Matthieu 5:21 - Mbeti ti Nzapa - Tënë so amu fini

²¹ “Ala ma tënë so a tene ando na akotara, atene: ‘Alingbi mo fâ zo pepe. Zo so afâ zo, fade a yeke gue na lo na ngbanga.’

Matthieu 5:21 Iomraidhean Croise

2 Samuel 20:18

Wali ni atene: “Ando, azo ayeke tene ka, atene: ‘Ayeke nzoni a hunda azo ti Abel-Bet-Maaka si tënë ahunzi!’

2 Mbai 19:5

Lo zia awafango-ngbanga na ya ti kodro ni kue, na ya ti agbata oko oko kue ti Juda so a sara ngangu gbagba na tere ni.

Sigingo 20:13

“Alingbi mo fâ zo pepe.

Wungo ti azo 35:12

Agbata so ayeke ga ndo so zo ni ayeke kpe daa ti bata tere ti lo, tongaso si zo so alingbi ti kiri peko ti fango zo ni na lo alingbi ti fâ lo pepe. Tongana ade ti fâ ngbanga na li ti lo na dawa ti bongbi ti azo ti Israel pepe, fade a yeke fâ lo pepe.

Matthieu 5:27

“Ala ma tënë so a tene ando, atene: ‘Mo gi wali ti zo wala koli ti zo pepe.’

Matthieu 5:33

“Ala ma nga tënë so a tene ando na akotara, atene: ‘Mo deba yanga ti mo senge senge pepe. Me ye so mo deba yanga ti mo ti sara ni na *Kota Gbia ti mo, alingbi mo sara ni.’

Matthieu 5:38

“Ala ma tënë so a tene ando, atene: ‘Tongana zo akoro le ti mba ti lo, alingbi a koro nga le ti lo. Tongana zo afâ pembe ti mba ti lo, alingbi a fâ nga pembe ti lo.’

Matthieu 5:43

“Ala ma tënë so a tene ando, atene: ‘Mo ye zo so aye mo si mo ke wato ti mo.’

Ndia ti fani use ni 16:18

Moïse atene: Ala azo ti Israel, na ya ti agbata so kue *KOTA GBIA Nzapa ti ala ayeke mu na ala, fade ala yeke soro na ya ti mara ti ala oko oko, awafango-ngbanga na akota zo ti tere ti ala; fade ala yeke fâ ngbanga ti azo ti mara ni na legeni.

Ndia ti fani use ni 5:17

“Alingbi mo fâ zo pepe.

1 Jean 3:15

Zo so ake ita ti lo, lo yeke zo ti fango zo. Ala hinga kue, fini so angba lakue lakue ayeke duti ye ti zo ti fango zo pepe.