Matthieu 5:26 - Mbeti ti Nzapa - Tënë so amu fini

²⁶ Mbi tene na mo taa-tënë: tongana a diko nginza na li ti mo si mo futa ni kue pepe, fade mo yeke sigigi na da ti kanga ni pepe.”

Matthieu 5:26 Iomraidhean Croise

Matthieu 10:29

Azo ayeke ka akete ndeke use ndali ti kete le ti nginza oko pepe? Tongana Nzapa Babâ ti ala ayeda pepe, mbeni ndeke oko alingbi ti ti na sese pepe.

Matthieu 18:34

Ngonzo agbu gbia ni mingi si lo mu zo ti kua ni na azo titene ala sara pasi na lo ngbii lo futa yongo ti lo ni kue si.”

Matthieu 25:41

“Na pekoni, fade Gbia ni ayeke tene na azo so ayeke na mbage ti maboko ti lo ti wali: ‘Ala hon yongoro na tere ti mbi, ala so Nzapa adeba ala awe so! Ala gue na ya ti kota wâ so ayeke gbi lakue lakue, so a leke ni ndali ti Zabolo na *a-ange ti lo.

Matthieu 25:46

Fade asioni zo so ayeke gue na ngbanga so angba lakue lakue si azo ti mbirimbiri ayeke gue ti duti na fini so angba lakue lakue.”

Marc 12:42

Mbeni wali-mua so ayeke wayere aga na akete kete le ti nginza use si abi na ya ni.

Nzoni Tënë so Luc asu na mbeti 12:58

Tongana mo na wato ti mo ayeke gue na gbe ti ngbanga, mo sara kue ti leke tënë na lo na lege. Tongaso pepe, lo yeke gboto mo ti gue na mo na gbe ti wafango-ngbanga, wafango-ngbanga ni ayeke zia mo na maboko ti aturugu si aturugu ni ayeke bi mo na da ti kanga.

Nzoni Tënë so Luc asu na mbeti 12:59

Mbi tene na mo: tongana a diko nginza na li ti mo si mo futa ni kue pepe, fade mo yeke sigigi na da ti kanga ni pepe.”

Nzoni Tënë so Luc asu na mbeti 16:26

Na ndö ni kue, mbeni *kota du so alinda mingi ayeke na popo ti e na ala. Tongaso, azo so aye ti londo ge ti gue na mbage ti ala kâ, ala lingbi ti gue pepe; zo so ayeke na mbage ti ala kâ alingbi nga ti ga na mbage ti e ge pepe.’

2 Tesalonike 1:9

Ngbanga so a yeke fâ na li ti azo ni ayeke so: Nzapa ayeke buba ande ala lakue lakue, ala yeke duti yongoro na le ti Kota Gbia nga na kota gonda ti lo

Jacques 2:13

Biani, zo so abaa mawa ti mba ti lo pepe, tongana Nzapa ayeke fâ ande ngbanga ti azo, lo yeke baa nga mawa ti zo ni pepe; me zo so abaa mawa ti mba ti lo, fade lo yeke sigigi na ya ti ngbanga.