Matthieu 28:5 - Mbeti ti Nzapa - Tënë so amu fini

⁵ Me ange ni atene na awali ni: “Mbeto asara ala pepe; mbi hinga so ala yeke gi Jésus, lo so a fâ lo na ndö ti keke ti kroa.

Matthieu 28:5 Iomraidhean Croise

Ésaïe 35:4

Ala tene na azo so be ti ala awoko so, atene: “Ala gbu ngangu, ala sara mbeto pepe! Baa, Nzapa ti ala laa. Lo ga ti kiri peko ti sioni na azo so asara sioni, ti futa awato ti ala ndali ti sioni so awato ni asara na ala. Lo wani, lo ga ti soo ala.”

Ésaïe 41:10

Mo sara mbeto pepe, ngbanga ti so mbi yeke na mo. Mo baa ndo na mbeto pepe, ngbanga ti so mbi yeke Nzapa ti mo. Mbi yeke sara titene mo kpengba, mbi yeke ga ti mu maboko na mo; biani, mbi yeke bata mo na lege ti maboko ti mbi ti koli so ayeke so benda.

Ésaïe 41:14

“Jacob, sara mbeto pepe, mo so mo yeke tongana ngusu, Israel, mo so mo yeke tongana makongo. Mbi yeke ga ti mu na mo maboko, so tënë ti yanga ti *KOTA GBIA laa. Mbi laa mbi yeke zi mo, mbi Nzapa ti Israel so mbi yeke nde si mbi yeke nzoni kue.

Daniel 10:12

Lo kiri lo tene: ‘Daniel, sara mbeto pepe. Ti londo na kozo lango so lani mo mu be ti mo titene mo hinga ye so asi si mo sara tere ti mo kete so, Nzapa ama sambela ti mo awe. Nilaa mbi ga na mbage ti mo ti kiri tënë na mo.

Daniel 10:19

Na pekoni, lo tene na mbi, lo tene: ‘Mo koli so Nzapa aye lo mingi so, mo sara mbeto pepe! Ayeke nzoni mo duti na siriri! Wara ngangu, kpengba tere ti mo!’ So lo yeke tene tënë na mbi, ngangu ti mbi ato nda ti ga daa si mbi tene na lo, mbi tene: ‘Babâ, mo lingbi ti tene tënë senge, ngbanga ti so mo mu na mbi ngangu awe.’

Matthieu 14:27

Gi na pekoni, Jésus atene na ala: “Ala de be ti ala, so mbi laa! Mbeto asara ala pepe!”

Matthieu 28:10

Tongaso Jésus atene na ala: “Mbeto asara ala pepe. Ala gue, atene na a-ita ti mbi ti gue na Galile: kâ laa ala yeke baa ande mbi.”

Matthieu 28:4

Mbeto agbu aturugu ni si tere ti ala ado mingi, ala ga tongana azo so akui awe.

Marc 16:6

Maseka-koli ni atene na ala: “Mbeto asara ala pepe! Ala yeke gi Jésus ti Nazaret, lo so a fâ lo na ndö ti keke ti kroa; lo zingo na kuâ awe, lo yeke na ndo so pepe. Baa, ndo so a zia lo lani daa laa.

Nzoni Tënë so Luc asu na mbeti 1:30

Ange ni atene na lo: “Marie, sara mbeto pepe, ngbanga ti so Nzapa asara nzoni be na mo.

Nzoni Tënë so Luc asu na mbeti 24:5

Mbeto agbu awali ni, ala bi le ti ala na sese si akoli use so atene na ala: “Ngbanga ti nyen si ala yeke gi zo so ayeke na fini na popo ti akuâ?

Awatokua 2:24

Me Nzapa azingo lo na kuâ awe, lo zi lo na ya ti pasi ti kuâ, ngbanga ti so kuâ ayeke na ngangu pepe ti gbanzi lo.

Ahebro 1:14

A-ange ayeke gi ayingo so ayeke sara kua na Nzapa: lo yeke tokua ala titene ala sara nzoni na azo so lo ye ti soo ala.