Matthieu 4:3 - Mbeti ti Nzapa - Tënë so amu fini

³ Zabolo aga nduru na tere ti lo si atene na lo: “Tongana mo yeke Molenge ti Nzapa, mo mu yanga na atêne so titene aga kobe!”

Matthieu 4:3 Iomraidhean Croise

Sigingo 16:3

Azo ni atene: “Na ngoi so lani e yeke na Ezipte, e yeke duti na tere ti ta ti nyama, e yeke te kobe, ya ti e asi. Tongana KOTA GBIA afâ e lani gi kâ, ka ayeke nzoni mingi! Me ala mu e, aga na e na benyama so si ala zia e titene e kue, e kui nzara!”

Matthieu 14:33

Adisiple so ayeke na ya ti ngo ni akuku na gbe ti lo si ala tene na lo: “Biani, mo yeke Molenge ti Nzapa!”

Matthieu 16:16

Simon Pierre akiri tënë: “Mo yeke *Mesii, Molenge ti Nzapa so ayeke na fini.”

Matthieu 26:63

Me Jésus azi yanga oko pepe. Kota wayango-sandaga atene na lo: “Mbi hunda na mo ti deba yanga ti mo, na iri ti Nzapa so ayeke na fini, mo tene na e: Mo yeke *Mesii, Molenge ti Nzapa?”

Matthieu 3:17

Mbeni go alondo na yayu si atene: “So ayeke Molenge ti mbi so mbi ye lo mingi, be ti mbi anzere na lo mingi.”

Marc 1:1

Nzoni Tënë na ndö ti Jésus Christ, Molenge ti Nzapa ato nda ni tongaso:

Marc 3:11

Azo so ayeke na asioni yingo, tongana ala baa lo, ala ti na gbe ti lo, ala dekongo, atene: “Mo yeke Molenge ti Nzapa!”

Marc 5:7

si lo dekongo ngangu, lo tene: “Jésus, Molenge ti Nzapa so ayeke na yayu kâ na ndö ti aye kue, ti mo na mbi nyen? Mbi hunda mo na iri ti Nzapa, sara sioni na mbi pepe!”

Nzoni Tënë so Luc asu na mbeti 1:35

Ange ni akiri tënë na lo, atene: “Fade Yingo-Vuru ayeke ga na ndö ti mo si ngangu ti Nzapa, lo so lo yeke na yayu kâ na ndö ti aye kue ayeke duti na ndö ti mo tongana gbe ti de. Ndani laa molenge so mo yeke du lo ayeke ga zo so ayeke nde si ayeke nzoni kue; azo ayeke iri lo Molenge ti Nzapa.

Nzoni Tënë so Luc asu na mbeti 22:70

Ala kue atene: “So ti tene mo yeke Molenge ti Nzapa?” Lo kiri tënë na ala: “Tënë ni laa ala wani atene so: mbi yeke lo.”

Nzoni Tënë so Luc asu na mbeti 4:3

Tongaso Zabolo atene na lo: “Tongana mo yeke Molenge ti Nzapa, mo mu yanga na têne so titene aga kobe!”

Nzoni Tënë so Luc asu na mbeti 4:41

Asioni yingo nga asigigi na ya ti azo mingi. Ala dekongo, atene: “Mo yeke Molenge ti Nzapa.” Me Jésus asuku ngangu na ayingo ni. Lo ke na ala ti tene tënë, ngbanga ti so ala hinga atene, lo yeke Christ.

Nzoni Tënë so Luc asu na mbeti 4:9

Zabolo akiri amu Jésus ague na lo na Jérusalem, lo zia lo na li ti kota da ti Nzapa si lo tene na lo: “Tongana mo yeke Molenge ti Nzapa, mo londo na ndo so, mo ti na sese,

Jean 1:34

Mbi Jean, mbi baa ye so, nilaa mbi tene na azo kue, mbi tene: koli so ayeke Molenge ti Nzapa.”

Jean 1:49

Natanael atene na lo: “Wafango-ye, mo yeke Molenge ti Nzapa! Mo yeke gbia ti Israel!”

Jean 20:31

Me ti ambeni ye ti kpene so a su tënë ni na mbeti so, a su ni titene ala ma na be so, Jésus ayeke *Mesii, Molenge ti Nzapa. Tongana ala ma na be, fade ala yeke duti na fini na lege ti lo.

Jean 9:35

Jésus ama a tene, ala tumba koli so awe; lo gue, lo wara lo si lo hunda lo, lo tene: “Mo ma na be na *Molenge ti Zo?”

Awatokua 9:20

Gi hio na pekoni, lo gue na ya ti ada ti sambelango Nzapa si lo to nda ti fa tënë atene, Jésus ayeke Molenge ti Nzapa.

2 Korente 1:19

Jésus Christ, Molenge ti Nzapa, so mbi, Silas na Timothée, e fa tënë ti lo na popo ti ala, lo ga ti tene “een” si na mbage lo tene “ên-en” pepe; me tënë ti lo ayeke gi “een”.

Galasii 2:20

Nilaa, mbi laa mbi yeke na fini mbeni pepe, me Christ laa ayeke na fini na ya ti mbi. Na dutingo ti mbi ti zo, mbi yeke duti fadeso na fini gi na lege ti mabe so mbi yeke na ni na Molenge ti Nzapa, lo ye mbi si lo ka tere ti lo na kuâ ndali ti mbi.

1 Tesalonike 3:5

Ndani laa, so mbi lingbi ti kanga be ti mbi ti ku ngbii pepe, mbi tokua Timothée titene lo gue, lo hinga tënë na ndö ti mabe ti ala. Mbeto agbu mbi si mbi hunda tere ti mbi, mbi tene: wala Zabolo ahanda ala si akua so kue e sara so aga gi senge senge?

Ahebro 12:16

Ala sara hange si mbeni zo ti sarango ye ti ndumba aduti na popo ti ala pepe! Ala ne aye so ayeke ti Nzapa. Ala sara tongana Ezau pepe so aka ando ndo ti lo ti kozo molenge ndali ti sembe oko ti kobe.

Ahebro 4:14

E yeke na kota wayango-sandaga so ahon atanga ni kue, lo gue ngbii lo si na le ti Nzapa kâ na yayu: ayeke Jésus, Molenge ti Nzapa. Nilaa, ayeke nzoni e gbu mabe ti e ngangu, mabe so e yeke fa tënë ni.

Ahebro 7:3

Babâ ti lo na mama ti lo ayeke daa pepe, akotara ti lo ayeke nga daa pepe. Zo ahinga lango ti dungo lo wala lango ti kuâ ti lo pepe. Lo yeke tongana Molenge ti Nzapa: lo yeke sara kua ti wayango-sandaga kpu na kpu.

1 Jean 3:8

Zo so ayeke sara siokpari, lo yeke zo ti Zabolo, ngbanga ti so Zabolo ayeke sara siokpari, ngbene ye na tongo nda ni. Molenge ti Nzapa aga mbirimbiri ti buba aye so Zabolo ayeke sara.

Aye so Nzapa afa 2:10

Mo yeke baa ande pasi, me ayeke nzoni mbeto ti pasi ni asara mo pepe. Baa, fade Zabolo ayeke bi ambeni zo na popo ti ala na da ti kanga, ti tara be ti ala, azo ti Nzapa; na ya ti lango baleoko kue, a yeke sara ngangu na ala. Ayeke nzoni mo bata tënë ti mbi ngbii asi na kuâ, fade mbi yeke mu na mo nzoni ye so a yeke mu na zo so aso benda, so ti tene fini so angba lakue lakue.