Matthieu 5:34 - Mbeti ti Nzapa - Tënë so amu fini

³⁴ Ti mbi, mbi tene na ala: ala deba yanga ti ala oko pepe. Ala deba na iri ti yayu pepe, ngbanga ti so yayu ayeke mbata ti Gbia Nzapa.

Matthieu 5:34 Iomraidhean Croise

Abia (Psaumes) 11:4

KOTA GBIA ayeke na ya ti kota da ti lo so ayeke nde si ayeke nzoni kue. Mbata ti lo ti gbia ayeke na yayu. Lo yeke baa ndo na ndö ti sese kue, le ti lo ayeke baa azo oko oko kue ti tara ala.

Zo ti bongbingo azo 9:2

Ye kue ayeke gi legeoko ndali ti azo kue. Gi oko ye so ayeke si na zo ti mbirimbiri, gi ni laa ayeke si na zo ti sioni; gi ni laa ayeke si na zo so ayeke nzoni, zo so ayeke *nzoni na zo so ayeke *sioni; ye so ayeke si na zo so ayeke mu *sandaga, ayeke si nga na zo so ayeke mu sandaga pepe. Zo ti nzoni na zo ti siokpari, ye ti ala kue gi legeoko. Zo so adeba yanga ti lo na zo so asara mbeto ti deba yanga ti lo, ye ti ala nga gi legeoko.

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Ésaïe 66:1

Tënë so *KOTA GBIA atene ayeke so: “Yayu ayeke mbata ti mbi ti gbia, sese ayeke mbata so mbi yeke zia gere ti mbi na ndö ni. Mara ti da wa laa ala lingbi ti sara na mbi? Ndo wa laa mbi lingbi ti wu tere ti mbi daa?

Awatokua 7:49

‘Yayu ayeke mbata ti mbi ti gbia, sese ayeke mbata so mbi yeke zia gere ti mbi na ndö ni. Kota Gbia atene: Mara ti da wa laa ala lingbi ti sara na mbi? Ndo so mbi lingbi ti wu tere ti mbi daa ayeke so wa?

Jacques 5:12

Gi ye oko, a-ita ti mbi, alingbi ala deba na iri ti yayu, wala na iri ti sese, wala na iri ti mbeni ye pepe. Me tongana ala yeda na mbeni tënë, ala tene gi “een, mbi yeda”; tongana ala ke mbeni tënë, ala tene “ên-en, mbi ke”. Tongaso si ala ti na gbe ti ngbanga ti Nzapa pepe.