Matthieu 5:23 - Mbeti ti Nzapa - Tënë so amu fini

²³ Tongana mo yeke leke tere ti mo ti mu *sandaga na ndö ti gbalaka na Nzapa si be ti mo ati na ndö ti mbeni ita ti mo so tënë ayeke na popo ti mo na lo,

Matthieu 5:23 Iomraidhean Croise

Tongo nda ti aye 41:9

Tongaso makonzi ti azo ti mungo samba na Faraon atene na lo: “Gbia, laso be ti mbi ati na ndö ti sioni so mbi sara lani.

1 Agbia 2:44

Gbia atene na Shimei: “Mo hinga na be ti mo sioni so kue mo sara na babâ ti mbi David. Fade KOTA GBIA ayeke sara titene ngbanga ti sioni ti mo ati na li ti mo wani.

Abia ti demango tere 3:20

Be ti mbi angba na ndö ni lakue, ye ni ahon ngangu ti mbi kue awe.

Ezekiel 16:63

Tongaso, fade mo yeke dabe ti mo na ngoi so ahon; kamene ayeke sara mo si mo yeke kiri ti zi yanga pepe ndali ti gba ti kamene so agbu le ti mo na ndembe so mbi yeke zi na li ti mo sioni so kue mo sara. So tënë ti yanga ti Kota Gbia NZAPA laa.”

Osée 6:6

Biani, ye so anzere na be ti mbi ayeke yengo mbi, me mbi ke tënë ti *sandaga ti anyama. Mbi ye hingango Nzapa ahon sandaga so a yeke gbi ni kue na wâ.”

Matthieu 23:19

Ala awaziba so! Na popo ti sandaga na gbalaka so ayeke sara titene sandaga ni aga ye ti Nzapa so, nyen laa ayeke kota, nyen?

Matthieu 5:24

ayeke nzoni mo zia sandaga ti mo na tere ti gbalaka ni, mo gue, mo na lo, ala leke tënë na popo ti ala si. Na pekoni, mo ga, mo mu sandaga ni na Nzapa.

Matthieu 8:4

Na pekoni, Jésus atene na lo: “Ma mbi nzoni! Mo tene tënë ni na zo oko pepe; me mo gue, mo fa tere ti mo na wayango-sandaga titene lo baa mo, mo mu *sandaga so Moïse amu ando yanga ti mungo ni so, tongaso si mo fa na le ti azo kue so, tere ti mo aga nzoni awe.”

Marc 11:25

Tongana ala luti na nduzu ti sambela si mbeni tënë ayeke na be ti ala na tere ti mbeni zo, ayeke nzoni ala zi tënë ni na li ti lo. Tongaso si fade Babâ ti ala so ayeke na yayu ayeke zi nga tënë na li ti ala. [

Nzoni Tënë so Luc asu na mbeti 19:8

Me Zachée aluti na le ti *Kota Gbia si lo tene: “Kota Gbia, baa, mbi yeke mu ndambo ti aye ti mbi kue na azo ti mawa. Tongana mbi nzi nginza ti zo na mayere, fade mbi yeke kiri ni na lo lege osio!”

1 Samuel 15:22

Samuel akiri atene: “Asandaga so a yeke gbi ni kue na wâ nga na ambeni sandaga anzere na be ti KOTA GBIA ahon mango yanga ti lo? Mango yanga ayeke nzoni mingi ahon asandaga; mango tënë ayeke nga nzoni mingi ahon anyama ti mafuta.