Matthieu 5:43 - Mbeti ti Nzapa - Tënë so amu fini

⁴³ “Ala ma tënë so a tene ando, atene: ‘Mo ye zo so aye mo si mo ke wato ti mo.’

Matthieu 5:43 Iomraidhean Croise

Abia (Psaumes) 41:10

Ataa mba ti mbi so mbi na lo, e ye tere mingi, lo so mbi zia be ti mbi na ndö ti lo, so mbi na lo, e yeke te ka kobe oko, lo nga, lo ga wato ti mbi.

Awayango-sandaga 19:18

Ala kiri peko ti sioni na azo pepe; zo ti mara ti ala so asara sioni na ala, ala bata ngonzo na be ti ala na tere ti lo pepe. Alingbi zo oko oko aye mba ti lo tongana ti so lo ye tere ti lo wani. Mbi laa mbi yeke KOTA GBIA.

Matthieu 19:19

alingbi mo ne babâ ti mo na mama ti mo; alingbi mo ye nga mba ti mo zo tongana ti so mo ye tere ti mo wani.”

Matthieu 5:21

“Ala ma tënë so a tene ando na akotara, atene: ‘Alingbi mo fâ zo pepe. Zo so afâ zo, fade a yeke gue na lo na ngbanga.’

Matthieu 5:27

“Ala ma tënë so a tene ando, atene: ‘Mo gi wali ti zo wala koli ti zo pepe.’

Ndia ti fani use ni 23:3

Zo so babâ ti lo adu lo na mbeni wali nde, alingbi lo li na ya ti bongbi ti azo ti KOTA GBIA pepe. Ti londo na lo ngbii asi na molongo ti *ahale ti lo baleoko, alingbi zo oko ali na ya ti bongbi ti azo ti KOTA GBIA pepe.

Ndia ti fani use ni 23:6

Me KOTA GBIA Nzapa ti ala ake ti ma Balaam. KOTA GBIA Nzapa ti ala asara si tënë ti dengo ba ni akiri aga tënë ti tufa na ndö ti ala, azo ti Israel, ngbanga ti so KOTA GBIA aye ala.

Ndia ti fani use ni 25:17

Moïse atene: Ala dabe ti ala na ye so Amalek asara ando na ala na lege, na ndembe so ala sigigi na Ezipte.

Jacques 2:8

Biani, ndia ti *Kodro-gbia ti Nzapa so Mbeti ti Nzapa atene tënë ni, atene: “Mo ye mba ti mo zo tongana ti so mo ye tere ti mo wani”, tongana ala sara ye alingbi na ni, so ayeke nzoni.

1 Jean 4:21

Ndia so Christ amu na e ayeke so: zo so aye Nzapa, alingbi lo ye nga ita ti lo.