Matthieu 4:16 - Mbeti ti Nzapa - Tënë so amu fini

¹⁶ Azo so aduti na ya ti vukongo ndo abaa kota lumiere! Ndo ahan na ndö ti azo so aduti ando na ya ti vukongo ndo, na kodro ti akuâ.”

Matthieu 4:16 Iomraidhean Croise

Mbeti ti Job 10:22

na kodro so kâ, vukongo ndo ahon ndoni, bi avuko pitipiti, aye kue ayeke kirikiri, ataa lumiere akpa bi so avuko pitipiti.

Mbeti ti Job 3:5

Ayeke nzoni vukongo ndo na ndo so avuko ahon ndoni akanga ndö ti lango ni so! Vukongo mbinda amu ndö ti lo! Na kota lâ, ndo so avuko vukongo azia kota mbeto na be ti lango ni so!

Mbeti ti Job 34:22

Ataa vukongo ndo, ataa ndo so avuko pitipiti alingbi ti honde azo ti sarango sioni na le ti lo pepe.

Abia (Psaumes) 44:19

E kiri na peko pepe, e ngba lakue ti tambula na lege ti mo;

Ésaïe 9:1

Azo so atambula na ya ti vukongo ndo, ala baa kota lumiere. Azo so aduti na ndo so avuko pitipiti, lumiere aza na ndö ti ala awe.

Ésaïe 9:2

*KOTA GBIA, mo sara si azo awara ngia mingi, mo sara si ngia ti ala asi singo. Ala sara ngia na dawa ti mo tongana ti so azo ayeke sara ngia na ngoi ti fango ale ti kobe; ala sara ngia tongana ti so azo ayeke dekongo na ngia na ngoi so azo ayeke kangbi aye so ala gbu na peko ti bira.

Jérémie 13:16

Ala gonda KOTA GBIA, Nzapa ti ala kozo titene lo tokua vukongo ndo, kozo titene ala pika gere ti ala na li ti ahoto so ndo avuko daa. Ala yeke ku vurungo ndo, me KOTA GBIA asara si vurungo ndo ni aga ndo so avuko pitipiti; lo sara si aga vuko mbinda.

Amos 5:8

Lo so lo sara bongbi ti atongoro, Pleyade na Orion, lo sara si ndo so avuko pitipiti aga lumiere ti ndaperere; lo sara si kota lâ avuko si aga bi. Lo iri ngu ti kota ngu-ingo ti ga si lo tuku ni na ndö ti sese: iri ti lo ayeke KOTA GBIA.

Mishe 7:8

Mo, wato ti mbi, mo he mbi pepe. Tongana mbi ti, fade mbi yeke londo; tongana mbi duti na ya ti vukongo ndo, *KOTA GBIA ayeke lumiere ti mbi.

Nzoni Tënë so Luc asu na mbeti 2:32

Lo yeke lumiere so ayeke fa mo na azo ti amara kue; lo yeke gonda ti azo ti Israel so ayeke azo ti mo.”