Matthieu 28:10 - Mbeti ti Nzapa - Tënë so amu fini

¹⁰ Tongaso Jésus atene na ala: “Mbeto asara ala pepe. Ala gue, atene na a-ita ti mbi ti gue na Galile: kâ laa ala yeke baa ande mbi.”

Matthieu 28:10 Iomraidhean Croise

Matthieu 14:27

Gi na pekoni, Jésus atene na ala: “Ala de be ti ala, so mbi laa! Mbeto asara ala pepe!”

Matthieu 25:40

Fade Gbia ni ayeke kiri tënë na ala: ‘Mbi tene na ala taa-tënë: ye so kue ala sara na asenge zo so ayeke a-ita ti mbi, andaa na mbi laa ala sara ni.’

Matthieu 25:45

Fade Gbia ni ayeke kiri tënë na ala: ‘Mbi tene na ala taa-tënë: lakue so ala sara ye so na asenge zo so pepe, andaa ala sara ni nga na mbi pepe.’

Matthieu 26:32

Me tongana mbi zingo ande na kuâ, mbi yeke hon kozo ti ala na Galile.”

Matthieu 28:16

Adisiple baleoko na oko ague na Galile, na li ti hoto so Jésus ahunda na ala ti gue daa.

Matthieu 28:5

Me ange ni atene na awali ni: “Mbeto asara ala pepe; mbi hinga so ala yeke gi Jésus, lo so a fâ lo na ndö ti keke ti kroa.

Matthieu 28:7

Ala gue hio atene na adisiple ti lo, atene: ‘Lo zingo na kuâ awe si lo hon kozo ti ala na Galile. Kâ laa ala yeke baa ande lo.’ Baa, tënë ni laa mbi tene na ala laa awe so.”

Matthieu 28:9

Mo ye ti baa, Jésus aga atengbi na ala si lo tene na ala: “Mbi bara ala!” Ala ga nduru na tere ti lo, ala gbu gere ti lo si ala kuku na gbe ti lo.

Marc 16:7

Ala gue fadeso atene na adisiple ti lo nga na Pierre atene, lo hon kozo ti ala na Galile awe. Kâ laa ala yeke baa ande lo tongana ti so lo tene tënë ni na ala.”

Jean 20:17

Jésus atene na lo: “Zia ti gbu mbi, ngbanga ti so mbi de ti gue na Babâ pepe. Me mo gue, mo baa a-ita ti mbi, mo tene na ala, mo tene: ‘Mbi yeke gue na Babâ ti mbi so ayeke nga Babâ ti ala; lo yeke Nzapa ti mbi na Nzapa ti ala nga.’ ”

Jean 6:20

Me Jésus atene na ala: “Ala sara mbeto pepe, so mbi laa!”

Rome 8:29

Biani, azo so Nzapa asoro ala kozoni, lo leke na be ti lo kozoni ti sara si ala ga tongana Molenge ti lo, tongaso si Molenge ni aga yaya ti a-ita mingi.

Awafango-ngbanga 10:16

Na pekoni, azo ti Israel aga azi anzapa ti awande so ayeke na popo ti ala, ala kiri avoro KOTA GBIA. Tongaso, KOTA GBIA akanga be ti lo gbaa na ndö ti pasi so azo ti Israel ayeke baa.