Matthieu 5:18 - Mbeti ti Nzapa - Tënë so amu fini

¹⁸ Mbi tene na ala taa-tënë: kozoni si yayu na sese ahon, fade gere ti mbeti ti Ndia wala mbeni kete ye ti tere ni oko ayeke hon pepe, ngbii asi na nda ti aye kue.

Matthieu 5:18 Iomraidhean Croise

Abia (Psaumes) 102:26

Mo laa mo lu gere ti sese ando giriri, yayu ayeke ye so maboko ti mo asara.

Abia (Psaumes) 111:8

A lu ni si angba lakue lakue, kpu na kpu; a sara ni na lege ti mbirimbiri nga na lege ti taa-tënë.

Abia (Psaumes) 119:152

Aye so mo hunda, mbi hinga ngbene ye giriri mbi tene, mo leke ni kpu na kpu.

Ésaïe 40:8

Pere ayeke hole, kongo ayeke ti, me tënë ti Nzapa ti e ayeke ngba kpu na kpu.”

Ésaïe 44:26

Mbi yeke sara ye alingbi na tënë so zo ti kua ti mbi atene; mbi yeke sara si apialo so awatokua ti mbi atene tënë ni aga nzoni. Tënë so mbi tene na ndö ti Jérusalem ayeke so: ‘Fade azo ayeke kiri ti lango na ya ni’. Tënë so mbi tene na ndö ti agbata ti Juda ayeke so: ‘Fade a yeke kiri ti leke ni; aye so a kungbi na sese, fade mbi yeke kiri ti leke ni na nduzu.’

Ésaïe 51:6

Ala yo le ti ala, ala baa ndo na yayu, na pekoni, ala baa ndo na sese: fade yayu ayeke hon tongana guru ti wâ, sese ayeke buba tongana gbagba bongo, azo ti ndö ti sese ni ayeke kui tongana avuma. Me zingo azo ayeke ngba kpu na kpu, songo azo so mbi yeke ga ti soo ala ayeke ngba lakue lakue.

Matthieu 10:15

Mbi tene na ala taa-tënë: na lango ti fango ngbanga, fade ngbanga so a yeke fâ na li ti azo ti gbata so ayeke ngangu mingi ahon ti azo ti akodro ti Sodome na Gomore.”

Matthieu 10:23

Tongana azo asara ngangu na ala na ya ti mbeni gbata, ayeke nzoni ala kpe ague na ya ti mbeni gbata nde. Mbi tene na ala taa-tënë: kozo titene *Molenge ti Zo akiri, fade ala yeke hunzi kua ti ala na ya ti agbata ti Israel kue pepe.

Matthieu 10:42

Mbi tene na ala taa-tënë: zo so amu ngu ti nyongo ni na mbeni senge zo oko so ndali ti so lo yeke disiple ti mbi, ataa ayeke kete kopo ti ngu ti de, fade lo yeke wara nzoni ye na peko ni.”

Matthieu 11:11

Mbi tene na ala taa-tënë: na popo ti azo so kue awali adu ala, mbeni oko so ayeke kota ahon Jean-Baptiste ayeke daa pepe. Me ndangba zo ti ya ti *Kodro-gbia ti yayu ayeke kota ahon lo.

Matthieu 13:17

Mbi tene na ala taa-tënë: awayanga-Nzapa mingi na azo mingi ti Nzapa aye ando ti baa ye so ala, azo ti mbi, ayeke baa ni laso so, me ala baa ni pepe; ala ye ando ti ma atënë so ala yeke ma ni laso so, me ala ma ni pepe.”

Matthieu 16:28

Mbi tene na ala taa-tënë: na popo ti azo so ge so, ambeni ayeke kui pepe ngbii ala baa Molenge ti Zo so ayeke ga ti duti tongana Gbia.”

Matthieu 17:20

Jésus akiri tënë na ala: “Ngbanga ti so mabe ti ala ayeke kete. Biani, mbi tene na ala: tongana konongo ti mabe ti ala alingbi na konongo ti kete kete le ti keke ti mutarde, fade ala yeke tene na hoto so: ‘Londo na ndo so, mo gue kâ.’ Fade hoto ni ayeke hon; ye alingbi ti kara ala oko pepe. [

Matthieu 18:18

“Mbi tene na ala taa-tënë: ye so kue ala yeke gbanzi lege ni na sese ge, fade Nzapa ayeke gbanzi lege ni na yayu kâ. Ye so kue ala yeke zi lege ni na sese ge, fade Nzapa ayeke zi lege ni na yayu kâ.

Matthieu 18:3

si lo tene na ala: “Mbi tene na ala taa-tënë: tongana be ti ala akiri aga tongana ti akete molenge pepe, ala yeke li na Kodro-gbia ti yayu pepe.

Matthieu 19:23

Jésus atene na adisiple ti lo: “Mbi tene na ala taa-tënë: ayeke ngangu na zo ti mosoro ti li na ya ti *Kodro-gbia ti yayu.

Matthieu 19:28

Jésus atene na ala: “Mbi tene na ala taa-tënë: na ndembe so ye kue ayeke kiri ti ga fini ni, fade *Molenge ti Zo ayeke duti na ndö ti mbata ti gonda ti lo ti Gbia. Ala baleoko na use so amu peko ti mbi, ala yeke duti na ndö ti ambata ti gbia baleoko na use titene ala fâ ngbanga ti amara baleoko na use ti Israel.

Matthieu 21:21

Jésus akiri tënë na ala: “Mbi tene na ala taa-tënë: tongana ala yeke na mabe si ala dekite pepe, fade ala yeke sara ye so mbi sara na keke ti fige so. Ala lingbi nga ti tene na hoto so: ‘Londo na ndo so, mo ti na ya ti kota ngu-ingo’, fade ye ni ayeke si alingbi na ni.

Matthieu 21:31

Jésus ahunda ala: “Zo wa na popo ti amolenge use so si asara ye so babâ ti lo aye?” Ala kiri tënë na lo: “Ayeke kozo molenge ni.” Jésus atene na ala: “Mbi tene na ala taa-tënë: azo ti rongo nginza ti lapo na awali-ndumba ayeke si ande kozo na ala na ya ti *Kodro-gbia ti Nzapa.

Matthieu 23:36

Mbi tene na ala taa-tënë: fade ngbanga ti ye so kue ayeke ti na li ti azo ti fadeso!”

Matthieu 24:2

Me Jésus atene na ala: “Ala baa ye so kue so? Mbi tene na ala taa-tënë: fade têne oko ayeke ngba ndo so pepe na ndö ti mba ti lo; ye so kue ayeke tuku na sese.”

Matthieu 24:47

Mbi tene na ala taa-tënë: fade makonzi ti lo ayeke zia lo ti baa ndo na ndö ti aye ti lo kue.

Matthieu 25:12

Me koli ni akiri tënë: ‘Mbi tene na ala taa-tënë: mbi hinga ala oko pepe.’ ”

Matthieu 25:40

Fade Gbia ni ayeke kiri tënë na ala: ‘Mbi tene na ala taa-tënë: ye so kue ala sara na asenge zo so ayeke a-ita ti mbi, andaa na mbi laa ala sara ni.’

Matthieu 25:45

Fade Gbia ni ayeke kiri tënë na ala: ‘Mbi tene na ala taa-tënë: lakue so ala sara ye so na asenge zo so pepe, andaa ala sara ni nga na mbi pepe.’

Matthieu 5:26

Mbi tene na mo taa-tënë: tongana a diko nginza na li ti mo si mo futa ni kue pepe, fade mo yeke sigigi na da ti kanga ni pepe.”

Matthieu 6:16

“Tongana ala yeke ke kobe ti sambela, ala duti na vundu pepe tongana ti azo so tënë ti yanga ti ala ayeke nde na sarango ye ti ala: azo ni ayeke sara le ti ala kirikiri ti fa na azo atene, ala yeke ke kobe ti sambela. Mbi tene na ala taa-tënë: azo ni awara ti ala futa ni awe.

Matthieu 6:2

Tongana mo yeke mu ye na azo ti mawa, ayeke nzoni mo dekongo na tënë ni pepe, tongana ti azo so tënë ti yanga ti ala ayeke nde na sarango ye ti ala: azo ni ayeke sara tongaso na ya ti ada ti sambelango Nzapa nga na be ti lege titene azo agonda ala. Mbi tene na ala taa-tënë: azo ni so awara ti ala futa ni awe.

Matthieu 8:10

So Jésus ama tënë so, lo gonda lo mingi si lo tene na azo so amu peko ti lo, lo tene: “Mbi tene na ala taa-tënë: mbi de ti baa mara ti mabe tongaso na kodro ti Israel pepe.

Marc 10:15

Mbi tene na ala taa-tënë: zo so ayamba Kodro-gbia ti Nzapa tongana molenge pepe, lo yeke li ande na ya ni oko pepe.”

Marc 10:29

Jésus atene na lo: “Mbi tene na ala taa-tënë: zo so azia da ti lo, a-ita ti lo ti koli na ti wali, mama ti lo, babâ ti lo, amolenge ti lo wala ayaka ti lo ndali ti mbi nga ndali ti Nzoni Tënë,

Marc 11:23

Mbi tene na ala taa-tënë: tongana zo atene na hoto so, atene: ‘Londo na ndo so, mo ti na ya ti kota ngu-ingo’ si lo dekite na be ti lo pepe, me lo ma na be so ye ni ayeke si, fade ye ni ayeke si biani.

Marc 12:43

Tongaso Jésus airi adisiple ti lo si lo tene na ala: “Mbi tene na ala taa-tënë: wali-mua so ayeke wayere so abi nginza na ya ti sanduku ni ahon tanga ti azo kue.

Marc 13:30

Mbi tene na ala taa-tënë: fade azo ti fadeso ayeke kui kue pepe kozoni si aye so kue asi.

Marc 14:18

So ala yeke te kobe, Jésus atene na ala: “Mbi tene na ala taa-tënë: mbeni oko na popo ti ala so mbi na lo, e yeke te kobe oko, ayeke ka mbi.”

Marc 14:25

Mbi tene na ala taa-tënë: mbi yeke kiri ti nyon ngu ti le ti *vinye mbeni pepe ngbii asi na lango so fade mbi yeke nyon fini vin na ya ti *Kodro-gbia ti Nzapa.”

Marc 14:30

Jésus akiri tënë na lo: “Mbi tene na mo taa-tënë: laso, gi na bi so, kozo titene koli-kondo atoto fani use, fade mo yeke bere tënë ti mbi fani ota.”

Marc 14:9

Mbi tene na ala taa-tënë: na ndo so kue azo ayeke fa ande Nzoni Tënë daa, na ndö ti dunia kue, azo ayeke fa tënë ti ye so wali so asara si azo adabe ti ala na lo.”

Marc 3:28

Mbi tene na ala taa-tënë: asioni ye so kue azo asara, ataa zonga so ala zonga na Nzapa, fade lo yeke zi tënë ni na li ti ala.

Marc 6:11

Tongana azo ti mbeni kodro ake ti yamba ala, wala aye ti ma tënë ti ala pepe, ala londo na ndo ni so ahon. Ala pika sese ti gbe ti gere ti ala ti fa na azo ni so ala sara sioni awe.”

Marc 8:12

Jésus awu ngangu si lo tene na ala: “Ngbanga ti nyen si azo ti fadeso ayeke hunda mbeni ye ti kpene so? Mbi tene na ala taa-tënë: fade azo so ayeke baa mbeni ye ti kpene oko pepe!”

Marc 9:1

Jésus akiri atene na ala: “Mbi tene na ala taa-tënë: na popo ti azo so ge so, ambeni ayeke kui pepe, ngbii ala baa gango ti *Kodro-gbia ti Nzapa, na ngangu ti lo kue.”

Marc 9:41

Zo so ayeke mu na ala kopo ti ngu oko, ngbanga ti so ala yeke azo ti Christ, mbi tene na ala taa-tënë: fade lo yeke wara nzoni ye na peko ni.”

Nzoni Tënë so Luc asu na mbeti 11:51

ti londo na kuâ ti Abel ngbii asi na kuâ ti Zakarii, so akui na popo ti gbalaka ti da ti Nzapa na ti ndo so ayeke nzoni kue so. Mbi tene na ala taa-tënë: fade Nzapa ayeke hunda na azo ti fadeso ti kiri tënë na lo na ndö ti kuâ ti awayanga-Nzapa so!

Nzoni Tënë so Luc asu na mbeti 12:37

Ti ala nzoni, ala azo ti kua so makonzi ti ala ayeke kiri si lo yeke wara ala na lango pepe! Mbi tene na ala taa-tënë: fade makonzi ti ala ni ayeke yu bongo ti kua, lo yeke mu ndo na ala ti duti na tere ti meza si lo wani, lo yeke mu kobe na ala.

Nzoni Tënë so Luc asu na mbeti 13:35

Fade ya ti da ti ala ayeke ngba senge senge! Mbi tene na ala so, fade ala yeke kiri ti baa mbi pepe ngbii asi na ngoi so ala yeke tene ande, atene: ‘Ayeke nzoni Nzapa asara tufa na ndö ti lo so aga na iri ti *Kota Gbia!’ ”

Nzoni Tënë so Luc asu na mbeti 16:17

Yayu na sese alingbi ti hon, me titene mbeni kete gere ti tënë ti *Ndia oko ati, ayeke ye ti ngangu mingi.

Nzoni Tënë so Luc asu na mbeti 18:17

Mbi tene na ala taa-tënë: zo so ayamba Kodro-gbia ti Nzapa tongana molenge pepe, lo yeke li ande na ya ni oko pepe.”

Nzoni Tënë so Luc asu na mbeti 18:29

Jésus atene na ala: “Mbi tene na ala taa-tënë: zo so azia da ti lo, wali ti lo, a-ita ti lo, babâ ti lo, mama ti lo wala amolenge ti lo ndali ti Kodro-gbia ti Nzapa,

Nzoni Tënë so Luc asu na mbeti 23:43

Jésus atene na lo: “Mbi tene na mo taa-tënë: gi laso, laso, mo yeke duti legeoko na mbi na *paradi.”

Nzoni Tënë so Luc asu na mbeti 4:24

Jésus akiri atene: “Mbi tene na ala taa-tënë: azo ayeke yamba wayanga-Nzapa pepe na gbata so a du lo daa.

Jean 1:51

Jésus akiri atene: “Biani, mbi tene na ala taa-tënë: fade ala yeke baa yanga ti yayu azi si *a-ange ti Nzapa ayeke ma na nduzu si ala yeke zu na ndö ti *Molenge ti Zo.”

Jean 10:1

Jésus atene: “Biani, mbi tene na ala taa-tënë: zo so ali na ya ti gbagba ti ataba na yanga ti gbagba ni pepe, me lo li na mbeni lege nde, andaa lo yeke zo ti nzi si lo yeke sioni zo.

Jean 10:7

Jésus akiri atene: “Biani, mbi tene na ala taa-tënë: mbi laa mbi yeke yanga ti gbagba ti ataba ni.

Jean 12:24

Biani, mbi tene na ala taa-tënë: tongana le ti *ble ati na sese si akui pepe, lo yeke ngba gi lo oko. Me tongana akui, fade ayeke du ambeni le ni mingi.

Jean 13:16

Biani, mbi tene na ala taa-tënë: zo ti kua ayeke kota ahon makonzi ti lo pepe; zo ti tokua ayeke kota ahon zo so atokua lo pepe.

Jean 13:38

Jésus akiri tënë, atene: “Mo yeke nduru biani ti ka fini ti mo ndali ti mbi? Biani, mbi tene na mo taa-tënë: kozo titene koli-kondo atoto, mo yeke bere tënë ti mbi fani ota.”

Jean 14:12

Biani, mbi tene na ala taa-tënë: zo so ama na be na mbi, lo nga, fade lo yeke sara aye so mbi sara; lo yeke sara akota ye ahon so, ngbanga ti so mbi yeke gue na Babâ.

Jean 16:20

Biani, mbi tene na ala taa-tënë: fade ala yeke toto, ala yeke dema tere, me azo ti dunia ayeke duti ti ala na ngia. Ala, adisiple ti mbi ayeke na vundu, me vundu ti ala ayeke kiri ti ga ngia.

Jean 16:23

“Na lango ni so, ala yeke hunda ande mbi na mbeni ye pepe. Biani, mbi tene na ala taa-tënë: ye so kue ala hunda na iri ti mbi, fade Babâ ayeke mu ni na ala.

Jean 21:18

Biani, mbi tene na mo taa-tënë: na ndembe so mo de maseka, mo wani laa mo yeke kanga kamba ti ndö ti bongo ti mo si mo yeke gue na ndo so kue be ti mo aye. Me tongana mo ga mbakoro awe, fade mo yeke yoro maboko ti mo si mbeni zo nde ayeke kanga kamba ti ndö ti bongo ti mo si lo yeke gue na mo na ndo so be ti mo aye pepe.”

Jean 3:11

Biani, mbi tene na mo taa-tënë: ye so e hinga laa e yeke fa peko ni na azo; ye so e baa laa e yeke tene tënë ni na azo, me ala azo, tënë so e yeke tene, ala ye ti ma ni pepe.

Jean 3:3

Jésus akiri tënë na lo: “Biani, mbi tene na mo taa-tënë: tongana a kiri a du zo pepe, lo lingbi ti baa *Kodro-gbia ti Nzapa pepe.”

Jean 3:5

Jésus akiri tënë na lo: “Biani, mbi tene na mo taa-tënë: tongana a du zo na ngu na Yingo pepe, zo ni alingbi ti li na Kodro-gbia ti Nzapa pepe.

Jean 5:19

Jésus amu tënë si lo tene na ala: “Biani, mbi tene na ala taa-tënë: Molenge ni ayeke sara ye ti be ti lo wani pepe, lo yeke sara gi ye so lo baa Babâ ti lo na sarango ni. Ye so kue Babâ asara, Molenge ni nga ayeke sara,

Jean 6:26

Jésus akiri tënë na ala: “Biani, mbi tene na ala taa-tënë: ala yeke gi mbi ngbanga ti aye ti kpene so ala baa so pepe, me ngbanga ti so ala te mapa ngbii ya ti ala asi.

Jean 6:32

Me Jésus akiri tënë na ala, atene: “Biani, mbi tene na ala taa-tënë: mapa so alondo na yayu, Moïse laa amu na ala pepe; me Babâ ti mbi laa amu na ala taa mapa ti yayu,

Jean 6:47

Biani, mbi tene na ala taa-tënë: “Zo so ama na be, lo yeke na fini so angba lakue lakue.

Jean 6:53

Jésus atene na ala: “Biani, mbi tene na ala taa-tënë: tongana ala te tere ti *Molenge ti Zo pepe si ala nyon nga mene ti lo pepe, fade ala yeke duti na taa fini pepe.

Jean 8:34

Jésus atene na ala: “Biani, mbi tene na ala taa-tënë: zo so asara siokpari aga ngbaa ti siokpari awe.

Jean 8:51

Biani, mbi tene na ala taa-tënë: zo so asara ye alingbi na atënë ti mbi, fade lo yeke kui laoko pepe.”

Jean 8:58

Jésus akiri tënë na ala, atene: “Biani, mbi tene na ala taa-tënë: kozo si a du Abraham, ‘Mbi Yeke.’ ”

1 Pierre 1:25

me tënë ti *Kota Gbia ayeke ngba kpu na kpu.” Tënë ni ayeke Nzoni Tënë so a fa ni na ala ando.

Aye so Nzapa afa 20:11

Na pekoni, mbi kiri mbi baa mbeni kota vuru mbata ti gbia. Mbi baa nga lo so ayeke duti na ndö ni so. Sese na yayu alondo na dawa ti lo, akpe ahon, a kiri a baa ala mbeni pepe.