Matthieu 28:18 - Mbeti ti Nzapa - Tënë so amu fini

¹⁸ Jésus aga nduru na tere ti ala si lo tene na ala: “A mu na mbi ngangu kue na yayu nga na sese.

Matthieu 28:18 Iomraidhean Croise

Abia (Psaumes) 89:19

KOTA GBIA, zo ti batango e alondo na mo, gbia ti e alondo na Nzapa ti Israel, lo so lo yeke nde si lo yeke nzoni kue.

Abia (Psaumes) 89:27

Lo yeke iri mbi: ‘Babâ ti mbi, Nzapa ti mbi, kota têne so mbi luti na ndö ni ti soo kuâ!’

Amato 8:15

Mbi laa mbi yeke mu lege na agbia ti le-gbia nga na akota zo ti kodro ti leke andia mbirimbiri.

Matthieu 11:27

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.

Matthieu 16:28

Mbi tene na ala taa-tënë: na popo ti azo so ge so, ambeni ayeke kui pepe ngbii ala baa Molenge ti Zo so ayeke ga ti duti tongana Gbia.”

Matthieu 26:64

Jésus akiri tënë na lo: “Gi tënë ni laa mo tene awe so. Me mbi tene na ala so fade ala yeke baa *Molenge ti Zo aduti na tere ti Nzapa so ngangu ti lo ahon angangu kue; lo yeke duti na mbage ti maboko ti lo ti koli. Lo yeke londo na yayu, lo duti na ndö ti ambinda ti ga.”

Nzoni Tënë so Luc asu na mbeti 10:22

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.”

Jean 13:3

Jésus ahinga so Babâ azia aye kue na maboko ti lo. Lo hinga nga so lo londo na Nzapa, lo ga si lo yeke kiri ande na Nzapa.

Jean 17:2

Mo mu na lo ngangu ti sara komandema na ndö ti azo kue. Tongaso si lo mu fini so angba lakue lakue na azo so kue mo mu ala na lo.

Jean 3:31

“Zo so alondo na yayu si aga, lo hon azo kue; me zo so ayeke zo ti sese, lo yeke ti sese, lo yeke tene tënë tongana zo ti sese. Zo so alondo na yayu si aga, lo hon azo kue.

Jean 3:35

Babâ aye Molenge ni si lo zia ye kue na maboko ti lo.

Awatokua 10:36

Nzapa atokua tënë ti lo na azo ti Israel: tënë ni ayeke Nzoni Tënë so amu siriri na zo na lege ti Jésus Christ, lo so lo yeke *Kota Gbia ti azo kue.

Awatokua 2:36

“Ayeke nzoni azo ti Israel kue ahinga tënë so mbirimbiri: Jésus so ala fâ lo na ndö ti keke ti kroa so, Nzapa asara si lo ga Kota Gbia na Mesii!”

Rome 14:9

Christ akui si na pekoni, lo kiri na fini titene lo duti Kota Gbia ti akuâ na ti azo so angba na fini.

1 Korente 15:27

Biani, Mbeti ti Nzapa atene: “Nzapa azia ye kue na gbe ti gere ti lo.” Me so aye ti tene, Nzapa so azia ye kue na gbe ti Christ so, lo wani, lo yeke na gbe ti Christ pepe.

Kolose 2:10

Na lege ti Christ so ayeke na li ti ayingo so kue ayeke na komandema, ala wara fini so ye oko atia na ya ni pepe.

Ahebro 1:2

Me na ngoi ti ndani so e yeke daa, lo tene tënë na e na lege ti Molenge ti lo. Nzapa asara dunia mobimba na lege ti Molenge si lo zia Molenge ni titene aye kue aga ti lo.

Ahebro 2:8

Mo zia ye kue na gbe ti lo.” So Nzapa azia ye kue na gbe ti lo, ye kue ayeke na gbe ti lo. Me na le ti e, e de ti baa so ye kue ayeke na gbe ti lo pepe.

1 Pierre 3:22

Lo gue na yayu, lo duti na tere ti Nzapa na mbage ti maboko ti lo ti koli si *a-ange, ayingo so ayeke na komandema na ala so ayeke na ngangu ayeke na gbe ti lo.

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”

Aye so Nzapa afa 17:14

Fade ala yeke tiri na Molenge ti Taba, me Molenge ti Taba ayeke hon ndö ti ala, ngbanga ti so lo yeke Kota Gbia ti akota gbia si lo yeke Gbia ti agbia. Lo na azo so lo iri ala, lo soro ala si ala yeke azo ti lo, ala yeke hon ndö ti agbia baleoko so.”

Aye so Nzapa afa 19:16

A su iri na ndö ti kota bongo ti lo nga na ndö ti gere ti lo; iri ni ayeke: “Gbia ti agbia, *Kota Gbia ti akota gbia.”