so ayeke mu ye na azo na nzoni be, fade lo yeke wara anzoni ye gbani gbani na peko ni. Zo so amu ngu na azo ti nyon, a yeke mu nga na lo ngu ti nyon.

Amato 14:21

Zo so abaa mba ti lo tongana mbumbuse zo, andaa lo sara siokpari; me ti lo nzoni, zo so ayeke baa mawa ti awayere!

Amato 19:17

Zo so abaa mawa ti wayere, andaa boon laa zo ni asara na KOTA GBIA; fade KOTA GBIA ayeke kiri peko ni na lo.

Ésaïe 57:1

Azo ti mbirimbiri akui, tënë ti kuâ ti ala aso be ti zo oko pepe; azo ti sarango nzoni ati akui, zo oko ti gbu li ti lo daa ayeke daa pepe. Biani, azo ti mbirimbiri ati akui ndali ti sioni ti azo ti sioni.

Daniel 4:27

Lo mu tënë si lo tene: “So Babilone pepe? Kota gbata so mbi sara ni titene aga ndo ti lango ti gbia so! Mbi sara ni na lege ti ngangu ti mbi ti gbia. Mbi sara ni titene azo agonda iri ti mbi.”

Osée 1:6

Gomer akiri amu ngo si lo du molenge-wali. KOTA GBIA atene na Osée: “Mo di iri ti molenge ni Lo-Ruhama, ngbanga ti so, mbi yeke ngba ti ye azo ti Israel pepe, mbi yeke zi ndoye ti mbi kue na ala.

Osée 2:1

Me mbeni lâ, fade wungo ti azo ti Israel ayeke ga tongana mbutu ti yanga ti kota ngu-ingo; mbutu so zo alingbi ti haka ni pepe wala ti diko ni pepe. Na ndo so, Nzapa atene lani na ala: “Ala yeke mara ti mbi pepe”, gi na ndo so laa lo yeke tene na ala: “Ala yeke amolenge ti Nzapa so ayeke na fini.”

Osée 2:23

Na lango ni so, fade mbi yeke sara ye so a hunda na mbi, so tënë ti yanga ti KOTA GBIA laa. Fade mbi yeke sara ye so le ti nduzu ayeke ku na mbage ti mbi si le ti nduzu ayeke sara ye so sese ayeke ku na mbage ti lo.

Mishe 6:8

Mo zo, a fa na mo ye so ayeke nzoni awe. Ye so KOTA GBIA ahunda na mo ayeke gi so: sara ye so ayeke mbirimbiri, ye tënë ti sarango ye ti nzoni be, tambula na Nzapa ti mo na lege ti sarango tere ti mo kete.

Marc 11:25

Tongana ala luti na nduzu ti sambela si mbeni tënë ayeke na be ti ala na tere ti mbeni zo, ayeke nzoni ala zi tënë ni na li ti lo. Tongaso si fade Babâ ti ala so ayeke na yayu ayeke zi nga tënë na li ti ala. [

Nzoni Tënë so Luc asu na mbeti 6:35

Me ala ye awato ti ala, ala sara nzoni na azo! Ala sara boon na azo, me ala ku ti wara mbeni ye na peko ni pepe. Tongaso si ala yeke wara ande kota ye ti nzoni na pekoni si ala yeke duti amolenge ti Nzapa so ayeke na yayu kâ na ndö ti aye kue. Nzapa ayeke sara nzoni na azo so ahinga ti mu singila pepe nga na azo ti sioni.

Rome 11:30

Ando, ala azo ti amara nde, ala ke yanga ti Nzapa; me fadeso, Nzapa abaa mawa ti ala, ndali ti so azuife ama yanga ti lo pepe.

1 Korente 7:25

Ti ala so ade ti mu koli wala wali pepe, *Kota Gbia amu na mbi yanga na ndö ti ala pepe; me mbi yeke fa tënë ti be ti mbi tongana ti zo so ala lingbi ti zia be ti ala na ndö ti tënë ti lo, ngbanga ti so Kota Gbia asara nzoni be na mbi.

2 Korente 4:1

Nzapa asara nzoni be na e si lo mu na e kua ni so, nilaa be ti e awoko pepe.

Efeze 4:32

Ala sara nzoni na popo ti ala, ala baa mawa ti amba ti ala; ala zi tënë na li ti amba ti ala na popo ti ala tongana ti so Nzapa azi tënë na li ti ala, ngbanga ti gango so ala ga oko na Christ.

Kolose 3:12

Nzapa asoro ala, ala ga azo ti lo si lo ye ala. Tongaso, alingbi ala baa mawa ti azo, ala sara nzoni be na azo, ala baa tere ti ala tongana akota zo pepe, ala sara ngangu na azo pepe, ala kanga be ti ala ti ku.

1 Timothée 1:13

Mbi yeke kozoni zo ti zongango lo, zo ti sarango ngangu na lo, zo ti tiringo na lo. Me Nzapa abaa mawa ti mbi, ngbanga ti so ye so mbi yeke sara lani so, mbi hinga ni pepe si mbi de nga ti ma na be pepe.

1 Timothée 1:16

me Nzapa abaa mawa ti mbi. Tongaso, Jésus Christ akanga be ti lo mingi ti ku mbi, mbi so mbi yeke kozo zo ti sarango siokpari. Mbi ga tapande ndali ti azo so ayeke ma na be ande na lo ti wara fini so angba lakue lakue.

Ahebro 4:16

Tongaso, e gue nduru na tere ti mbata ti Gbia Nzapa na mbeto pepe, titene lo baa mawa ti e, lo sara nzoni be na e si lo mu na e maboko na ndembe so alingbi.

Ahebro 6:10

Biani, Nzapa ayeke kirikiri pepe. Yengo so ala ye ando lo na ni nga na sarango nzoni so ala yeke sara na a-ita ti ala, azo ti Nzapa si ala ngba daa laso so, fade Nzapa ayeke girisa ni pepe.

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.

Jacques 3:17

Me ndara so alondo na yayu, kozoni asara si zo aduti na vurungo be, na pekoni, asara si zo aduti na siriri, zo asara ye na ngangu pepe, zo ama tere na mba ti lo, zo asara nzoni be mingi na mba ti lo si lo sara nga anzoni ye. Ndara ti yayu ayeke mu mbage ti mbeni zo pepe si zo so ayeke na ni, tënë ti yanga ti lo ayeke nde pepe na sarango ye ti lo.

1 Pierre 2:10

Ando, ala yeke azo ti Nzapa pepe, me fadeso ala ga azo ti lo awe. Ando, Nzapa abaa mawa ti ala pepe, me fadeso lo baa mawa ti ala awe.