Matthieu 4:24 - Mbeti ti Nzapa - Tënë so amu fini

²⁴ Sango ti Jésus amu ya ti sese ti Sirii kue. Nilaa azo aga na lo azo so tere ti ala aso, ala so ayeke na akobela nde nde si ala yeke na siriri pepe: ala so ayeke na asioni yingo, ala so ayeke na kobela ti makako nga na ala so mbage ti tere ti ala abuba. Jésus akai kobela na tere ti ala kue.

Matthieu 4:24 Iomraidhean Croise

2 Samuel 8:6

David azia agovoronere na ndö ti ala, ala ga azo ti gbe ti lo si ala yeke futa lapo na lo. *KOTA GBIA asara si David aso benda na ndö ti awato ti lo na ndo so kue lo yeke gue daa.

1 Agbia 10:1

Gbia-wali ti kodro ti Saba ama sango ti Salomon so awu ndali ti iri ti *KOTA GBIA. Nilaa lo ga ti tara ndara ti Salomon na lege ti angangu hundango tënë.

1 Mbai 14:17

Tongaso laa iri ti David amu ya ti akodro kue; KOTA GBIA asara si mbeto ti David asara amara kue.

1 Mbai 29:2

Mbi mu ngangu ti mbi kue ti leke aye ndali ti kota da ti Nzapa ti mbi: mbi bongbi lôro ndali ti aye so a yeke sara ni na lôro, wen ti nginza ndali ti aye so a yeke sara ni na wen ti nginza, bengba wen ndali ti aye so a yeke sara ni na bengba wen, wen ndali ti aye so a yeke sara ni na wen nga na keke ndali ti aye so a yeke sara ni na keke. Mbi mu nga atêne ti kornaline na atêne so a yeke zia na tere ti aye titene apendere, avuko têne na atêne so nzoroko ni ayeke nde nde, amara ti atêne nde nde kue ti ngangu ngere nga na gba ti apendere têne ti sarango na da.

Sigingo 15:26

Lo tene na ala, lo tene: “Tongana ala ma tënë ti mbi KOTA GBIA, Nzapa ti ala nzoni, tongana ala sara ye so ayeke mbirimbiri na le ti mbi, tongana ala dingi mê ti ala ti ma atënë ti yanga ti mbi, tongana ala sara ye alingbi na ambela ti mbi kue, fade mbi yeke zia mbeni kobela oko na tere ti ala pepe; kobela so lani mbi zia na tere ti azo ti Ezipte so. Biani, mbi KOTA GBIA laa mbi yeke kai kobela ti ala.”

Matthieu 12:22

Tongaso, azo amu mbeni koli so sioni yingo ayeke na ya ti lo aga na lo na Jésus; lo yeke waziba si lo yeke nga buburu. Jésus akai kobela ti lo; lo to nda ti tene tënë si lo baa ndo.

Matthieu 14:1

Na ndembe ni so, Herode, govoronere ti Galile ama sango ti Jésus;

Matthieu 15:22

Mbeni wali ti kodro ti Kanaan aga si lo dekongo, lo tene: “*Kota Gbia, Molenge ti David, baa mawa ti mbi! Molenge ti mbi ti wali ayeke na sioni yingo na ya ti lo si asara lo pasi mingi.”

Matthieu 17:15

“*Kota Gbia, baa mawa ti molenge ti mbi! Lo yeke na kobela ti makako si lo yeke baa pasi mingi. Fani mingi lo ti na le ti wâ nga na ya ti ngu.

Matthieu 17:18

Jésus asuku ngangu na sioni yingo ni si yingo ni asigigi na ya ti molenge ni. Gi na ndembe ni so, tere ti molenge ni aga nzoni.

Matthieu 4:23

Jésus atambula na ya ti Galile kue; lo fa ye na azo na ya ti ada ti sambelango Nzapa ti kodro ni, lo fa Nzoni Tënë ti *Kodro-gbia ti yayu, lo kai akobela kue na tere ti azo, lo sara si azo so mbage ti tere ti ala abuba, aga nzoni.

Matthieu 8:28

So Jésus asi na mbage ti ngu ni, na sese ti azo ti Gadara, ambeni koli use alondo na popo ti adu ti kuâ, ala sigigi si aga atengbi na lo. Akoli so ayeke na asioni yingo na ya ti ala. Ala yeke asioni zo mingi, nilaa zo alingbi ti hon pepe na lege so ala yeke daa.

Matthieu 8:33

Awabatango-nguru ni akpe, ala gue na gbata ni si ala tene tënë ti ye so kue asi so. Ala tene nga tënë ti ye so asi na akoli use so ayeke na asioni yingo so.

Matthieu 8:6

atene: “*Kota Gbia, zo ti kua ti mbi ayeke lango na gbogbo na da, tere ti lo aso mingi, lo lingbi ti londo na nduzu pepe.”

Matthieu 9:26

Tënë ti ye so amu ya ti sese ni kue.

Matthieu 9:35

Jésus atambula na ya ti agbata kue, na akete kodro; lo fa ye na ya ti ada ti sambelango Nzapa ti azo ni, lo fa Nzoni Tënë ti *Kodro-gbia ti yayu, lo kai kobela na tere ti azo si ala so mbage ti tere ti ala abuba, lo sara si aga nzoni.

Marc 1:28

Gi hio tongaso, sango ti Jésus amu ya ti sese ti Galile kue.

Marc 1:32

Na lakui, so ndo ato nda ti vuko, azo amu azo so kue ayeke na kobela nga na azo so ayeke na asioni yingo aga na ala.

Marc 2:3

Azo aga na lo mbeni zo so mbage ti tere ti lo abuba; akoli osio laa ayo zo ni.

Marc 2:4

Lege ti gue na lo na Jésus ayeke daa pepe, ngbanga ti so azo ayeke gbani gbani. Tongaso ala gue na li ti da ni, ala zi mbage ti li ti da ni taa na ndö ti Jésus si ala yoro koli so na kelekpa ti lo kue na Jésus.

Marc 2:9

Ti tene na zo so mbage ti tere ti lo abuba so, atene: ‘A zi asiokpari ti mo awe’, wala ti tene: ‘Londo, mo mu kelekpa ti mo, mo tambula’, so wa laa ayeke ngangu pepe?”

Nzoni Tënë so Luc asu na mbeti 2:2

Kozo dikongo wungo ti azo ni aduti na ngoi so Kirinius ayeke govoronere ti sese ti Sirii.

Nzoni Tënë so Luc asu na mbeti 4:14

Jésus alondo akiri na Galile, ngangu ti Yingo-Vuru asi lo singo. Sango ti lo amu ya ti akodro ni kue.

Nzoni Tënë so Luc asu na mbeti 4:38

So Jésus asigigi na da ti sambelango Nzapa ni, lo gue na da ti Simon. Tere ti mama ti wali ti Simon amu wâ mingi si azo ni ahunda na Jésus ti sara mbeni ye ndali ti lo.

Nzoni Tënë so Luc asu na mbeti 5:15

Sango ti Jésus angba ti mu yanga ti azo ti gue na ni. Gba ti azo aga ti ma tënë ti lo nga titene lo kai kobela ti ala.

Nzoni Tënë so Luc asu na mbeti 5:24

Me ti sara si ala hinga atene, *Molenge ti Zo ayeke na ngangu ti zi asiokpari ti azo na sese so, Jésus atene na zo so mbage ti tere ti lo abuba so, atene: ‘Mbi tene na mo: londo, mo mu kelekpa ti mo, mo gue na da ti mo!’ ”

Nzoni Tënë so Luc asu na mbeti 7:17

Tënë ti ye so Jésus asara so amu yanga ti azo ti Judée na azo so ayeke na akodro ti tere ni kue.

Jean 10:21

Ambeni atene ti ala: “Zo so sioni yingo ayeke na ya ti lo ayeke tene amara ti tënë tongaso pepe! Sioni yingo alingbi ti zi le ti waziba?”

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Awatokua 15:23

Ala mu na ala mbeti so na ya ni ala tene: “E, awatokua na akangba so e yeke a-ita ti ala, e bara ala a-ita ti e, azo ti Christ, so ayeke azo ti amara nde si ala yeke na Antioshe, na sese ti Sirii na ti Silisii.

Awatokua 15:41

Paul ahon na ya ti asese ti Sirii na ti Silisii si lo yeke mu wango na azo ti *Eglize titene ala kpengba.

Awatokua 28:9

Na pekoni, ambeni zo ti kobela so ayeke lango na ya ti zoa ni aga abaa lo si lo kai nga kobela na tere ti ala.

Awatokua 8:7

Biani, asioni yingo asigigi na ya ti azo mingi na dekongo na yanga ti ala. Azo mingi so mbeni mbage ti tere ti ala abuba na ala so gere ti ala abuba, tere ti ala aga nzoni.

Josué 6:27

KOTA GBIA ayeke na Josué si iri ti lo awu amu ya ti kodro ni kue.