Matthieu 4:20 - Mbeti ti Nzapa - Tënë so amu fini

²⁰ Gi hio tongaso, ala zia agbanda ti ala si ala mu peko ti lo.

Matthieu 4:20 Iomraidhean Croise

1 Agbia 19:21

Élisée akiri na le ti yaka ti lo. Lo mu abagara use so, lo fâ ala si lo mu na *sandaga. Lo mu akeke ti *zuge ni na aye ti kua ni kue, lo sara na wâ, lo to na kasa ti abagara ni si lo mu na azo ni titene ala te. Na pekoni, lo londo, lo gue na peko ti Élie si lo ga zo ti kua ti lo.

Abia (Psaumes) 119:60

Titene mbi ku kungo pepe, mbi hon daa hio ti bata atënë ti ndia ti mo.

Matthieu 10:37

Zo so aye babâ wala mama ti lo ahon mbi, lo lingbi ti duti disiple ti mbi pepe; zo so aye molenge ti lo ti koli wala ti wali ahon mbi, lo lingbi ti duti disiple ti mbi pepe.

Matthieu 19:27

Tongaso Pierre amu tënë si lo tene: “Baa, e zia aye ti e kue si e mu peko ti mo! Ti e, ye ni ayeke ga ande tongana nyen?”

Matthieu 4:19

Jésus atene na ala: “Ala ga na peko ti mbi, fade mbi yeke sara si ala ga azo ti gingo azo.”

Matthieu 4:21

Jésus ahon gi kete, lo baa ambeni ita use: Jacques na ita ti lo Jean, amolenge ti Zebede; ala na babâ ti ala ayeke na ya ti ngo si ala yeke leke agbanda ti ala. Jésus airi ala.

Nzoni Tënë so Luc asu na mbeti 5:11

So ala kiri na ango ni na yanga ti ngu awe, ala zia aye ti ala kue si ala mu peko ti Jésus.

Galasii 1:16

ti fa Molenge ti lo na mbi titene mbi hinga lo si mbi fa Nzoni Tënë ti lo na azo ti amara nde, mbi hunda wango na mbeni zo pepe.