Matthieu 3:10 - Mbeti ti Nzapa - Tënë so amu fini

¹⁰ Do ayeke na gunda ti akeke ti de ni: keke so kue ale nzoni lengo pepe, fade ayeke de ni ti bi na wâ.

Matthieu 3:10 Iomraidhean Croise

2 Samuel 23:7

Zo so aye ti gbu ni, ayeke nzoni lo mu wen wala keke ti likongo, lo gbu na ni. A yeke gbi ni gi na ndo ni so.

Abia (Psaumes) 1:3

Lo yeke tongana keke so a lu na tere ti ngu: keke so ayeke le na ngoi ti lengo ni, akugbe ti lo angba fini lakue. Aye so kue zo ni ayeke sara ayeke ga nzoni.

Abia (Psaumes) 140:10

Sioni tënë so azo so ayeke bi na li ti mbi, ayeke nzoni tënë ni akiri gi na li ti ala wani.

Abia (Psaumes) 92:12

Mbi baa na le ti mbi tingo ti awato ti mbi, mbi ma na mê ti mbi tënë ti azo ti sioni so aga ti tiri na mbi.

Ésaïe 27:11

Tongana amaboko ti keke ahole, a yeke fâ ni si awali ayeke ga ti ro ni ti sara na wâ. Biani, azo so ahinga ndo pepe. Ndani laa lo so lo sara ala abaa mawa ti ala pepe, lo so lo sara ala azi tënë na li ti ala pepe.

Ésaïe 61:3

Ala yeke na mua ndali ti *Sion, me Nzapa atokua mbi ti zia na li ti ala ye ti pendere na plase ti mburu ti wâ; ti kpaka na tere ti ala mafuta so afa ngia ti ala, me afa mua pepe; ti yu na ala bongo ti matanga na plase ti be so awoko. Tongaso, a yeke haka ala na akeke so afa mbirimbiri ti Nzapa, a yeke haka ala na yaka so afa gonda ti KOTA GBIA.

Jérémie 17:8

Lo yeke tongana keke so a lu na tere ti ngu, keke so agunda ni ali sese na tere ti kete ngu. Tongana ndo-wâ aga, mbeto ti mbeni ye asara lo oko pepe; akugbe ti keke ni angba lakue fini ni. Ataa ngu apika pepe na ya ti ngu oko, lo yeke gi be ti lo pepe, me lo yeke le lakue.”

Daniel 4:14

‘Ngbanga so aga na lege ti mbela ti asanziri; tënë so aga na lege ti ndia ti ala so ayeke nde si ayeke nzoni kue; tongaso si aye so kue ayeke na fini ahinga atene, Nzapa so ayeke na yayu kâ na ndö ti aye kue laa ayeke gbia na ndö ti akodro ti azo. Lo laa lo yeke zia zo so be ti lo aye na li ti kodro; lo lingbi nga ti zia mbumbuse zo na li ti kodro ni.

Matthieu 21:19

Lo baa mbeni keke ti fige na tere ti lege si lo gue nduru na ni, me lo wara gi akugbe ni. Lo tene na keke ni: “Mo yeke kiri ti le oko pepe!” Gi hio tongaso, keke ti fige ni ahole.

Matthieu 7:19

Keke so kue ale nzoni pepe, fade a yeke de ni si a tuku ni na le ti wâ.

Nzoni Tënë so Luc asu na mbeti 23:31

Tongana azo asara tongaso na fini keke, fade ti holengo keke ayeke duti tongana nyen?”

Nzoni Tënë so Luc asu na mbeti 3:9

Fadeso, do ayeke na gunda ti akeke ti de ni: keke so kue ale nzoni lengo pepe, fade a yeke de ni ti bi na le ti wâ.”

Jean 15:2

Maboko ti keke so kue ayeke na ndö ti mbi si ale pepe, Babâ ayeke fâ ni azi; maboko ti keke so ale, lo yeke zi *aguruma ni titene akiri ale mingi.

Jean 15:6

Zo so aduti oko na mbi pepe, fade a yeke bi lo na gigi tongana ti so a yeke bi maboko ti keke si ahole. A yeke bongbi amaboko ti keke ni, a tuku na le ti wâ si agbi.

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?

Ahebro 6:8

Me tongana sese ni asara titene aki na akeke ti ki asigigi, andaa sese ni so ayeke buba sese; fade Nzapa ayeke deba ni si na pekoni, a yeke gbi ni na wâ.