Matthieu 28:3 - Mbeti ti Nzapa - Tënë so amu fini

³ Tere ti lo ayeke za tongana wâ ti bekpa si bongo ti lo avuru ahon ndoni.

Matthieu 28:3 Iomraidhean Croise

Abia (Psaumes) 104:4

Mo sara si apupu aga awatokua ti mo si amenga ti wâ aga azo ti kua ti mo.

Daniel 7:9

“So mbi ngba ti baa ndo, a zia ambata ti gbia si mbeni mbakoro aga aduti na ndö ti mbeni oko: bongo ti lo avuru tongana tukia; kua ti li ti lo avuru tongana kua ti tere ti taba so zende oko ayeke daa pepe. Mbata ti lo aza tongana menga ti wâ; agere ti mbata ni ayeke tongana wâ so aza mingi.

Matthieu 17:2

Tere ti Jésus akiri aga nde na le ti ala: ndö ti le ti lo aza tongana lâ, abongo ti lo avuru si ayeke za zango.

Matthieu 28:4

Mbeto agbu aturugu ni si tere ti ala ado mingi, ala ga tongana azo so akui awe.

Marc 16:5

Ala li na ya ti du ti kuâ ni, ala baa mbeni maseka-koli so aduti na mbage ti maboko ti ala ti koli, lo yu yongoro vuru bongo; mbeto asara ala.

Marc 9:3

abongo ti lo ayeke za zango si avuru ahon ndoni. Mbeni zo ti ndö ti sese so alingbi ti sukula bongo avuru tongaso pepe.

Jean 20:12

si lo baa *a-ange use so ayu vuru bongo. Ala duti na ndo so a zia kuâ ti Jésus daa: oko na mbage ti li ti lo, oko na mbage ti gere ti lo.

Awatokua 1:10

So ala ngba ti baa ndo na nduzu na peko ti lo, ambeni koli use so ayu vuru bongo, aga aluti nduru na tere ti ala.

Aye so Nzapa afa 10:1

Mbi kiri mbi baa mbeni ngangu *ange, lo londo na yayu si lo yeke zu. Lo yu mbinda na tere ti lo tongana bongo, *kongö angoro li ti lo; le ti lo ayeke tongana lâ, angbongboro gere ti lo tongana menga ti wâ.

Aye so Nzapa afa 18:1

Na pekoni, mbi baa mbeni *ange nde so alondo na yayu si ayeke zu. Lo yeke na kota ngangu, tere ti lo aza ahon ndoni si zango ni amu ndö ti sese kue.