Matthieu 5:39 - Mbeti ti Nzapa - Tënë so amu fini

³⁹ Ti mbi, mbi tene na ala: zo so asara sioni na ala, ala kiri na peko ti sioni ni na lo pepe. Tongana mbeni zo apika ngbangba ti mo ti mbage ti koli, yoro na lo mbeni mbage ni lo pika.

Matthieu 5:39 Iomraidhean Croise

1 Agbia 22:24

Tongaso Sidekia, molenge ti Kenaana aga nduru na tere ti Mishe, lo pika ngbangba ti Mishe si lo tene: “Yingo ti KOTA GBIA asigigi na ya ti mbi tongana nyen ti gue ti tene tënë na mo so?”

Mbeti ti Job 16:10

Azo azi yanga ti ala kota na tere ti mbi, ala zonga mbi, ala pika ngbangba ti mbi; ala bongbi kue ti ga na tere ti mbi.

Amato 20:22

Mo tene na be ti mo pepe, mo tene: “Sioni so a sara na mbi so, fade mbi yeke kiri peko ni si!” Me mo zia be ti mo na ndö ti KOTA GBIA, fade lo yeke soo mo.

Amato 24:29

Mo tene pepe: “Ye so lo sara na mbi so, mbi yeke sara gi ni na lo; mbi yeke kiri na zo peko ti ye so lo sara na mbi so!”

Ésaïe 50:6

Mbi zia peko ti mbi na azo so ayeke pika mbi, mbi yoro ngbangba ti mbi na azo so ayeke gboto kua ti yanga ti mbi. Azo so ayeke zonga mbi si ala yeke tuku ngu ti yanga na le ti mbi, mbi honde le ti mbi na ala pepe.

Abia ti demango tere 3:30

Ayeke nzoni lo yoro ngbangba ti lo na zo so aye ti pika ni, lo yeda na gba ti zonga ti azo.

Awayango-sandaga 19:18

Ala kiri peko ti sioni na azo pepe; zo ti mara ti ala so asara sioni na ala, ala bata ngonzo na be ti ala na tere ti lo pepe. Alingbi zo oko oko aye mba ti lo tongana ti so lo ye tere ti lo wani. Mbi laa mbi yeke KOTA GBIA.

Mishe 5:1

*KOTA GBIA atene: “Mo, Betlehem Efrata, mo yeke kete kodro mingi na popo ti akodro ti mara ti Juda. Me zo so ayeke ga gbia ti azo ti Israel, lo yeke sigigi ande na ya ti mo. Nda ti lo ato nda ni ando giriri, yongoro kâ.”

Matthieu 5:40

Tongana mbeni zo aye ti gue na mo na ngbanga titene lo mu nduzu bongo ti mo, zia nga na lo kota bongo ti mo ti de.

Nzoni Tënë so Luc asu na mbeti 22:64

Ala kanga le ti lo na bongo si ala hunda lo, atene: “Sara tongana wayanga-Nzapa! Zo wa laa apika mo?”

Nzoni Tënë so Luc asu na mbeti 6:7

Le ti awafango-ndia na *afarizien kue ayeke gi na tere ti Jésus; ala yeke ku ti baa wala lo yeke kai kobela na *lango ti wungo tere titene ala wara mbeni tënë ti bi na li ti lo.

Jean 18:23

Jésus akiri tënë na lo, atene: “Tongana mbi tene mbeni sioni tënë, mo fa ni; me tongana mbi tene tënë nzoni, ngbanga ti nyen laa mo pika mbi?”

1 Korente 6:7

So atënë ti guengo na azo na ngbanga ayeke na popo ti ala so, so afa atene, ala ti biani awe. Tongana azo aye ti sara sioni na ala wala ti nzi aye ti ala, ngbanga ti nyen laa ala ye ti kanga be ti ala daa pepe?

1 Tesalonike 5:15

Ala sara hange si mbeni zo akiri peko ti sioni na mba ti lo pepe, me ala gi lakue ti sara nzoni na popo ti ala nga na azo kue.

Ahebro 12:4

Bira so ala yeke tiri na siokpari so, ala de ti gbu le ni ngbii mene ti ala atuku ndali ni pepe.

Jacques 5:6

Zo so asara ye ti sioni pepe, ala fâ ngbanga na li ti lo si ala fâ lo; me lo wara ngangu ti zi yanga ti lo na ala oko pepe.

1 Pierre 3:9

Ala kiri sioni ndali ti sioni pepe, ala kiri zonga ndali ti zonga pepe. Me ala sara tufa na ndö ti azo, ngbanga ti so Nzapa airi ala ndali ni, tongaso si fade Nzapa ayeke sara tufa na ndö ti ala.