Matthieu 5:22 - Mbeti ti Nzapa - Tënë so amu fini

²² Ti mbi, mbi tene na ala: zo so asara ngonzo na tere ti ita ti lo, fade a yeke gue na lo na ngbanga; zo so atene na ita ti lo: ‘Buba zo!’, fade a yeke gue na lo na gbe ti azo ti *Kota Bongbi ti Fango Ngbanga; zo so atene na ita ti lo: ‘Mo, zo ti gbogbolinda so!’, lo lingbi titene a bi lo na ndo so wâ ayeke gbi daa lakue.

Matthieu 5:22 Iomraidhean Croise

Tongo nda ti aye 37:4

A-ita ti Joseph ahinga atene, babâ ti ala aye lo ahon ala kue. Be ti ala ake Joseph; a yeke ngangu na ala ti tene tënë na lo na lege ti ndoye.

Tongo nda ti aye 37:8

A-ita ti lo ahunda lo, atene: “Mo ye ti tene, fade mo yeke ga gbia na ndö ti e si mo yeke sara komandema na ndö ti e?” Ala kiri ake lo ahon ti kozoni ndali ti abango-li ti lo na atënë so lo yeke tene.

2 Samuel 16:7

Shimei adeba David, atene: “Hon kâ, hon kâ, buba zo, zo ti fango zo!

2 Samuel 6:20

David akiri na da ti lo ti sara tufa na ndö ti azo ti da ti lo; me Mikal, molenge ti Saul ti wali ague, awara David na lege si lo tene na lo: “Laso, gbia ti Israel awara gonda mingi! Na le ti awali so ayeke sara kua na gbe ti azo ti gbia, gbia azi bongo na kate ti lo tongana mbeni senge zo!”

1 Agbia 21:4

Akab akiri na da, na sukungo ngbangba nga na ngonzo, ngbanga ti tënë so Nabot, zo ti gbata ti Yizreel atene na lo so: “Yaka ti *vinye so akotara ti mbi azia na mbi si aga ti mbi so, fade mbi yeke mu ni na mo pepe.” Lo gue, lo lango na ndö ti gbogbo ti lo, lo zia le ti lo na mbage ti dere ti da si lo ke ti te kobe.

2 Mbai 16:10

Asa asara ngonzo na tere ti zo ti bango nda ti aye si lo mu yanga titene a bi lo na da ti kanga, ngbanga ti so be ti Asa aso na tere ti lo ndali ti tënë so lo tene. Gi na ndembe ni so, Asa ato nda ti nika ambeni zo ti kodro.

2 Mbai 19:5

Lo zia awafango-ngbanga na ya ti kodro ni kue, na ya ti agbata oko oko kue ti Juda so a sara ngangu gbagba na tere ni.

Néhémie 5:8

Mbi tene na ala: “A-ita ti e azuife so a ka ala lani na amara nde, e laa e kiri e vo ala alingbi na nginza so e yeke na ni. Fadeso ala laa akiri ayeke ka a-ita ti ala? Ala ye ti ka ala taa na e amba ti ala, amolenge ti kodro?” Yanga ti ala ade sui, zo oko akiri azi yanga pepe.

Abia (Psaumes) 109:3

Ala ngoro mbi kue na atënë ti sioni be, ala yeke tiri na mbi senge senge.

Abia (Psaumes) 14:1

Bia ti David; bia so ayeke ndali ti makonzi-bia. Azo so li ti ala ayeke daa pepe ayeke tene na be ti ala: “Nzapa ayeke daa lawa!” Azo so abuba awe, ala sara sioni ye so akpa titene zo asara pepe; zo oko ti sara nzoni ayeke daa pepe.

Abia (Psaumes) 25:3

Azo so azia be ti ala ti ku mo, kamene ayeke gbu ka ala pepe. Me ala so aka mo senge senge, ala laa kamene ayeke gbu ala.

Abia (Psaumes) 35:19

Azo so azia be na mbi senge senge so, ayeke nzoni ala he mbi pepe; azo so ake mbi senge senge so, ayeke nzoni ala te le ti ala na peko ti mbi pepe.

Abia (Psaumes) 37:8

Mo zia ngonzo, mo ke lege ti sioni ngonzo; mo sara ngonzo pepe, tongaso pepe, fade ye ni ayeke ga sioni.

Abia (Psaumes) 49:10

Zo ayeke ngba ande na fini lakue? Lo yeke li ande na du ti kuâ pepe?

Abia (Psaumes) 69:4

Mbi dekongo ngbii mbi woko awe, go ti mbi kue gi wâ, le ti mbi abaa ndo na mbage ti mo, Nzapa ti mbi gbaa.

Abia (Psaumes) 7:4

KOTA GBIA, Nzapa ti mbi, mbi sara mbeni ye tongaso? Mbi sara sioni na mbeni zo?

Abia (Psaumes) 92:6

KOTA GBIA, aye so mo sara ayeke kota mingi! Atënë ti be ti mo ali mingi!

Amato 14:16

Mbeto ti sioni ye ayeke sara zo ti ndara; lo yeke kpe lege ni. Me zo ti buba alondo ti sara ye hio hio, ngbanga ti so lo baa lo tene, mbeni ye ti sioni ti si na ni ayeke daa pepe.

Amato 18:6

Atënë ti zo ti buba ayeke sara si tiri alondo; atënë ti yanga ti lo ayeke pusu azo ti pika tere.

Jérémie 17:11

Zo so awara mosoro na legeni pepe, lo yeke tongana dodoro so alango na ndö ti para so lo laa lo du ni pepe; so zo ni angba ti te gigi, mosoro ti lo ahon si na ndani, lo ga zo so li ti lo ayeke daa pepe.”

Abia ti demango tere 3:52

Awato ti mbi so ake mbi senge senge so, ala yeke tumba mbi tongana ti so zo ayeke tumba peko ti ndeke.

Daniel 3:13

Tongaso ngonzo ti wâ alondo na be ti Nabukodonosor si lo mu yanga titene ala ga na lo Shadrak, Meshak na Abed-Nego. Azo aga na ala na dawa ti gbia.

Daniel 3:19

Tongaso be ti Nabukodonosor asi na ngonzo ti wâ si le ti lo abe na tere ti Shadrak, Meshak na Abed-Nego. Lo mu yanga titene a sara wâ ni si akiri aza ngangu fani mbarambara, ahon ti so a yeke sara ka lakue.

Abdias 1:10

“Ala azo ti Edom, ndali ti ngangu so ala sara ando na a-ita ti ala *ahale ti Jacob, fade kamene ayeke gbu le ti ala si ti ala ayeke hunzi biani biani.

Abdias 1:12

Na lango so aye ti ngangu asi na a-ita ti mo, azo ti Juda, mo Edom, tere ti mo alingbi fade ti nzere pepe. Na lango so a yeke buba kodro ti Juda, mo lingbi fade ti duti na ngia pepe. Na lango so ye ti mawa asi na ala, mo lingbi fade ti zonga ala pepe.

Matthieu 10:17

Ala sara hange, ngbanga ti so fade azo ayeke gue na ala na gbe ti awafango-ngbanga. Fade azo ni ayeke pika ala na fimbo na ya ti ada ti sambelango Nzapa.

Matthieu 10:28

Azo so ayeke fâ tere ti zo, ala sara mbeto ti ala pepe; azo ni alingbi ti fâ yingo ti zo pepe. Me ayeke nzoni ala kpe mbeto ti Nzapa so alingbi ti sara si tere ti zo na yingo ti lo kue abuba na ndo so wâ ayeke gbi daa lakue.

Matthieu 12:24

So *afarizien ama tënë so, ala tene: “Koli so ayeke tumba asioni yingo gi na ngangu ti Beelzebul, makonzi ti asioni yingo!”

Matthieu 17:5

So lo ngba ti tene tënë ni, mbeni mbinda so aza zango aga amu ndö ti ala kue. Mbeni go alondo na ya ti mbinda ni, atene: “So ayeke Molenge ti mbi so mbi ye lo mingi, be ti mbi anzere na lo mingi. Ala ma yanga ti lo!”

Matthieu 18:21

Tongaso Pierre ague nduru na tere ti Jésus si lo hunda lo: “*Kota Gbia, tongana ita ti mbi asara sioni na mbi, fade mbi yeke zi tënë ni na li ti lo fani oke? Fani mbarambara?” –

Matthieu 18:35

Ti hunzi na ni, Jésus atene na ala: “Fade Babâ ti mbi so ayeke na yayu ayeke sara na ala oko oko kue tongaso, tongana ala zi tënë na li ti amba ti ala pepe.”

Matthieu 23:15

“Mawa na ala, awafango-ndia, ala na afarizien! Tënë ti yanga ti ala ayeke nde na sarango ye ti ala! Ala yeke tambula na ndo kue, na ndö ti sese wala na ndö ti akota ngu-ingo titene ala wara mbeni zo oko so alingbi ti mu peko ti ala. Tongana zo ni amu peko ti ala awe, ala sara si lo lingbi na ngbanga ti ndo so wâ ayeke gbi daa lakue; ala sara si lo lingbi na ni fani use ahon ala.

Matthieu 23:33

Ala angbo, ala asioni mara ti ngbo! Fade ala yeke sara tongana nyen ti kpe ngbanga so ayeke ku ala na ndo so wâ ayeke gbi daa lakue so?

Matthieu 25:41

“Na pekoni, fade Gbia ni ayeke tene na azo so ayeke na mbage ti maboko ti lo ti wali: ‘Ala hon yongoro na tere ti mbi, ala so Nzapa adeba ala awe so! Ala gue na ya ti kota wâ so ayeke gbi lakue lakue, so a leke ni ndali ti Zabolo na *a-ange ti lo.

Matthieu 26:59

Akota wayango-sandaga na azo kue ti *Kota Bongbi ti Fango Ngbanga ayeke gi lege ti wara mbeni tënë ti mvene ti bi na li ti Jésus, ti fâ ngbanga ti kuâ na li ti lo;

Matthieu 3:17

Mbeni go alondo na yayu si atene: “So ayeke Molenge ti mbi so mbi ye lo mingi, be ti mbi anzere na lo mingi.”

Matthieu 5:34

Ti mbi, mbi tene na ala: ala deba yanga ti ala oko pepe. Ala deba na iri ti yayu pepe, ngbanga ti so yayu ayeke mbata ti Gbia Nzapa.

Matthieu 5:44

Ti mbi, mbi tene na ala: ala ye awato ti ala! Ala sambela ndali ti azo so ayeke sara ngangu na ala!

Marc 14:55

Akota wayango-sandaga na azo kue ti *Kota Bongbi ti Fango Ngbanga ayeke gi mbeni tënë ti bi na li ti Jésus ti fâ ngbanga ti kuâ na li ti lo, me ala wara ni pepe.

Marc 15:1

Gi na kota ndaperere, akota wayango-sandaga, *akangba, awafango-ndia na azo kue ti *Kota Bongbi ti Fango Ngbanga abongbi ti ma tere. Ala kanga Jésus, ague na lo si azia lo na maboko ti Pilate.

Nzoni Tënë so Luc asu na mbeti 12:5

Me mbi ye ti fa na ala lo so ala lingbi ti kpe mbeto ti lo. Ayeke nzoni ala kpe mbeto ti Nzapa so, tongana lo fâ zo awe, lo yeke na ngangu ti bi zo ni na ndo so wâ ayeke gbi daa lakue. Biani, mbi tene na ala: lo laa ala lingbi ti kpe mbeto ti lo.

Nzoni Tënë so Luc asu na mbeti 22:66

So ndo ahan awe, *akangba ti azuife na akota wayango-sandaga na awafango-ndia abongbi tere ti ala. Ala mu Jésus ague na lo na gbe ti azo ti *Kota Bongbi ti Fango Ngbanga ti ala.

Jean 11:47

Tongaso afarizien na akota wayango-sandaga airi *Kota Bongbi ti Fango Ngbanga, ala tene: “Fade e yeke sara nyen? Koli so ayeke sara aye ti kpene mingi!

Jean 15:25

Me aye so asi titene tënë ti *Ndia ti ala aga taa-tënë; Ndia ni atene: ‘Ala ke mbi gi senge senge.’

Jean 7:20

Azo ni kue akiri tënë na lo, atene: “Sioni yingo ayeke na ya ti mo! Zo wa laa ayeke gi lege ti fâ mo?”

Jean 8:48

Azuife akiri tënë na Jésus, atene: “Tënë so e tene so ayeke taa-tënë: ‘Mo yeke zo ti Samarii si sioni yingo ayeke na ya ti mo!’ ”

Awatokua 17:18

Ambeni wafango-ye so ayeke a-epikurien na astoisien ato nda ti tene tënë na lo. Ambeni atene: “Tënë ti nyen laa sakpa-tënë so ayeke tene so?” Ambeni atene: “Lo kpa zo ti fango tënë ti anzapa nde.” Ala tene tongaso, ngbanga ti so Paul ayeke tene tënë ti Jésus na tënë ti zingongo ti akuâ.

Awatokua 22:30

Kota komanda ti aturugu ni aye ti hinga taa nda ti tënë so azuife ayeke bi na li ti Paul so. Tongaso, lango oko na pekoni, lo zi azingiri na tere ti Paul si lo mu yanga titene akota wayango-sandaga na azo ti *Kota Bongbi ti Fango Ngbanga kue abongbi tere. Na pekoni, lo mu Paul si lo zia lo luti na dawa ti ala.

Awatokua 23:1

Paul abaa ndo na le ti azo ti *Kota Bongbi ti Fango Ngbanga ni mbirimbiri si lo tene: “A-ita, na ngoi so mbi mu peko ti Nzapa ngbii asi laso, na be ti mbi, mbi baa mbeni sioni ye ayeke na li ti mbi oko pepe.”

Awatokua 24:20

Wala ala so ge so, ala fa sioni so ala wara na li ti mbi na ndembe so mbi yeke na gbe ti azo ti *Kota Bongbi ti Fango Ngbanga.

Awatokua 4:15

Tongaso azo ni amu yanga titene a sigigi na ala na ya ti *Kota Bongbi ti Fango Ngbanga ni. Na pekoni, azo ni ato nda ti leke tënë na popo ti ala,

Awatokua 5:21

Awatokua ama yanga ti ange so: na ndaperere, ala gue, ali na ya ti kota da ti Nzapa si ala to nda ti fa ye na azo. Kota wayango-sandaga na azo ti tere ti lo airi *akangba ti azuife si ala bongbi, ala na azo ti *Kota Bongbi ti Fango Ngbanga kue. Na pekoni, ala tokua titene a mu awatokua, a ga na ala na gbe ti ala.

Awatokua 5:27

So ala ga na awatokua ni, ala zia ala aluti na dawa ti azo ti *Kota Bongbi ti Fango Ngbanga. Kota wayango-sandaga ahunda ala, atene:

Awatokua 6:12

Ala pusu azo ni, *akangba na awafango-ndia titene be ti ala aso. Na pekoni, ala gue, agbu Étienne na ngangu si ala gue na lo na gbe ti azo ti *Kota Bongbi ti Fango Ngbanga ti azuife.

Awatokua 6:15

Le ti azo ti Kota Bongbi ti Fango Ngbanga kue atuku gi na ndö ti Étienne. Ala baa so le ti lo aga tongana ti mbeni *ange.

Awatokua 7:37

Moïse so laa atene na azo ti Israel, atene: ‘Fade Nzapa ayeke tokua mbeni wayanga ti lo na ala tongana ti so lo tokua mbi; lo yeke duti mbeni ita ti ala.’

Rome 12:10

Ala ye tere na popo ti ala tongana ti so a-ita ayeke ye tere; zo oko oko agi lege ti ne mba ti lo kozoni.

1 Korente 6:10

azo ti nzi, azo so kota nzara ti warango ye ayeke na be ti ala, azo so ayeke ngbaa ti samba, azo ti dungo mvene na li ti amba ti ala, azo ti gbungo ye ti azo na ngangu, fade Kodro-gbia ti Nzapa ayeke ga ti ala pepe.

1 Korente 6:6

Mbeni zo ti Christ ague na mba ti lo na ngbanga, lo gue na lo na gbe ti azo so ama na be pepe!

Ndia ti fani use ni 15:11

Awayere ayeke duti daa lakue na ya ti kodro ti ala, azo ti Israel. Ndani laa, mbi mu yanga na ala, mbi tene: alingbi ala zi maboko ti ala ti mu ye na a-ita ti ala, azo ti mawa nga na awayere so ayeke na ya ti kodro ti ala.

Ndia ti fani use ni 16:18

Moïse atene: Ala azo ti Israel, na ya ti agbata so kue *KOTA GBIA Nzapa ti ala ayeke mu na ala, fade ala yeke soro na ya ti mara ti ala oko oko, awafango-ngbanga na akota zo ti tere ti ala; fade ala yeke fâ ngbanga ti azo ti mara ni na legeni.

1 Tesalonike 4:6

Na ya ti tënë so, ayeke nzoni zo oko asara mbeni ye ti songo be wala ye ti kirikiri na mba ti lo pepe. E tene tënë so na ala awe, e gboto mê ti ala na ndö ni awe: azo so asara mara ti asioni ye tongaso, fade Kota Gbia ayeke zia peko ni angba senge pepe.

Tite 3:2

Alingbi ala tene sioni tënë na iri ti zo pepe, ala papa na zo pepe, ala sara nzoni be na azo; lakue, ala sara ye na azo kue gi na wokongo be.

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?

Ahebro 5:9

So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

Jacques 2:20

Mo so li ti mo ayeke daa pepe so, tongana mbeni zo ayeke na mabe si kua ni ayeke daa pepe, mabe ti lo ni ayeke gi senge senge; mo ye mbi fa na mo?

Jacques 3:6

Menga ti zo ayeke tongana wâ si ayeke nga ndo so sioni aduti daa. Menga aduti na ya ti tere ti e si ayeke sara titene ngbongboro tere ti e kue aga sioni. Na ngoi so kue zo ayeke na dunia so, menga ti lo ayeke tongana wâ so ayeke buba fini ti lo; wâ ni alondo na ndo so wâ ayeke gbi daa lakue.

1 Pierre 2:23

Azo azonga lo, me lo kiri na zonga ni pepe; azo asara pasi na lo, me lo be le na ala pepe, lo zia be ti lo kue na ndö ti Nzapa so ayeke fâ ngbanga na legeni.

1 Pierre 3:9

Ala kiri sioni ndali ti sioni pepe, ala kiri zonga ndali ti zonga pepe. Me ala sara tufa na ndö ti azo, ngbanga ti so Nzapa airi ala ndali ni, tongaso si fade Nzapa ayeke sara tufa na ndö ti ala.

1 Jean 2:9

Zo so atene, ni yeke na ya ti lumiere si be ti lo angba ti ke ita ti lo, andaa lo ngba na ya ti vukongo ndo.

1 Jean 3:10

Ye so ayeke fa atene, zo ayeke molenge ti Nzapa wala molenge ti Zabolo ayeke so: zo so ayeke sara ye ti mbirimbiri pepe, wala lo ye ita ti lo pepe, lo yeke zo ti Nzapa pepe.

1 Jean 5:16

Tongana mbeni zo abaa ita ti lo na sarango siokpari, mbeni siokpari so ague na lo na kuâ pepe, alingbi lo sambela si fade Nzapa amu fini na ita ti lo so. Tënë so ayeke ndali ti azo so ayeke sara siokpari so ague na zo na kuâ pepe. Mbeni siokpari ayeke daa so ayeke gue na zo na kuâ, mara ti siokpari so laa mbi hunda na ala ti sambela ndali ni pepe.

Jude 1:9

Ataa Michel, makonzi ti a-ange asara mara ti ye so laoko pepe. Ando, tënë alondo na popo ti lo na Zabolo si ala yeke papa ndali ti mungo kuâ ti Moïse. Me titene lo fâ ngbanga ti sioni na li ti Zabolo, Michel abaa tere ti lo tongana zo so akpa pepe. Gi tënë so lo tene na Zabolo ayeke so: “Ayeke nzoni Kota Gbia afâ ngbanga na li ti mo!”

Aye so Nzapa afa 20:14

A mu kuâ nga na ndo ti akuâ, a bi ala na le ti kota wâ. Le ti kota wâ ni ayeke kuâ ti use ni.