Matthieu 5:14 - Mbeti ti Nzapa - Tënë so amu fini

¹⁴ “Ala laa ayeke lumiere ti dunia so. Gbata so a sara ni na li ti hoto alingbi ti honde tere ti lo pepe.

Matthieu 5:14 Iomraidhean Croise

Amato 4:18

Lege ti dutingo ti azo ti mbirimbiri ayeke tongana lumiere ti ndaperere, lo yeke su ngbii lo su ngangu ngangu na bekombite.

Ezekiel 5:5

“Tënë so mbi Kota Gbia NZAPA, mbi tene ayeke so: Gbata ti Jérusalem laa! Mbi zia ni na popo ti amara nde, akodro wande angoro ni kue.

Jean 12:36

Na ngoi so lo so lo yeke lumiere ayeke na tere ti ala, ayeke nzoni ala ma na be na lo si ala ga azo so ayeke duti na ya ti lumiere.” Na peko ti tënë so Jésus ahon, lo honde tere ti lo si ala baa lo pepe.

Jean 5:35

Jean ayeke lani tongana lamba so aza si ndo avuru. Ala azo, ala yeda ti sara ngia kete na gbe ti wâ ni.

Jean 8:12

Jésus akiri atene na gba ti azo ni, atene: “Mbi yeke lumiere ti dunia so. Zo so amu peko ti mbi, fade lo yeke tambula na ya ti vukongo ndo pepe, me lo yeke wara lumiere so ayeke mu fini na zo.”

Jean 9:5

Na ndembe so mbi yeke na dunia so, mbi yeke lumiere ti dunia ni.”

2 Korente 6:14

Azo so ama na be pepe, ala bongbi oko na ala ti sara kua pepe. Ye ti mbirimbiri na ye ti sioni ayeke bongbi oko tongana nyen? Zango ndo na vukongo ndo ayeke duti na ndo oko?

Filipe 2:15

Tongaso, fade ala yeke duti azo so tënë ayeke na li ti ala pepe, azo so ayeke nzoni kue, amolenge ti Nzapa so ayeke sioni pepe na popo ti azo ti fadeso so ayeke sioni si ayeke sara kirikiri. Na popo ti azo ni, ala yeke duti tongana wâ so ayeke za na dunia so.

1 Tesalonike 5:5

Biani, ala kue ayeke azo ti lumiere, ala yeke azo ti kota lâ. E yeke azo ti bi pepe wala azo ti vukongo ndo pepe.

Aye so Nzapa afa 1:20

Atongoro mbarambara so mo baa na maboko ti mbi ti koli si nda ni angba na hondengo ni so, na agere ti lamba mbarambara so a sara ni na lôro so, nda ni ayeke tongaso: atongoro mbarambara so ayeke *a-ange ti a-Eglize mbarambara ni; agere ti lamba mbarambara so ayeke a-Eglize mbarambara ni.”

Aye so Nzapa afa 2:5

Dabe ti mo na ndo so mo londo daa si mo ti! Zia lege ti sarango ye so mo yeke sara fadeso, kiri mo sara ye so mo sara kozoni. Tongana mo ngba na sioni lege so, fade mbi yeke ga ti zi gere ti alamba ti mo na ndo so ayeke daa.