Matthieu 4:19 - Mbeti ti Nzapa - Tënë so amu fini

¹⁹ Jésus atene na ala: “Ala ga na peko ti mbi, fade mbi yeke sara si ala ga azo ti gingo azo.”

Matthieu 4:19 Iomraidhean Croise

Matthieu 16:24

Na pekoni, Jésus atene na adisiple ti lo: “Tongana mbeni zo aye ti mu peko ti mbi, ayeke nzoni lo zia ti gbu li ti lo na ndö ti lo wani, lo yo keke ti kroa ti lo si lo mu peko ti mbi.

Matthieu 19:21

Jésus atene na lo: “Tongana mo ye ti ga nzoni kue, mo gue, mo ka ye so kue mo yeke na ni, mo mu nginza ni na awayere si fade mo yeke wara mosoro na yayu. Na pekoni, mo ga, mo mu peko ti mbi.”

Matthieu 4:18

So Jésus ayeke tambula na yanga ti kota ngu ti Galile, lo baa a-ita use so ayeke azo ti gingo susu: Simon so mbeni iri ti lo ayeke Pierre, lo na ita ti lo André; ala yeke bi gbanda ti ala na ya ti kota ngu ni ti gi na asusu.

Matthieu 4:20

Gi hio tongaso, ala zia agbanda ti ala si ala mu peko ti lo.

Matthieu 8:22

Jésus akiri tënë na lo: “Mu peko ti mbi; zia akuâ alu akuâ ti ala.”

Matthieu 9:9

So Jésus alondo na ndo so ti hon, lo baa mbeni koli so iri ti lo Matthieu; lo yeke duti na ndo so azo ayeke futa lapo daa. Jésus atene na lo: “Mu peko ti mbi!” Matthieu alondo si lo mu peko ti Jésus.

Marc 2:14

So lo yeke hon, lo baa Lévi, molenge ti Alfe, lo yeke duti na ndo so azo ayeke futa lapo daa. Jésus atene na lo: “Mu peko ti mbi!” Lévi alondo si lo mu peko ti Jésus.

Nzoni Tënë so Luc asu na mbeti 5:27

Na pekoni, Jésus asigigi si lo baa mbeni zo ti rongo nginza ti lapo so iri ti lo ayeke Lévi; lo yeke duti na ndo so azo ayeke futa lapo ti ala daa. Jésus atene na lo: “Mu peko ti mbi!”

Nzoni Tënë so Luc asu na mbeti 9:59

Lo tene na mbeni zo ni, lo tene: “Mu peko ti mbi!” Me zo ni akiri tënë na lo: “Zia mbi gue, mbi lu kuâ ti babâ ti mbi si.”

Jean 1:43

Lango oko na pekoni, Jésus aleke na be ti lo ti gue na sese ti Galile. Lo tengbi na Philippe si lo tene na lo: “Mu peko ti mbi!”

Jean 12:26

Zo so aye ti sara kua na mbi, alingbi lo mu peko ti mbi si ndo so mbi yeke daa, lo nga lo yeke daa. Fade Babâ ti mbi ayeke ne zo so ayeke sara kua na mbi.”

Jean 21:22

Jésus akiri tënë na lo: “Tongana mbi ye titene lo ngba ngbii mbi ga, ti mo daa nyen? Ti mo, mo mu peko ti mbi!”

2 Korente 12:16

Taa-tënë, mbi ga tongana kungba na ndö ti ala pepe. Me ambeni zo atene, mbi yeke zo ti handango zo si mbi mu ala na lege ti poroso.