Matthieu 28:17 - Mbeti ti Nzapa - Tënë so amu fini

¹⁷ So ala baa lo, ala kuku na sese na gbe ti lo, me ambeni na popo ti ala adekite.

Matthieu 28:17 Iomraidhean Croise

Abia (Psaumes) 2:12

Ala kuku ti voro molenge ti lo si lo sara ngonzo pepe. Tongana lo sara ngonzo, fade ala kui na lege ti sarango ye ti ala so. Biani, gi kete ye, ngonzo ti lo alondo tongana wâ. Ti ala nzoni, azo so kue akpe na lo ti bata tere ti ala.

Abia (Psaumes) 45:11

Molenge ti mbi ti wali, ma si! Baa ndo, dingi mê ti mo, mo ma. Ayeke nzoni be ti mo agirisa na azo ti kodro ti mo nga na asewa ti mo.

Matthieu 16:28

Mbi tene na ala taa-tënë: na popo ti azo so ge so, ambeni ayeke kui pepe ngbii ala baa Molenge ti Zo so ayeke ga ti duti tongana Gbia.”

Matthieu 28:9

Mo ye ti baa, Jésus aga atengbi na ala si lo tene na ala: “Mbi bara ala!” Ala ga nduru na tere ti lo, ala gbu gere ti lo si ala kuku na gbe ti lo.

Marc 16:11

So ala ma a tene, Jésus ayeke na fini si Marie abaa lo, ala yeda na tënë ti lo pepe.

Marc 16:13

Ala kiri si ala tene tënë ni na tanga ti adisiple ni, me ala yeda na tënë ti adisiple use so pepe.

Marc 16:14

Ti hunzi na ni, Jésus afa tere ti lo na adisiple ti lo baleoko na oko na ndembe so ala yeke te kobe. Lo suku na ala, ngbanga ti so ala dekite, ala kpengba be ti ala si ala ke ti yeda na tënë ti azo so abaa lo na peko ti so lo zingo na kuâ.

Jean 5:23

si azo kue alingbi ti ne Molenge ni tongana ti so ala yeke ne Babâ. Zo so ane Molenge ni pepe, andaa lo so Babâ atokua lo, lo ne lo pepe.

Awatokua 1:3

Na peko ti kuâ ti lo, lo fa tere ti lo na ala na alege nde nde si lo fa na ala biani so lo yeke na fini. Na ya ti lango baleosio, lo si na ala si lo fa na ala tënë na ndö ti *Kodro-gbia ti Nzapa.

1 Korente 15:6

Na pekoni, lo si na azo so wungo ti ala ahon ngbangbo oku – mingi na popo ti ala angba na fini laso, ambeni akui awe –.