Matthieu 3:6 - Mbeti ti Nzapa - Tënë so amu fini

⁶ Ala fa asiokpari ti ala na gigi si Jean abatize ala na ya ti ngu ti Jourdain.

Matthieu 3:6 Iomraidhean Croise

Esdras 10:1

So Esdras angba ti kuku na dawa ti kota da ti Nzapa, lo yeke toto si lo yeke sambela ti hunda titene Nzapa azi siokpari na li ti ala, gba ti azo ti Israel, akoli, awali na amolenge, abongbi na tere ti lo. Azo ni kue ayeke toto mingi.

Abia (Psaumes) 32:5

Me mbi fa na mo siokpari ti mbi, mbi honde sioni ti mbi pepe. Mbi tene: “Fade mbi yeke fa na KOTA GBIA asioni ti mbi.” Ti mo, mo zi na li ti mbi awe ngbanga ti siokpari ti mbi. Luti kete

Amato 28:13

Zo so ahonde asioni ti lo, aye ti lo ayeke ga nzoni pepe; me zo so afa ni na gigi si lo zia lege ni, fade Nzapa ayeke sara nzoni be na lo.

Ezekiel 36:25

Mbi yeke tuku *nzoni ngu na ndö ti ala si ala ga *nzoni. Mbi yeke *sukula asioni ti ala kue, mbi yeke zi ayanda ti ala.

Daniel 9:4

Mbi sambela KOTA GBIA, Nzapa ti mbi si mbi fa siokpari so na lo, mbi tene: “Ae! KOTA GBIA, mo yeke kota, azo alingbi ti kpe mbeto ti mo mingi. Mo yeke bata tënë ti *mbuki ti mo na azo so abata andia ti mo; mo yeke sara nzoni be na azo so aye mo.

Awayango-sandaga 16:21

Aaron ayeke zia maboko ti lo use kue na li ti koli-ngasa ni, lo yeke diko na li ti ngasa ni asioni so kue azo ti Israel asara, ngangu li ti ala kue nga na siokpari ti ala kue si lo yeke zia ni kue na li ti ngasa ni. Na pekoni, lo yeke tokua ngasa ni na benyama si mbeni koli so a soro lo ayeke mu lo ti gue na lo.

Awayango-sandaga 26:40

“Me azo so ayeke ngba na fini, fade ala yeke fa na gigi sioni ti ala na ti akotara ti ala. Ala yeke tene: ‘E sara ye so ayeke sioni mingi ti ke KOTA GBIA, e sara ngangu li na lo.’

Wungo ti azo 5:7

Alingbi zo ni afa na gigi siokpari so lo sara. Na pekoni, lo yeke futa na mba ti lo ni ye ti sioni so lo sara na lo. Ye so lo lingbi ti futa, lo yeke kangbi ya ni oku si lo yeke mu mbeni mbage ni oko ti zia na ndö ti ye oku so lo futa so.

Matthieu 3:11

Ti mbi, mbi yeke batize ala na ngu ti fa na le ti azo so ala zia ngbene lege ti sarango ye ti ala awe; me lo so ayeke ga na peko ti mbi, fade lo yeke batize ala na Yingo-Vuru nga na wâ. Ngangu ti lo ahon ti mbi: mbi kpa zo ti zi poro ti gere ti lo pepe.

Marc 1:5

Azo ti sese ti Judée kue na ala ti gbata ti Jérusalem aga na mbage ti Jean. Ala fa asiokpari ti ala na gigi si Jean abatize ala na ya ti ngu ti Jourdain.

Nzoni Tënë so Luc asu na mbeti 1:16

Lo yeke mu azo ti Israel mingi ti kiri na ala na Kota Gbia, Nzapa ti ala.

Nzoni Tënë so Luc asu na mbeti 3:16

Jean akiri tënë na ala kue, atene: “Ti mbi, mbi yeke batize ala na ngu, me lo so lo yeke ga ande, ngangu ti lo ahon ti mbi: mbi kpa zo ti zi akamba ti poro ti gere ti lo pepe. Fade lo yeke batize ala na Yingo-Vuru nga na wâ.

Awatokua 1:5

Jean abatize azo na ngu, me na ya ti akete lango, fade Nzapa ayeke batize ala na Yingo-Vuru.”

Awatokua 11:16

Tongaso mbi dabe ti mbi na tënë so Kota Gbia atene: ‘Jean abatize azo na ngu, me fade Nzapa ayeke batize ala na Yingo-Vuru.’

Awatokua 19:18

Azo mingi so ama na be aga si ala fa na le ti azo kue aye ti sioni so ala sara.

Awatokua 22:16

Nyen laa mo yeke ku fadeso? Londo, mo wara bateme, Nzapa azi siokpari ti mo na lege so mo di iri ti lo.’ ”

1 Korente 10:2

Akotara ti e ni kue awara bateme na ya ti mbinda nga na ya ti kota ngu-ingo, ngbanga ti so ala ga oko na Moïse.

Kolose 2:12

So ala wara bateme, a lu ala na Christ awe si a zingo ala na kuâ legeoko na lo, ngbanga ti so ala ma na be na ngangu ti Nzapa so azingo lo na kuâ.

Ahebro 6:2

tënë na ndö ti abateme, tënë ti ziango maboko na li ti azo, tënë ti zingongo ti akuâ na tënë ti ngbanga so Nzapa ayeke fâ ande na li ti azo biani biani.

Ahebro 9:10

Aye so kue ayeke gi asenge ndia ti azo, andia so ayeke na ndö ti tengo akobe, na nyongo ye, na tënë ti *sukulango asioni nde nde. Ndia so ayeke ngba ngbii asi na ndembe so Nzapa asara titene ye oko oko kue akiri aga fini ni.

Jacques 5:16

Ala fa siokpari ti ala na gigi na amba ti ala, ala sambela ndali ti amba ti ala si kobela ti ala akai. Sambela ti zo ti mbirimbiri ayeke na ngangu mingi ti sara ye.

Josué 7:19

Josué atene na Akan: “Molenge ti mbi, gonda KOTA GBIA, Nzapa ti Israel, tene taa-tënë. Fa na mbi ye so mo sara, honde ye oko na mbi pepe.”

1 Pierre 3:21

So ayeke limo ti bateme so ayeke soo ala fadeso. Bateme ni ayeke ye ti sukulango zende na tere ti zo pepe, me ayeke ti hunda na Nzapa titene mbeni ye ti sioni aduti na be ti zo ni pepe. Bateme ni ayeke soo ala na kuâ, ngbanga ti so Jésus Christ azingo na kuâ awe.

1 Jean 1:9

Tongana e fa siokpari ti e na Nzapa, lo so lo yeke bata tënë ti yanga ti lo si lo yeke nga mbirimbiri, fade lo yeke zi siokpari ti e si lo yeke sukula sioni ti e kue.