Matthieu 5:41 - Mbeti ti Nzapa - Tënë so amu fini

⁴¹ Tongana mbeni zo agbu mo na ngangu ti yo kungba ti lo ti tambula na ni kilometere oko, yo ni mo tambula na ni na lo kilometere use.

Matthieu 5:41 Iomraidhean Croise

Matthieu 27:32

So ala yeke sigigi na ya ti gbata ni, ala tengbi na mbeni koli ti Sirene so iri ti lo ayeke Simon. Ala gbu lo na ngangu titene lo yo keke ti kroa ti Jésus.

Matthieu 5:40

Tongana mbeni zo aye ti gue na mo na ngbanga titene lo mu nduzu bongo ti mo, zia nga na lo kota bongo ti mo ti de.

Matthieu 5:42

Tongana mbeni zo ahunda ye na mo, mu ni na lo. Tongana mbeni zo ahunda yongo na mo, gbanzi lo na ni pepe.”

Marc 15:21

Mbeni koli ti kodro ti Sirene so iri ti lo ayeke Simon, babâ ti Alexandre na Rufus, alondo na yaka si lo yeke hon na lege ni so. Aturugu agbu lo na ngangu titene lo yo keke ti kroa ti Jésus.

Nzoni Tënë so Luc asu na mbeti 23:26

So ala mu Jésus si ala yeke gue na lo, ala tengbi na mbeni koli so azo ahinga lo na iri ti Simon, zo ti kodro ti Sirene; lo londo na yaka si lo yeke kiri na kodro. Ala gbu lo si ala zia keke ti kroa ni na ndö ti go ti lo titene lo yo ni, lo gue na ni na peko ti Jésus.

2 Korente 5:14

Biani, ndoye ti Christ ahon ndö ti e awe, tongana e dabe ti e na tënë so: zo oko akui ndali ti azo kue, zo ni ayeke Christ, tongaso azo kue laa akui legeoko na lo.