Matthieu 4:8 - Mbeti ti Nzapa - Tënë so amu fini

⁸ Zabolo akiri ague na lo na li ti mbeni kota hoto, lo fa na lo akodro kue ti dunia na apendere ye ti ya ni

Matthieu 4:8 Iomraidhean Croise

Esther 1:4

Lo fa na ala anengo mosoro ti kodro ti lo na aye ti pendere so afa gonda ti lo ti gbia. Matanga ni aninga ngbii nze omene.

Esther 5:11

Lo to nda ti fa na ala gba ti mosoro so lo yeke na ni, gba ti amolenge so lo yeke na ni; lo fa nga na ala lege so gbia amu nengo mingi na lo; lege so lo zia lo ti ga makonzi na ndö ti akota zo nga na ndö ti azo ti kua ti gbia kue.

Daniel 4:30

Taa gi na ngbonga ni so, tënë so a tene na ndö ti Nabukodonosor aga taa-tënë: azo atumba lo na popo ti ala; lo yeke te pere tongana bagara si ngu ti pere amu tere ti lo kue. Kua ti li ti lo ayo aga tongana kua ti tere ti *ngoalo si anzënë ti maboko ti lo ayo aga tongana ti andeke.

Wungo ti azo 23:3

Balaam atene na Balak: “Luti nduru na tere ti sandaga ti mo so; ti mbi, mbi yeke hon yongoro kete. E hinga pepe, fade *KOTA GBIA ayeke ga ti wara mbi. Tënë so lo yeke tene na mbi, ataa tënë ni ayeke tongana nyen, fade mbi yeke tene peko ni na mo.” Na pekoni lo gue na ndö ti mbeni hoto so pere ayeke daa pepe.

Matthieu 16:26

Tongana zo awara aye ti dunia so kue si lo girisa fini ti lo, nzoni ye ti nyen laa lo yeke wara na peko ni? Nyen laa zo alingbi ti mu ti vo na fini ti lo?

Matthieu 4:5

Na pekoni, Zabolo ague na lo na Jérusalem, gbata so ayeke nde si ayeke nzoni kue; lo zia lo na li ti kota da ti Nzapa

Jean 5:20

ngbanga ti so Babâ aye Molenge ti lo si lo fa na Molenge ni aye so kue lo yeke sara. Fade lo yeke fa na Molenge ni ambeni ye ti sarango ni so ayeke kota ahon so si fade li ti ala azo, akpe.

1 Pierre 1:24

Tongana ti so Mbeti ti Nzapa atene: “Azo ayeke tongana pere, pendere ti ala ayeke tongana kongo ti ngonda. Pere ni ayeke hole si kongo ni ayeke ti,

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”