Matthieu 3:12 - Mbeti ti Nzapa - Tënë so amu fini

¹² Lo gbu ye ti pengo na ale ti kobe na maboko ti lo, lo yeke leke ndo ti pikango ale ti kobe ti lo daa. Na pekoni, lo yeke zia ni na ya ti gogoro, me fade lo yeke bongbi aporo ni ti gbi na ya ti wâ so ayeke mingo laoko pepe.”

Matthieu 3:12 Iomraidhean Croise

Mbeti ti Job 21:18

Azo ayeke tene: “Ayeke nzoni ala ga tongana pere so pupu amu ahon na ni; tongana holengo pere so kota pupu amu ahon na ni.”

Abia (Psaumes) 1:4

Me ti azo ti sioni, ye ni ayeke tongaso pepe: ala yeke tongana poro ti ale ti kobe so a pe ya ni si pupu amu ahon na ni.

Abia (Psaumes) 35:5

Na ndembe so *ange ti KOTA GBIA ayeke tumba ala, ayeke nzoni ala ga tongana poro ti le ti kobe so pupu amu ahon na ni.

Ésaïe 1:31

Zo ti ngangu ayeke ga tongana holengo pere, kua ti lo ayeke ga tongana akete kete le ti wâ; zo ni na kua ti lo kue, wâ ayeke gbi ala kue legeoko, zo oko ti mingo ni ayeke daa pepe.

Ésaïe 17:13

Wusuwusu ti amara nde ayeke tongana toto ti kota ngu. *KOTA GBIA asuku na ala, ala kpe yongoro, lo tumba ala tongana holengo pere so pupu ti li ti hoto ahon na ni, tongana fuku ti sese so kota pupu ahon na ni.

Ésaïe 27:4

Mbi ngba ti sara ngonzo na tere ti yaka ni pepe. Me tongana mbi wara aki na akamba ti ki na ni, mbi yeke ti na ndö ti ala ti bi wâ daa.

Ésaïe 28:28

Titene zo asara mapa, lo yeke nika ale ti ble, me lo yeke ngba gi ngbango ti pika ni pepe. Tongana lo mu gere ti pusu na ambarata ti hon na ni na ndö ti ale ti kobe, ayeke nika ale ti kobe ni pepe.

Ésaïe 30:24

Abagara na alele so ayeke fâ yaka ayeke te anzoni pere so a tuku ingo daa. A mu pao na ye ti pengo na ale ti kobe si a gbara na pere ni na sese.

Ésaïe 41:16

Mo yeke pe ya ti ala si pupu ayeke mu ala ti hon na ala; kota pupu ayeke kangbi ya ti ala kirikiri. Me ti mo, mo yeke dodo na ngia ndali ti KOTA GBIA, mo yeke pika kate ti mo ndali ti Nzapa ti Israel, lo so lo yeke nde si lo yeke nzoni kue.”

Ésaïe 5:24

Ndani laa, fade ala yeke ga tongana pere so wâ agbi ni, ala yeke ga tongana holengo pere so menga ti wâ agbi ni kue. Ala yeke duti tongana pere so gunda ni afun na ya ti sese, tongana kongo so pupu ahon na ni tongana fuku ti sese. Biani, ye so KOTA GBIA so ayeke na ndö ti dunia kue afa, ala ke ni; tënë ti Nzapa ti Israel, lo so lo yeke nde si lo yeke nzoni kue, ala baa ni tongana mbumbuse ye.

Ésaïe 66:24

Na sigingo ti ala, fade ala lingbi ti baa kuâ ti azo so atomboka na tere ti mbi. Angusu so ayeke te ala ayeke kui pepe; wâ so ayeke gbi ala ayeke mingo pepe. Ala yeke ga ye so ayeke sioni mingi ndali ti azo kue.

Jérémie 15:7

Na ya ti gbata oko oko ti kodro ni, mbi pe ala tongana ale ti kobe ti kangbi ala kirikiri. Mbi fâ azo ti mbi, mbi hunzi amolenge kue, me azo ni azia lege ti sarango ye ti ala pepe.

Jérémie 17:27

Me tongana ala ma mbi pepe, tongana ala ke ti bata lango ti wungo tere nde ndali ti mbi, tongana ala yo akungba na lango ni so si ali na ni na yanga ti gbagba ti Jérusalem, fade mbi yeke bi wâ na tere ti ayanga ti gbagba ni. Wâ ni ayeke gbi apendere da ti gbata ni si ayeke mingo pepe.’ ”

Jérémie 4:11

Na ndembe ni so, fade *KOTA GBIA ayeke tene na azo ti Jérusalem, lo tene: “Pupu ti wâ alondo na li ti ahoto, na benyama ti ya na ndö ti azo ti mbi; pupu ni ayeke pupu ti pengo ya ti ale ti kobe pepe, wala ti sukulango ale ti kobe pepe.

Jérémie 51:2

Mbi yeke tokua awande so fade ayeke ga ti kangbi azo ti kodro ni kirikiri tongana poro ti ale ti kobe so zo ape ya ni. Awande ni ayeke buba ye kue ti kodro ni. Na lango ti aye ti ngangu ni so, ala yeke londo mbage na mbage kue ti ga ti ngoro kodro ni.”

Jérémie 7:20

Ndani laa, tënë so Kota Gbia NZAPA atene ayeke so: “Fade mbi yeke tuku ngonzo ti mbi ti wâ na ndö ti gbata so, na ndö ti azo na anyama, na ndö ti akeke nde nde ti yaka na ale ti kobe so asigigi na sese. Ngonzo ti mbi ayeke duti tongana wâ so ayeke mingo pepe.”

Osée 13:3

Ndani laa, fade ala yeke ga tongana mbinda ti ndaperere, tongana ngu ti pere ti ndaperere so ayeke hon hongo, tongana pere so pupu amu na ndö ti lakere, ahon na ni yongoro, tongana guru ti wâ so ayeke sigigi na li ti da ahon.

Amos 9:9

Ti fadeso, mbi yeke mu yanga titene a yengere azo ti Israel na popo ti azo ti amara nde tongana ti so a yeke yengere ale ti kobe si gi ale ti têne laa angba na ya ti yengere ni.

Matthieu 13:30

Ala zia ni kue akono legeoko ngbii asi na ngoi ti fango ale ti kobe ni. Tongana ngoi ti fango ale ti kobe ni alingbi awe, fade mbi yeke tene na azo ti kua ti mbi, mbi tene: Ala gboto asioni pere ni kozoni, ala kanga agba ni ti gbi ni. Na pekoni, ala ro ale ti ble ni azia na ya ti gogoro ti mbi.’ ”

Matthieu 13:41

fade Molenge ti Zo ayeke tokua a-ange ti lo, ala yeke mu azo so ayeke sara si amba ti ala ayeke ti na ya ti siokpari nga na azo so ayeke sara aye ti sioni, ti sigigi na ala na ya ti *Kodro-gbia ti yayu,

Matthieu 13:42

ala yeke bi ande azo ni na ya ti kota wâ; kâ, gi toto na tengo pembe.

Matthieu 13:43

Me fade azo ti mbirimbiri ayeke za zango tongana lâ na ya ti Kodro-gbia ti yayu, lo so lo yeke Babâ ti ala. Zo so ayeke na mê ti mango ndo, ayeke nzoni lo ma tënë so!”

Nzoni Tënë so Luc asu na mbeti 3:16

Jean akiri tënë na ala kue, atene: “Ti mbi, mbi yeke batize ala na ngu, me lo so lo yeke ga ande, ngangu ti lo ahon ti mbi: mbi kpa zo ti zi akamba ti poro ti gere ti lo pepe. Fade lo yeke batize ala na Yingo-Vuru nga na wâ.

Nzoni Tënë so Luc asu na mbeti 3:17

Lo gbu ye ti pengo na ale ti kobe na maboko ti lo, lo yeke leke ndo ti pikango ale ti kobe ti lo daa. Na pekoni, lo yeke zia ni na ya ti gogoro, me fade lo yeke bongbi aporo ni ti gbi ni na ya ti wâ so ayeke mingo laoko pepe.”

Jean 15:2

Maboko ti keke so kue ayeke na ndö ti mbi si ale pepe, Babâ ayeke fâ ni azi; maboko ti keke so ale, lo yeke zi *aguruma ni titene akiri ale mingi.