Matthieu 3:7 - Mbeti ti Nzapa - Tënë so amu fini

⁷ So Jean abaa gba ti *afarizien na *asadusien ayeke ga na tere ti lo titene ala wara bateme, lo tene na ala: “Ala, asioni mara ti ngbo! Zo wa laa afa na ala lege ti kpe ngonzo ti Nzapa so ayeke ga so?

Matthieu 3:7 Iomraidhean Croise

Tongo nda ti aye 3:15

Mbi yeke zia kangbi na popo ti mo na wali, na popo ti *ahale ti mo, na ala ti wali. Fade ahale ti wali ayeke zia ka na li ti mo si mo, mo yeke zia ka na ngbonda ti gere ti ala.”

Amato 28:4

Azo so azia lege ti *Ndia, ala yeke gonda azo ti sioni; me azo so abata lege ti Ndia, ala yeke kanga lege na azo ti sioni ni.

Ésaïe 59:5

Sarango ye ti ala ayeke sioni tongana para ti sioni ngbo: tongana zo ate para ni, lo yeke kui; tongana a fâ ya ni, sioni ngbo laa ayeke sigigi daa. Akamba so ala yeke leke akpa akamba so mbeni tere aleke ti sara na gbanda ti lo; zo alingbi ti sara ni na bongo pepe, wala ti yu ni pepe. Akamba ni ayeke ga gi na kpale. Kua ti ala ayeke ti sara ngangu na zo.

Jérémie 51:6

Ala azo, ala sigigi na ya ti Babilone, ala kpe ahon! Ayeke nzoni zo oko oko asoo fini ti lo; tongaso si ala kui ndali ti sioni ti lo pepe. Biani, ndembe titene KOTA GBIA akiri na kodro ni peko ti sioni ti lo alingbi awe. Lo futa kodro ni alingbi na ye so lo sara.

Jérémie 6:10

Zo wa laa mbi yeke tene tënë na lo, zo wa? Zo wa laa mbi yeke gboto mê ti lo si lo ma mbi? A fâ mê ti ala na *ganza pepe, ala lingbi ti zia mê ti ala kpoo pepe. KOTA GBIA, ala yeke he tënë ti mo na ngia, tënë ti mo anzere na ala pepe.

Matthieu 12:24

So *afarizien ama tënë so, ala tene: “Koli so ayeke tumba asioni yingo gi na ngangu ti Beelzebul, makonzi ti asioni yingo!”

Matthieu 12:34

Ala asioni mara ti ngbo! Ala yeke tene anzoni tënë ngbanga ti nyen, so ala wani ayeke asioni zo so? Ye so asi singo na be ti zo laa ayeke sigigi na lege ti tënë ti yanga ti lo.

Matthieu 15:12

Tongaso, adisiple ti lo ague nduru na tere ti lo si ala tene na lo: “Mo hinga, mo tene, tënë so mo tene so aso be ti *afarizien mingi?”

Matthieu 16:1

*Afarizien na *asadusien aga nduru na tere ti Jésus; ala ye ti sara si lo ti na ya ti gbanda ti ala. Nilaa ala hunda na lo titene lo sara mbeni ye ti kpene ti fa na ala so Nzapa laa atokua lo.

Matthieu 16:6

Jésus atene na ala: “Ala sara hange! Le ti ala akpengba na mama ti mapa ti *afarizien na ti *asadusien!”

Matthieu 22:15

Tongaso *Afarizien ague, abongbi tere ti ala ti gi lege titene gi na lege ti tënë ti yanga ti lo wani, Jésus ati na ya ti gbanda ti ala.

Matthieu 22:23

Gi na lango ni so, *asadusien aga nduru na tere ti Jésus. – Asadusien ayeke azo so atene, akuâ ayeke zingo pepe. – Ala hunda Jésus,

Matthieu 22:34

So *Afarizien ama a tene, Jésus akanga yanga ti *asadusien awe, afarizien abongbi tere ti ala.

Matthieu 23:33

Ala angbo, ala asioni mara ti ngbo! Fade ala yeke sara tongana nyen ti kpe ngbanga so ayeke ku ala na ndo so wâ ayeke gbi daa lakue so?

Matthieu 5:20

Mbi tene na ala: tongana ala sara ye ti mbirimbiri ahon ti awafango-ndia na ti *afarizien pepe, fade ala yeke li na ya ti Kodro-gbia ti yayu pepe.”

Marc 12:13

Ala tokua ambeni *farizien na ambeni zo ti kama poroso ti Herode na Jésus titene, gi na lege ti tënë ti yanga ti lo wani, lo ti na ya ti gbanda ti ala.

Marc 12:18

Ambeni *sadusien aga na tere ti Jésus. – Asadusien ayeke azo so atene, akuâ ayeke zingo pepe. – Ala hunda lo, atene:

Marc 8:15

Jésus amu yanga na ala, atene: “Ala sara hange! Le ti ala akpengba na mama ti mapa ti *afarizien na ti Herode!”

Nzoni Tënë so Luc asu na mbeti 16:14

*Afarizien so aye nginza mingi so, ama tënë so kue si ala yeke he Jésus na ngia.

Nzoni Tënë so Luc asu na mbeti 18:11

Farizien ni aluti ti lo lutingo si lo yeke sambela na ya ti be ti lo, lo tene: ‘Mbi mu singila na mo, Nzapa, ngbanga ti so mbi yeke tongana tanga ti azo kue pepe. Ala yeke ti ala azo ti nzi, azo ti kirikiri, azo ti gingo awali wala akoli ti azo. Mbi yeke nga tongana zo ti rongo nginza ti lapo so pepe.

Nzoni Tënë so Luc asu na mbeti 7:30

Me *afarizien na awafango-ndia ake ti yeda na nzoni ye so Nzapa aleke ndali ti ala si ala ke ti wara bateme ti Jean.

Jean 1:24

*Afarizien ayeke nga na popo ti azo so a tokua ala na Jean so.

Jean 8:44

Babâ ti ala ayeke Zabolo, ala ye ti sara gi ye so be ti lo aye; kua ti lo ngbene ye na tongo nda ni laa. Lo gi lege laoko ti tene taa-tënë pepe, ngbanga ti so taa-tënë ayeke na ya ti fini ti lo pepe. Mvene ayeke ye ti tere ti lo, ngbanga ti so lo yeke zo ti mvene si lo yeke babâ ti mvene.

Jean 9:40

Ambeni *farizien so ayeke kâ ama tënë so Jésus atene so si ala hunda lo, atene: “E nga, e yeke awaziba?”

Awatokua 15:5

Me ambeni *farizien so ama na be alondo, ala mu tënë si ala tene: “Alingbi azo ti amara nde afâ ganza, a mu nga yanga na ala ti bata *Ndia ti Moïse.”

Awatokua 20:31

Le ti ala akpengba, ala dabe ti ala so na ya ti ngu ota, bi na lâ, na ngu ti le, mbi zia ti mu wango na zo oko oko na popo ti ala pepe.

Awatokua 26:5

Azuife ahinga mbi aninga awe. Tongana ala ye, ala lingbi ti tene na mo so mbi yeke ando mbeni zo ti bongbi ti *afarizien, bongbi ti azo ti vorongo Nzapa ti e so ayeke bata ndia ahon tanga ti azo kue.

Awatokua 5:17

Tongaso, kota wayango-sandaga na azo ti tere ti lo, so ti tene azo ti bongbi ti *asadusien, kota be asara ala na tere ti *awatokua si ala ye ti sara mbeni ye.

Rome 1:18

Ngonzo ti Nzapa alondo na yayu si lo fa ni na azo ndali ti siokpari ti ala nga ndali ti asioni ye so kue ala sara. Na lege ti asioni ye so ala yeke sara, ala kanga lege na taa-tënë.

Rome 5:9

Fadeso e ga mbirimbiri na le ti Nzapa na lege ti mene ti Christ. Na ndö ti so kue, na lege ti Christ, fade a yeke soo nga e na kuâ na ya ti ngonzo ti Nzapa.

1 Tesalonike 1:10

Fadeso ala yeke ku Jésus, Molenge ti lo so ayeke londo na yayu ti ga. Nzapa azingo Molenge ti lo ni na kuâ, lo so lo yeke zi e na gbe ti ngonzo ti Nzapa so ayeke ga.

Ahebro 11:7

Na lege ti mabe, Noe ama tënë ti aye so Nzapa atene tënë ni so ayeke si ande si zo ade ti baa ni pepe so. Noe abaa ni tongana senge tënë pepe, nilaa lo leke mbeni kota mangboko so lo na asewa ti lo ali na ya ni titene ala soo kuâ. Tongaso, lo fâ ngbanga na li ti azo ti dunia si na lege ti mabe, lo ga mbirimbiri na le ti Nzapa.

Ahebro 6:18

Dengo ba so Nzapa ade na zendo so lo mu so ayeke ngba lakue; tënë ti mvene ayeke na ya ti aye use so oko pepe. Aye use so ayeke kpengba e mingi, e so e zia be ti e ti ku ti wara ye so Nzapa aye ti mu na e.

1 Jean 3:10

Ye so ayeke fa atene, zo ayeke molenge ti Nzapa wala molenge ti Zabolo ayeke so: zo so ayeke sara ye ti mbirimbiri pepe, wala lo ye ita ti lo pepe, lo yeke zo ti Nzapa pepe.