Matthieu 3:15 - Mbeti ti Nzapa - Tënë so amu fini

¹⁵ Me Jésus akiri tënë na lo: “Ti fadeso, ayeke nzoni e sara tongaso si e lingbi ti sara ye so kue ayeke mbirimbiri na le ti Nzapa.” Tongaso Jean ayeda.

Matthieu 3:15 Iomraidhean Croise

Ésaïe 42:21

Ndali ti mbirimbiri ti lo wani, KOTA GBIA aye ti fa so *Ndia ti lo ayeke kota si ayeke pendere mingi.

Matthieu 3:14

Me Jean aye ti ke. Lo tene na Jésus: “Mo laa mo lingbi fade ti batize mbi. Tongana nyen laa mo kiri, mo ga titene mbi batize mo so?”

Nzoni Tënë so Luc asu na mbeti 1:6

Ala use kue ayeke ambirimbiri zo na le ti Nzapa; ala yeke sara ye gi na lege ti andia nga na lege ti ambela kue ti *Kota Gbia.

Jean 13:15

Mbi sara so ti fa na ala tapande titene ala nga, ala sara ye so mbi sara na ala.

Jean 15:10

Tongana ala sara ye alingbi na andia ti mbi, fade ala yeke ngba na ya ti ndoye ti mbi, tongana ti so mbi sara ye alingbi na andia ti Babâ si mbi ngba na ya ti ndoye ti lo.

Jean 4:34

Jésus atene na ala: “Kobe ti mbi ayeke ti sara ye so be ti lo so atokua mbi aye, ti hunzi kua so lo mu na mbi ti sarango ni.

Jean 8:29

Lo so atokua mbi, lo yeke na mbi. Lo zia mbi gi mbi oko pepe, ngbanga ti so mbi yeke sara lakue ye so anzere na be ti lo.”

Ahebro 7:26

Mara ti kota wayango-sandaga so alingbi fade na e laa. Lo yeke nde si lo yeke nzoni kue, tënë ayeke na li ti lo oko pepe, lo sara siokpari oko pepe; lo kangbi na azo ti siokpari, Nzapa amu lo si azia lo na yayu kâ na ndö ti aye kue.

1 Jean 2:6

Zo so atene ni ga oko na Nzapa, alingbi dutingo ti lo ayeke tongana ti Jésus Christ.