Matthieu 5:45 - Mbeti ti Nzapa - Tënë so amu fini

⁴⁵ Tongaso si ala lingbi ti ga amolenge ti Babâ ti ala so ayeke na yayu. Babâ ti ala ni ayeke sara si lâ ti lo asu na ndö ti anzoni zo nga na ndö ti asioni zo kue. Lo yeke tokua ngu-Nzapa na ndö ti azo ti mbirimbiri nga na ndö ti azo ti kirikiri.

Matthieu 5:45 Iomraidhean Croise

Mbeti ti Job 25:3

Zo wa laa alingbi ti diko wungo ti abongbi ti *a-ange ti lo? Zo wa laa lâ ti Nzapa ayeke su na ndö ti lo pepe, zo wa?

Abia (Psaumes) 145:9

KOTA GBIA ayeke sara nzoni na azo kue, lo yeke baa mawa ti aye so kue lo sara.

Jérémie 5:24

Ala tene na be ti ala pepe, atene: ‘Ayeke nzoni e kpe mbeto ti KOTA GBIA, Nzapa ti e, lo so lo yeke mu na e ngu-Nzapa na ngoi ni so alingbi: ngu-Nzapa ti kozo ngoi, ngu-Nzapa ti ndangba ngoi. Na ya ti ngu oko oko, lo laa lo yeke bata na e ngoi ti kongo ale ti kobe.’

Matthieu 5:9

Ti ala nzoni, ala so asara si siriri aduti na popo ti azo, ngbanga ti so Nzapa ayeke iri ande ala atene, ala yeke amolenge ti ni!

Nzoni Tënë so Luc asu na mbeti 6:35

Me ala ye awato ti ala, ala sara nzoni na azo! Ala sara boon na azo, me ala ku ti wara mbeni ye na peko ni pepe. Tongaso si ala yeke wara ande kota ye ti nzoni na pekoni si ala yeke duti amolenge ti Nzapa so ayeke na yayu kâ na ndö ti aye kue. Nzapa ayeke sara nzoni na azo so ahinga ti mu singila pepe nga na azo ti sioni.

Jean 13:35

Tongana ala ye tere na popo ti ala, tongaso fade azo kue ahinga atene, ala yeke adisiple ti mbi.”

Awatokua 14:17

Me lo fa so lo yeke Nzapa na lege ti anzoni ye so lo ngba ti sara na azo: lo mu na ala ngu-Nzapa na anzoni ngoi titene akobe ale nzoni, lo mu na ala kobe si lo zia ngia mingi na be ti ala.”

Efeze 5:1

Ala yeke amolenge so Nzapa aye ala mingi. Tongaso, ayeke nzoni ala sara ye tongana lo.

Filipe 2:15

Tongaso, fade ala yeke duti azo so tënë ayeke na li ti ala pepe, azo so ayeke nzoni kue, amolenge ti Nzapa so ayeke sioni pepe na popo ti azo ti fadeso so ayeke sioni si ayeke sara kirikiri. Na popo ti azo ni, ala yeke duti tongana wâ so ayeke za na dunia so.

1 Jean 3:9

Zo so kue Nzapa adu lo, lo zia lege ti sarango siokpari awe, ngbanga ti so fini so alondo na Nzapa angba na ya ti lo. Lo lingbi ti ngba ti sara siokpari pepe, ngbanga ti so Nzapa si adu lo.