Matthieu 3:2 - Mbeti ti Nzapa - Tënë so amu fini

² lo tene: “Ala zia ngbene lege ti sarango ye ti ala, ngbanga ti so *Kodro-gbia ti yayu aga nduru awe!”

Matthieu 3:2 Iomraidhean Croise

1 Agbia 8:47

na kodro so a gbu azo ti mo si a gue na ala daa so, tongana ala gbu li ti ala, ala zia ngbene lege ti sarango ye ti ala si ala toto na mo na ya ti kodro ni kâ, atene: ‘E ke yanga ti mo awe, e sara siokpari awe, e sara sioni awe!’,

Mbeti ti Job 39:12

Mo yeke zia be ti mo na ndö ti lo ti ro ale ti kobe ti mo ti zia ni na ya ti gogoro?

Mbeti ti Job 42:6

Ndani laa, be ti mbi aso ndali ti tënë so lani mbi tene. Mbi hinga so tënë ni ayeke na legeni pepe; mbi duti na ya ti fuku ti sese, na ya ti mburu ti wâ.

Ezekiel 33:11

Tene na ala, mo tene: Fini ti mbi! So tënë ti yanga ti Kota Gbia NZAPA laa. Mbi yeke wara ngia ndali ti kuâ ti zo ti sioni? Ye so anzere na be ti mbi ayeke titene zo ti sioni azia sioni lege ti sarango ye ti lo si lo duti na fini. Ala azo ti Israel, ala zia sioni lege ti sarango ye ti ala, ala zia ni! Ala ye ti kui ngbanga ti nyen?

Daniel 2:44

Na ngoi ti agbia ni, fade Nzapa so ayeke na yayu ayeke sara mbeni kodro so ayeke buba laoko pepe; kodro ni ayeke ti na gbe ti azo ti ambeni mara nde pepe. Fade kodro ni ayeke fâ si ayeke nika ambeni kodro ni kue; gi kodro oko so laa ayeke ngba ti lo lakue lakue.

Matthieu 10:7

Na guengo ni, ala fa Nzoni Tënë na azo, atene: ‘*Kodro-gbia ti yayu aga nduru awe!’

Matthieu 11:20

Na pekoni, Jésus ato nda ti suku na azo ti agbata so lo sara aye ti kpene mingi daa so. Biani, azo ti agbata ni azia ngbene lege ti sarango ye ti ala pepe.

Matthieu 12:41

Na lango ti fango ngbanga, fade azo ti Ninive ayeke londo ti luti na le ti azo ti fadeso ti fâ ngbanga na li ti ala, ngbanga ti so na ndembe so azo ti Ninive ama tënë ti Nzapa so Jonas afa, ala zia ngbene lege ti sarango ye ti ala. Mbeni zo ayeke ge so ayeke kota ahon Jonas!

Matthieu 13:11

Lo kiri tënë na ala: “Ti ala, Nzapa amu na ala lege ti hinga nda ti tënë ti *Kodro-gbia ti yayu so angba na hondengo ni, me ti azo ni, Nzapa amu na ala lege ti hinga ni oko pepe.

Matthieu 13:24

Jésus atene na ala mbeni toli, lo tene: “*Kodro-gbia ti yayu ayeke tongana ye so mbi ye ti fa: Mbeni koli abi anzoni le ti kobe na le ti yaka ti lo.

Matthieu 13:31

Jésus atene na ala mbeni toli, lo tene: “*Kodro-gbia ti yayu ayeke tongana le ti keke ti mutarde so mbeni zo amu si alu na yaka ti lo.

Matthieu 13:33

Jésus atene na ala mbeni toli, lo tene: “*Kodro-gbia ti yayu ayeke tongana mama ti mapa so mbeni wali amu, lo bongbi na gba ti farini, lo pika ya ni si mapa ni kue asuku nzoni.”

Matthieu 13:47

“*Kodro-gbia ti yayu ayeke nga tongana gbanda so a bi na ya ti kota ngu si agbu amara ti asusu nde nde.

Matthieu 13:52

Lo tene na ala: “So ti tene, wafango-ndia so ahinga ye na ndö ti *Kodro-gbia ti yayu awe, lo yeke tongana mbeni wa ti da so ayeke mu afini mosoro na angbene ni kue na ya ti gogoro ti lo ti sigigi na ni.”

Matthieu 18:23

Ndani laa, tënë ti *Kodro-gbia ti yayu ayeke tongana tënë ti mbeni gbia so aye ti baa lege ti yongo ti lo so ayeke na li ti azo ti kua ti lo.

Matthieu 20:1

“Tënë ti *Kodro-gbia ti yayu ayeke tongana tënë ti mbeni wa ti da so asigigi na kota ndaperere ti gi azo, ti mu ala na kua ti yaka ti *vinye ti lo.

Matthieu 22:2

“Tënë ti *Kodro-gbia ti yayu ayeke tongana tënë ti mbeni gbia so aleke matanga ndali ti mungo wali so molenge ti lo aye ti mu.

Matthieu 23:13

“Mawa na ala, awafango-ndia, ala na *afarizien! Tënë ti yanga ti ala ayeke nde na sarango ye ti ala! Ala kanga lege ti *Kodro-gbia ti yayu na azo. Ala wani aye ti li na ya ti Kodro-gbia ti yayu ni pepe, me ala yeke kanga lege ni na azo so aye ti li daa. [

Matthieu 25:1

“Tongaso tënë ti *Kodro-gbia ti yayu ayeke duti ande tongana tënë ti amaseka-wali baleoko so amu alamba ti ala si ala sigigi ti gue na lege ti koli so ague ti mu wali na fini ni.

Matthieu 25:14

“Tënë ti *Kodro-gbia ti yayu ayeke tongana tënë ti mbeni koli so alondo ti gue na mbeni kodro nde: lo iri azo ti kua ti lo si lo mu aye ti lo, lo zia na maboko ti ala.

Matthieu 4:17

Gi na ndembe ni so, Jésus ato nda ti fa tënë, lo tene: “Ala zia ngbene lege ti sarango ye ti ala, ngbanga ti so *Kodro-gbia ti yayu aga nduru awe!”

Matthieu 4:23

Jésus atambula na ya ti Galile kue; lo fa ye na azo na ya ti ada ti sambelango Nzapa ti kodro ni, lo fa Nzoni Tënë ti *Kodro-gbia ti yayu, lo kai akobela kue na tere ti azo, lo sara si azo so mbage ti tere ti ala abuba, aga nzoni.

Matthieu 5:10

Ti ala nzoni, ala so a yeke sara ngangu na ala ndali ti sarango ye ti mbirimbiri, ngbanga ti so Kodro-gbia ti yayu ayeke ti ala!

Matthieu 5:3

“Ti ala nzoni, ala so ahinga atene, ye ti yingo atia ala, ngbanga ti so *Kodro-gbia ti yayu ayeke ti ala!

Matthieu 6:10

ga, mo le-gbia na ndö ti azo. Ayeke nzoni a sara na sese ye so be ti mo aye, tongana ti so a yeke sara na yayu.

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

Marc 1:15

Lo tene: “Ngbonga ni alingbi awe, *Kodro-gbia ti Nzapa aga nduru awe. Ala zia ngbene lege ti sarango ye ti ala, ala ma na be na Nzoni Tënë!”

Marc 1:4

Jean-Baptiste asi na ya ti benyama, lo yeke fa tënë na azo, lo tene: “Ala zia ngbene lege ti sarango ye ti ala, ala wara bateme si fade Nzapa ayeke zi asiokpari na li ti ala!”

Marc 6:12

Tongaso adisiple ague ti fa tënë na azo, atene: “Ala zia ngbene lege ti sarango ye ti ala!”

Nzoni Tënë so Luc asu na mbeti 1:16

Lo yeke mu azo ti Israel mingi ti kiri na ala na Kota Gbia, Nzapa ti ala.

Nzoni Tënë so Luc asu na mbeti 11:20

Me tongana mbi yeke tumba asioni yingo ni na ngangu ti Nzapa, andaa kodro-gbia ti Nzapa asi na ala awe.

Nzoni Tënë so Luc asu na mbeti 13:3

Oko pepe! Mbi tene na ala: tongana ala zia ngbene lege ti sarango ye ti ala pepe, fade ala kue ayeke kui gi tongaso.

Nzoni Tënë so Luc asu na mbeti 13:5

Oko pepe! Mbi tene na ala: tongana ala zia ngbene lege ti sarango ye ti ala pepe, fade ala kue ayeke kui gi tongaso.”

Nzoni Tënë so Luc asu na mbeti 15:10

Ndani laa mbi tene na ala: ngia ayeke na popo ti *a-ange ti Nzapa, ndali ti zo ti siokpari oko so azia ngbene lege ti sarango ye ti lo.”

Nzoni Tënë so Luc asu na mbeti 15:7

Mbi tene na ala: ngia ayeke tongaso na yayu ndali ti zo ti siokpari oko so azia ngbene lege ti sarango ye ti lo; ngia so ahon ngia ndali ti azo ti mbirimbiri balegumbaya na gumbaya so nzara ti zia ngbene lege ti sarango ye ti ala ayeke sara ala pepe.”

Nzoni Tënë so Luc asu na mbeti 16:30

Zo ti mosoro ni atene: ‘Ên-en, babâ Abraham! Tongana mbeni zo alondo na popo ti akuâ ague na mbage ti ala, fade ala yeke zia ngbene lege ti sarango ye ti ala.’

Nzoni Tënë so Luc asu na mbeti 21:31

Legeoko nga, tongana ala baa aye so asi, ayeke nzoni ala hinga atene, kodro-gbia ti Nzapa aga nduru awe.

Nzoni Tënë so Luc asu na mbeti 24:47

Na iri ti lo, fade azo ayeke fa Nzoni Tënë na amara kue, ti to nda ni na Jérusalem. Ala yeke tene na azo titene ala zia ngbene lege ti sarango ye ti ala, ala kiri na Nzapa si fade Nzapa azi siokpari na li ti ala.

Nzoni Tënë so Luc asu na mbeti 6:20

Jésus abaa ndo na mbage ti adisiple ti lo si lo tene: “Ti ala nzoni, ala so ayeke awayere, ngbanga ti so *Kodro-gbia ti Nzapa ayeke ti ala!

Nzoni Tënë so Luc asu na mbeti 9:2

Na pekoni, lo tokua ala ti fa tënë ti kodro-gbia ti Nzapa, ti kai nga akobela na tere ti azo.

Awatokua 11:18

So ala ma tënë so, be ti ala ade si ala gonda Nzapa, atene: “Nzapa amu nga lege na azo ti amara nde ti zia ngbene lege ti sarango ye ti ala si ala wara fini!”

Awatokua 17:30

Me ngoi so zo ahinga ye pepe, Nzapa abaa ni senge. Fadeso, lo yeke iri azo kue, na ndo kue titene ala zia ngbene lege ti sarango ye ti ala.

Awatokua 2:38

Pierre akiri tënë na ala: “Ayeke nzoni ala oko oko kue azia ngbene lege ti sarango ye ti ala, ala wara bateme na iri ti Jésus Christ titene Nzapa azi siokpari na li ti ala, tongaso fade Nzapa ayeke mu na ala Yingo-Vuru.

Awatokua 20:21

Mbi iri azuife na azo ti amara nde titene ala zia ngbene lege ti sarango ye ti ala, ala kiri na Nzapa si ala ma na be na Kota Gbia ti e Jésus.

Awatokua 26:20

Me mbi to nda ti fa tënë ti Nzapa kozoni na azo ti Damas nga na azo ti Jérusalem. Na pekoni, mbi fa tënë ni na azo ti sese ti Judée kue nga na azo ti amara nde; mbi hunda na ala titene ala zia ngbene lege ti sarango ye ti ala ti kiri na mbage ti Nzapa, ala sara ye so afa atene, ala zia ngbene lege ti sarango ye ti ala awe.

Awatokua 3:19

Tongaso, ala zia ngbene lege ti sarango ye ti ala, ala kiri na lege ti Nzapa, tongaso si lo zi siokpari ti ala.

2 Korente 7:10

Vundu so Nzapa ayeda na ni ayeke sara titene zo azia ngbene lege ti sarango ye ti lo si lo lingbi ti soo kuâ. Mara ti vundu so, be ti zo alingbi ti so daa pepe. Me vundu so asara si zo azia ngbene lege ti sarango ye ti lo pepe, ni laa ayeke gue na zo na kuâ.

Kolose 1:13

Nzapa azi e na gbe ti ngangu ti makonzi ti vukongo ndo si lo zia e na ndo so Molenge ti lo so lo ye lo mingi ayeke gbia daa.

2 Timothée 2:25

Azo so ayeke ke tënë na yanga ti lo, ayeke nzoni lo fa ye na ala yeke-yeke. E hinga pepe, Nzapa ayeke sara titene ala zia ngbene lege ti sarango ye ti ala, ala hinga taa-tënë

Ahebro 6:1

Tongaso, alingbi e zia lege ti akozo tënë so e manda ando na ndö ti Christ, e hon fadeso ti manda akpengba tënë so alingbi na akangba, e kiri na ndö ti akozo kota tënë ni pepe. Akozo tënë ni ayeke so: tënë ti ziango ngbene lege ti sarango abuba ye, tënë ti mango na be na Nzapa,

2 Pierre 3:9

Ye so Kota Gbia amu zendo ni, lo yeke ninga ti sara ni pepe. Me ambeni zo ayeke tene, lo ngba ti ku gi kungo. Andaa lo ngba ti ku, ngbanga ti so lo ye pepe titene zo oko akui, me lo ye titene azo kue azia ngbene lege ti sarango ye ti ala.

Aye so Nzapa afa 2:21

Mbi zia na lo ngoi titene lo zia ngbene lege ti sarango ye ti lo, me lo ye ti zia lege ti sarango ye ti ndumba ti lo ni pepe.

Aye so Nzapa afa 2:5

Dabe ti mo na ndo so mo londo daa si mo ti! Zia lege ti sarango ye so mo yeke sara fadeso, kiri mo sara ye so mo sara kozoni. Tongana mo ngba na sioni lege so, fade mbi yeke ga ti zi gere ti alamba ti mo na ndo so ayeke daa.