Matthieu 5:35 - Mbeti ti Nzapa - Tënë so amu fini

³⁵ Ala deba na iri ti sese pepe, ngbanga ti so sese ayeke mbata so Nzapa ayeke zia gere ti lo na ndö ni. Ala deba nga na iri ti Jérusalem pepe, ngbanga ti so Jérusalem ayeke Gbata ti kota Gbia.

Matthieu 5:35 Iomraidhean Croise

2 Mbai 6:6

Me mbi soro Jérusalem ti duti daa, mbi soro nga David titene lo sara komandema na ndö ti Israel, azo ti mbi.’

Abia (Psaumes) 48:2

*KOTA GBIA ayeke kota, azo ayeke gonda Nzapa ti e mingi; ala yeke gonda lo na ya ti gbata ti lo, na ndö ti hoto ti lo so ayeke nde si ayeke nzoni kue.

Abia (Psaumes) 87:2

Lo ye ayanga ti gbagba ni mingi ahon ti ambeni gbata ti Jacob kue.

Abia (Psaumes) 99:5

Ala azo, ala mu iri ti KOTA GBIA Nzapa ti e na nduzu, ala kuku akpo li ti ala na sese na dawa ti mbata ti gere ti lo. – Biani, lo yeke nde si lo yeke nzoni kue!

Ésaïe 66:1

Tënë so *KOTA GBIA atene ayeke so: “Yayu ayeke mbata ti mbi ti gbia, sese ayeke mbata so mbi yeke zia gere ti mbi na ndö ni. Mara ti da wa laa ala lingbi ti sara na mbi? Ndo wa laa mbi lingbi ti wu tere ti mbi daa?

Malashii 1:14

Deba aga na ndö ti zo ti mayere so lo yeke na nzoni koli-nyama na popo ti anyama ti lo! Lo mu fade yanga ti mu nzoni nyama ni na mbi na sandaga, me na pekoni, lo mu gi nyama so mbeni mbage ti tere ti lo abuba awe. Biani, mbi yeke kota gbia so amara nde ayeke kpe mbeto ti mbi. Tënë so KOTA GBIA so ayeke na ndö ti dunia kue atene laa.”

Matthieu 5:36

Mo deba na iri ti mo wani pepe, ngbanga ti so mo lingbi ti sara si mbeni kua ti li ti mo oko avuru wala avuko pepe.

Awatokua 7:49

‘Yayu ayeke mbata ti mbi ti gbia, sese ayeke mbata so mbi yeke zia gere ti mbi na ndö ni. Kota Gbia atene: Mara ti da wa laa ala lingbi ti sara na mbi? Ndo so mbi lingbi ti wu tere ti mbi daa ayeke so wa?

Aye so Nzapa afa 21:10

Yingo ti Nzapa agbu mbi si ange ni ague na mbi na ndö ti mbeni kota hoto so ayo na nduzu mingi. Lo fa na mbi gbata so ayeke nde si ayeke nzoni kue, Jérusalem, so alondo na yayu na tere ti Nzapa si ayeke zu na sese.

Aye so Nzapa afa 21:2

Mbi baa gbata so ayeke nde si ayeke nzoni kue, fini Jérusalem, so alondo na yayu na tere ti Nzapa si ayeke zu ti ga. Gbata ni aleke tere ti lo tongana mbeni wali so aye ti mu koli na fini ni si ayu aye ti pendere ti yamba na koli ti lo.