Matthieu 27:63 - Mbeti ti Nzapa - Tënë so amu fini

⁶³ ala tene na lo: “Kota zo, na ndembe so zo ti mvene so ade na fini, lo tene lani, lo tene: ‘Na peko ti lango ota, fade mbi yeke zingo na kuâ.’ E dabe ti e na tënë so.

Matthieu 27:63 Iomraidhean Croise

Matthieu 16:21

Ti londo na ndembe ni so, Jésus ato nda ti tene tënë polele na adisiple ti lo, atene: “Alingbi mbi gue na Jérusalem ti baa pasi mingi na maboko ti *akangba na akota wayango-sandaga na awafango-ndia. Ala yeke fâ mbi, me na lango ota ni, mbi yeke zingo na kuâ.”

Matthieu 17:23

titene ala fâ lo, me na lango ota ni, lo yeke zingo na kuâ.” Na peko ti tënë so, vundu agbu be ti adisiple mingi.

Matthieu 20:19

ala yeke zia lo na maboko ti azo ti mbeni mara nde titene ala he lo, ala pika lo na fimbo si ala fâ lo na ndö ti keke ti kroa. Na lango ota ni, fade lo yeke zingo na kuâ.”

Matthieu 26:61

si ala tene: “Koli so atene lani, atene: ‘Mbi lingbi ti kungbi kota da ti Nzapa si mbi yeke kiri ti leke ni na ya ti lango ota.’ ”

Matthieu 27:64

Tongaso, mo mu yanga titene aturugu abata du ti kuâ ni ngbii asi na peko ti lango ota, tongaso pepe, fade adisiple ti lo alingbi ti ga ti nzi kuâ ti lo si ala tene na azo, atene: ‘Lo zingo na kuâ awe!’ Fade tënë ti mvene ti ndani so ayeke duti sioni ahon ti kozoni.”

Matthieu 28:6

Lo yeke na ndo so pepe, lo zingo na kuâ awe tongana ti so lo tene tënë ni lani. Ala ga, ala baa ndo so lani lo lango daa.

Marc 10:34

Ala yeke he lo, ala yeke tuku ngu ti yanga ti ala na tere ti lo, ala yeke pika lo na fimbo si ala yeke fâ lo. Lango ota na pekoni, fade lo yeke zingo na kuâ.”

Marc 8:31

Na pekoni, Jésus ato nda ti fa ye na adisiple ti lo, lo tene: “Alingbi *Molenge ti Zo abaa pasi mingi. *Akangba, na akota wayango-sandaga na awafango-ndia ayeke ke lo, ala yeke fâ lo si lango ota na pekoni, lo yeke zingo na kuâ.”

Marc 9:31

ngbanga ti so lo ngba ti fa ye na adisiple ti lo; lo tene na ala: “Fade a yeke zia *Molenge ti Zo na maboko ti azo titene ala fâ lo. Lango ota na pekoni, fade lo yeke zingo na kuâ.”

Nzoni Tënë so Luc asu na mbeti 18:31

Jésus amu adisiple baleoko na use na tere ti lo si lo tene na ala: “Ala ma! E yeke gue na Jérusalem. Kâ, aye so kue awayanga-Nzapa asu tënë ni na mbeti na ndö ti *Molenge ti Zo, fade aye ni ayeke si alingbi na ni.

Nzoni Tënë so Luc asu na mbeti 18:33

Ala yeke pika lo na fimbo si ala yeke fâ lo. Na lango ota ni, lo yeke zingo na kuâ.”

Nzoni Tënë so Luc asu na mbeti 23:2

Ala to nda ti bi tënë na li ti lo, atene: “E wara koli so, lo yeke pusu azo ti mara ti e ti sara wusuwusu, lo yeke kanga lege na ala titene ala futa lapo na kota gbia ti Rome; lo tene nga, ni wani, ni yeke *Mesii, ni yeke gbia.”

Nzoni Tënë so Luc asu na mbeti 9:22

Lo tene: “Alingbi *Molenge ti Zo abaa pasi mingi. *Akangba, akota wayango-sandaga na awafango-ndia ayeke ke lo, ala yeke fâ lo si na lango ota ni, lo yeke zingo na kuâ.”

Jean 2:19

Jésus akiri tënë na ala, atene: “Ala kungbi kota da ti Nzapa so na sese, fade na ya ti lango ota, mbi yeke kiri ti leke ni na nduzu.”

Jean 7:12

Gba ti azo so abongbi kâ ayeke tene tënë ti lo mingi. Ambeni zo ni atene: “Lo yeke nzoni zo”, ambeni atene ti ala: “Mvene, lo yeke handa gba ti azo gi senge senge.”

Jean 7:47

Afarizien ahunda ala, atene: “Ala nga, lo handa ala awe?

2 Korente 6:8

Ambeni zo ayeke ne e si ambeni ayeke zia kamene na le ti e; ambeni zo ayeke tene nzoni tënë na iri ti e si ambeni ayeke tene sioni tënë na iri ti e. Azo abaa e tongana azo ti mvene, andaa e yeke tene taa-tënë,