Matthieu 5:3 - Mbeti ti Nzapa - Tënë so amu fini

³ “Ti ala nzoni, ala so ahinga atene, ye ti yingo atia ala, ngbanga ti so *Kodro-gbia ti yayu ayeke ti ala!

Matthieu 5:3 Iomraidhean Croise

2 Mbai 33:12

So lo yeke na ya ti pasi, lo voro tere ti lo na KOTA GBIA, Nzapa ti lo; lo sara tere ti lo kete mingi na gbe ti Nzapa ti akotara ti lo.

2 Mbai 33:19

Tënë ti sambela ti lo, lege so Nzapa azia ti sara ngonzo na tere ti lo, asiokpari ti lo nga na aye so lo sara ti ke Nzapa, a su tënë ni na ya ti mbeti ti Hozai. Na ya ti mbeti ni, a su nga iri ti ando so lo leke na ndö ti ahoto titene azo avoro anzapa nde daa, ando so lo leke akeke daa aluti na nduzu ndali ti nzapa-wali *Ashera nga na ayanda nde nde; lo sara aye ni so kozo titene lo sara tere ti lo kete.

2 Mbai 33:23

Me lo sara tere ti lo kete pepe na dawa ti KOTA GBIA tongana ti so babâ ti lo Manase asara. Ti Amon ni, lo kiri lo sara sioni mingi ahon ti babâ ti lo.

2 Mbai 34:27

Tënë so mbi tene na ndö ti gbata so nga na ndö ti azo ti gbata ni apika be ti mo si mo sara tere ti mo kete na gbe ti Nzapa. Na mango tënë so, mo sara tere ti mo kete na gbe ti mbi, mo suru bongo na tere ti mo si mo toto na dawa ti mbi. Mbi nga, mbi ma mo awe; so tënë ti yanga ti KOTA GBIA laa.

2 Mbai 7:14

tongana azo ti mbi so a di iri ti mbi na ndö ti ala asara tere ti ala kete, ala sambela mbi, ala gi le ti mbi si ala zia sioni lege ti sarango ye ti ala, mbi so mbi yeke na yayu kâ, fade mbi yeke ma sambela ti ala, mbi yeke zi siokpari na li ti ala si mbi yeke sara titene kodro ti ala aga nzoni.

Mbeti ti Job 42:6

Ndani laa, be ti mbi aso ndali ti tënë so lani mbi tene. Mbi hinga so tënë ni ayeke na legeni pepe; mbi duti na ya ti fuku ti sese, na ya ti mburu ti wâ.

Abia (Psaumes) 1:1

Ti lo nzoni, zo so ake ti tambula na lege ti wango ti azo ti sioni, zo so ake ti luti ndo oko na azo ti siokpari, zo so ake ti duti na popo ti azo ti hengo Nzapa.

Abia (Psaumes) 112:1

Aleluya! Ti lo nzoni, zo so ayeke kpe mbeto ti KOTA GBIA si atënë ti ndia ti *KOTA GBIA anzere na lo!

Abia (Psaumes) 128:1

A yeke he bia so na ndembe ti guengo ni na Jérusalem. Ti ala nzoni, azo so kue ayeke kpe mbeto ti *KOTA GBIA si ala yeke mu lege so lo fa na ala!

Abia (Psaumes) 146:5

Ti lo nzoni, zo so Nzapa ti Jacob ayeke mu maboko na lo si lo zia be ti lo ti ku KOTA GBIA, Nzapa ti lo!

Abia (Psaumes) 2:12

Ala kuku ti voro molenge ti lo si lo sara ngonzo pepe. Tongana lo sara ngonzo, fade ala kui na lege ti sarango ye ti ala so. Biani, gi kete ye, ngonzo ti lo alondo tongana wâ. Ti ala nzoni, azo so kue akpe na lo ti bata tere ti ala.

Abia (Psaumes) 34:18

Tongana azo ti mbirimbiri adekongo na KOTA GBIA, lo yeke ma ala si lo yeke zi ala na ya ti aye ti ngangu kue.

Abia (Psaumes) 41:1

Bia ti David; bia so ayeke ndali ti makonzi-bia.

Abia (Psaumes) 51:17

Kota Gbia, zi yanga ti mbi si fade mbi he bia ti gonda mo.

Abia (Psaumes) 84:12

Biani, KOTA GBIA Nzapa ayeke lâ si lo yeke vala. KOTA GBIA ayeke sara nzoni be na zo, lo yeke mu nengo na zo; azo so ayeke sara ye mbirimbiri, lo yeke gbanzi nzoni ye na ala pepe.

Amato 16:19

Titene zo aduti tongana senge zo na popo ti azo ti mawa, so laa ayeke nzoni ahon titene lo na azo ti baba akangbi na popo ti ala akungba so ala gbu na peko ti bira.

Amato 29:23

Kuru baba ti zo asara si azo abaa lo tongana kete zo; me zo so asara tere ti lo kete, azo ayeke gonda lo.

Amato 8:32

“Fadeso amolenge ti mbi, ala ma mbi si! Ti ala nzoni, azo so ayeke sara ye alingbi na atënë ti mbi!

Ésaïe 30:18

Me *KOTA GBIA ayeke ku mbeni ngoi ti sara nzoni be na ala, lo yeke londo ti baa mawa ti ala. Biani, KOTA GBIA ayeke Nzapa ti mbirimbiri. Ti ala nzoni, azo so kue azia be ti ala na ndö ti lo!

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Ésaïe 66:2

Aye so kue, maboko ti mbi laa asara ni si abaa gigi, so tënë ti yanga ti mbi KOTA GBIA laa. Me zo ti mawa so be ti lo awoko, lo so lo ma tënë ti mbi si tere ti lo ayeke do, zo tongaso laa mbi yeke baa lo na nzoni le.

Mishe 6:8

Mo zo, a fa na mo ye so ayeke nzoni awe. Ye so KOTA GBIA ahunda na mo ayeke gi so: sara ye so ayeke mbirimbiri, ye tënë ti sarango ye ti nzoni be, tambula na Nzapa ti mo na lege ti sarango tere ti mo kete.

Matthieu 11:25

Na ndembe ni so, Jésus akiri atene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde ye so na azo ti ndara nga na azo ti hingango ye si mo sigigi na nda ni na akete molenge.

Matthieu 11:6

Ti lo nzoni, zo so azia lege ti mabe ti lo pepe ndali ti mbi!”

Matthieu 13:16

“Ti ala nzoni, ala azo ti mbi, ngbanga ti so le ti ala ayeke baa ndo si mê ti ala ayeke ma ndo!

Matthieu 19:14

Tongaso Jésus atene na ala: “Ala zia akete molenge aga na mbi, ala kanga lege na ala pepe, ngbanga ti so *Kodro-gbia ti yayu ayeke ndali ti azo so ayeke tongana amolenge so.”

Matthieu 24:46

Ti zo ti kua ni so nzoni, tongana makonzi ti lo akiri si awara lo na yanga ti kua ni!

Matthieu 25:34

Tongaso, fade Gbia ni ayeke tene na azo so ayeke na mbage ti maboko ti lo ti koli: ‘Ala ga, ala so Babâ ti mbi asara tufa na ndö ti ala; ala ga awa ti *Kodro-gbia ti yayu so lo leke ni ndali ti ala ando, ngbene ye so dunia abaa gigi.

Matthieu 3:2

lo tene: “Ala zia ngbene lege ti sarango ye ti ala, ngbanga ti so *Kodro-gbia ti yayu aga nduru awe!”

Matthieu 8:11

Mbi tene na ala so fade azo mingi ayeke londo na mbage ti To, ambeni ayeke londo na mbage ti Do ti ga ti duti na ya ti matanga ti tengo kobe na *Kodro-gbia ti yayu, ala na Abraham, Isaac na Jacob.

Marc 10:14

So Jésus abaa ye so, ngonzo agbu lo si lo tene na adisiple ni, lo tene: “Ala zia akete molenge aga na mbi! Ala kanga lege na ala pepe, ngbanga ti so *Kodro-gbia ti Nzapa ayeke ndali ti azo so ayeke tongana amolenge so.

Nzoni Tënë so Luc asu na mbeti 11:28

Me Jésus atene na lo: “Ti ala nzoni, azo so ama tënë ti Nzapa si ala sara ye alingbi na ni!”

Nzoni Tënë so Luc asu na mbeti 18:14

Mbi tene na ala: so lo ga ti kiri na da ti lo, lo ga mbirimbiri na le ti Nzapa awe, me farizien ni pepe. Biani, zo so asara tere ti lo tongana kota zo, fade a yeke sara si lo ga kete zo; zo so asara tere ti lo tongana kete zo, fade a yeke sara si lo ga kota zo.”

Nzoni Tënë so Luc asu na mbeti 22:29

Tongana ti so Babâ amu na mbi *Kodro-gbia, mbi nga, mbi yeke mu kodro-gbia na ala:

Nzoni Tënë so Luc asu na mbeti 22:30

fade mbi na ala, e yeke te si e yeke nyon na ya ti Kodro-gbia ti mbi si ala yeke duti na ndö ti ambata ti gbia ti fâ ngbanga ti amara baleoko na use ti Israel.”

Nzoni Tënë so Luc asu na mbeti 4:18

“Yingo ti *Kota Gbia ayeke na ndö ti mbi, ngbanga ti so lo tuku mafuta na li ti mbi si lo tokua mbi ti fa Nzoni Tënë na azo ti mawa. Lo tokua mbi ti tene na azo ti kanga so a zi ala awe, ti tene na awaziba so le ti ala ayeke zi, ti zi azo na ya ti pasi ti ala,

Jean 20:29

Jésus atene na lo: “Ngbanga ti so mo baa mbi laa mo ma na be? Ti ala nzoni, ala so abaa mbi pepe si ala ma na be!”

Ndia ti fani use ni 8:2

Ayeke nzoni ala dabe ti ala na yongoro lege so KOTA GBIA Nzapa ti ala asara si ala tambula daa na ya ti ngu baleosio na ya ti benyama so. Lo sara tongaso titene aye ti ngangu asi na ala, tongaso si lo lingbi ti tara be ti ala ti hinga ye so ayeke na ya ti be ti ala; lo lingbi ti baa, wala ala ye ti sara ye alingbi na atënë ti ndia ti lo, wala ala ye pepe.

Jacques 1:10

Alingbi ita so ayeke zo ti mosoro agonda tere ti lo, ngbanga ti so Nzapa akiri na lo na kete ndo. Biani, zo ti mosoro ayeke hon ande tongana kongo ti ngonda.

Jacques 1:12

Ti lo nzoni, zo so akanga be ti lo ngangu na ya ti aye ti tarango be, ngbanga ti so tongana lo hon na ya ni awe, fade lo yeke wara futa; futa ni ayeke fini so Nzapa amu ando zendo ni na azo so aye lo.

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!

Aye so Nzapa afa 19:9

*Ange ni atene na mbi: “Su tënë so na mbeti: ‘Ti ala nzoni, azo so a tisa ala ti gue na matanga ti mungo wali ti Molenge ti Taba!’ ” Ange ni akiri atene: “So taa atënë so alondo na Nzapa.”

Aye so Nzapa afa 22:14

Ti ala nzoni, ala so asukula bongo ti ala avuru, tongaso si ala wara lege ti te lengo ti keke so ayeke mu fini na zo si ala wara nga lege ti li na ayanga ti gbagba ni ti gue na ya ti gbata ni.

Aye so Nzapa afa 3:17

Mo yeke tene: ‘Mbi yeke zo ti mosoro, mbi wara mosoro mingi, mbeni ye atia mbi pepe.’ Andaa mo hinga pepe mo tene, mo yeke zo ti mawa, zo so ye ahon ndö ti lo, zo ti iringo ye, waziba na zo so bongo ayeke na tere ti lo pepe.