Matthieu 3:16 - Mbeti ti Nzapa - Tënë so amu fini

¹⁶ Gi so Jésus awara bateme awe, lo sigigi na ya ti ngu ni. Na ndembe ni so, yanga ti yayu azi, lo baa Yingo ti Nzapa so azu tongana *mbipa si aga na ndö ti lo.

Matthieu 3:16 Iomraidhean Croise

Ésaïe 11:2

Fade yingo ti *KOTA GBIA ayeke duti na ndö ti lo: yingo ti ndara na ti hingango popo ti nzoni na sioni, yingo ti mungo wango na ti ngangu, yingo ti hingango ndo na ti kpengo mbeto ti KOTA GBIA.

Ésaïe 42:1

*KOTA GBIA atene: “Baa, zo ti kua ti mbi laa, lo so mbi gbu lo na maboko ti lo, lo so mbi soro lo, mbi wara ngia na lege ti lo. Mbi zia Yingo ti mbi na ndö ti lo, fade lo yeke sara si sarango ye ti mbirimbiri abaa gigi ndali ti amara nde.

Ésaïe 59:21

KOTA GBIA atene: “Tënë ti *mbuki so mbi na ala e yeke sara laa: yingo ti mbi ayeke duti na ndö ti ala, mbi yeke zia tënë ti mbi na yanga ti ala; tënë ni ayeke hon yongoro na yanga ti ala pepe, na yanga ti amolenge ti ala pepe, na yanga ti amolenge ti amolenge ti ala pepe, ti londo fadeso ti gue na ni, kpu na kpu. Tënë so mbi KOTA GBIA, mbi tene laa.”

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Ezekiel 1:1

Na lango oku ti nze osio ti ngu baleota ni, mbi yeke na tere ti *bale ti Kebar na popo ti azuife so a gbu ala si a gue na ala na kodro wande. Yayu azi si na ya ti ambeni ye tongana bango-li, Nzapa afa na mbi ambeni ye.

Marc 1:10

Gi so lo londo na ya ti ngu ni ti sigigi, lo baa yanga ti yayu azi si Yingo ti Nzapa azu na ndö ti lo tongana *mbipa.

Jean 1:51

Jésus akiri atene: “Biani, mbi tene na ala taa-tënë: fade ala yeke baa yanga ti yayu azi si *a-ange ti Nzapa ayeke ma na nduzu si ala yeke zu na ndö ti *Molenge ti Zo.”

Jean 3:34

Zo so Nzapa atokua lo, lo yeke tene gi atënë ti Nzapa, ngbanga ti so Nzapa amu Yingo ti lo ahon ndoni na zo ni.

Awatokua 1:22

ti londo na lango ti bateme ti Jean ngbii asi na lango so a mu Jésus na popo ti e, a gue na lo na yayu. Tongaso, ayeke nzoni mbeni oko na popo ti ala abongbi na e ti ga zo ti fango na azo tënë ti zingongo ti Jésus na kuâ.”

Awatokua 7:56

Lo tene: “Mbi baa yayu azi si mbi baa *Molenge ti Zo so ayeke luti na tere ti Nzapa na mbage ti maboko ti lo ti koli!”

1 Jean 5:6

Jésus Christ laa aga na ngu na mene, ngu ti bateme so lo li na ya ni nga na mene ti lo so atuku. Lo ga gi na ngu pepe, me lo ga na ngu na mene kue. Yingo-Vuru si ayeke fa atene, ye ni ayeke taa-tënë, ngbanga ti so Yingo-Vuru ayeke taa-tënë.