Matthieu 4:15 - Mbeti ti Nzapa - Tënë so amu fini

¹⁵ “Sese ti Zabulon na ti Neftali, so ayeke na lege ti guengo na kota ngu-ingo, na mbage ti ngu ti Jourdain laa ayeke Galile ti amara nde!

Matthieu 4:15 Iomraidhean Croise

1 Agbia 9:11

Hiram, gbia ti Tir atokua na Salomon akeke ti sedre, akeke ti sipre na gba ti lôro so be ti lo aye titene lo sara na ada ni. Nilaa Salomon amu na lo agbata baleuse na sese ti Galile.

2 Agbia 15:29

Na ngoi so Peka ayeke gbia ti Israel, Teglat-Falasar, gbia ti Sirii aga si lo mu agbata tongana: Iyon, Abel-Bet-Maaka, Yanoa, Kedesh na Hasor. Lo mu nga sese ti Galaad, ti Galile na ti Neftali kue. Lo gbu azo ti agbata ni si lo gue na ala na kodro ti Asirii.

Ésaïe 9:1

Azo so atambula na ya ti vukongo ndo, ala baa kota lumiere. Azo so aduti na ndo so avuko pitipiti, lumiere aza na ndö ti ala awe.

Matthieu 4:13

Lo zia gbata ti Nazaret si lo gue, lo duti na gbata ti Kapernaum, so ayeke na tere ti kota ngu ti Galile, na sese ti Zabulon na ti Neftali.

Matthieu 4:14

Lo sara tongaso titene tënë ti wayanga-Nzapa Ésaïe so aga taa-tënë:

Matthieu 4:25

Gba ti azo amu peko ti Jésus; ambeni alondo na Galile, ambeni alondo na ya ti Agbata-Baleoko, ambeni alondo na Jérusalem, na Judée nga na kodro so ayeke na mbage ti ngu ti Jourdain si aga.

Nzoni Tënë so Luc asu na mbeti 24:27

Na pekoni, Jésus ato nda ti fa na ala nda ti tënë so ando awayanga-Nzapa kue atene na ndö ti lo na ya ti Mbeti ti Nzapa, ti londo na Moïse ngbii asi na awayanga-Nzapa kue.

Josué 20:7

Agbata so azo ti Israel azia ni nde ayeke so: Kedesh, so ayeke na Genezaret na sese ti Neftali, ndo so ahoto ayeke daa, Sishem, so ayeke na sese ti Efraim, ndo so ahoto ayeke daa, Kiriat-Arba, so a iri ni nga Hebron na sese ti Juda, ndo so ahoto ayeke daa.

Josué 21:32

Na sese ti azo ti mara ti Neftali, a mu na ala agbata ota na ando ti tengo pere ndali ti anyama ti ala. Agbata ni ayeke so: Kedesh, gbata so azo so afâ zo na mbana pepe ayeke kpe daa ti bata tere ti ala, na sese ti Galile, nga na gbata ti Hamot-Dor na Kartan.