Matthieu 27:54 - Mbeti ti Nzapa - Tënë so amu fini

⁵⁴ So makonzi ti aturugu ni na aturugu so ayeke bata Jésus abaa sese so ayingi nga na aye so kue asi, mbeto agbu ala mingi si ala tene: “Taa-tënë, lo yeke Molenge ti Nzapa!”

Matthieu 27:54 Iomraidhean Croise

Matthieu 26:63

Me Jésus azi yanga oko pepe. Kota wayango-sandaga atene na lo: “Mbi hunda na mo ti deba yanga ti mo, na iri ti Nzapa so ayeke na fini, mo tene na e: Mo yeke *Mesii, Molenge ti Nzapa?”

Matthieu 27:36

Na pekoni, ala duti na ndo so ti bata lo.

Matthieu 27:40

atene: “Mo so mo tene, mo yeke kungbi kota da ti Nzapa titene mo kiri mo leke ni na ya ti lango ota so, mo soo tere ti mo wani na kuâ ma! Tongana mo yeke Molenge ti Nzapa, londo na ndö ti keke ti kroa ni fadeso, mo zu na sese e baa!”

Matthieu 27:43

Lo zia be ti lo na Nzapa si lo tene: ‘Mbi yeke Molenge ti Nzapa.’ Nzapa ni aga azi lo fadeso, e baa!”

Matthieu 27:51

Gi na ndembe ni so, ya ti ridoo so a kanga na ya ti kota da ti Nzapa asuru use, alondo na nduzu ngbii asi na gbeni. Sese ayingi, ya ti akota têne asuru,

Matthieu 4:3

Zabolo aga nduru na tere ti lo si atene na lo: “Tongana mo yeke Molenge ti Nzapa, mo mu yanga na atêne so titene aga kobe!”

Matthieu 8:5

So Jésus ali na ya ti gbata ti Kapernaum, mbeni kapita ti aturugu ti Rome aga nduru na tere ti lo si adema tere ti lo,

Marc 15:39

Kapita ti aturugu ti Rome so aluti na dawa ti Jésus abaa lege so Jésus akui na ni si lo tene: “Taa-tënë, koli so ayeke Molenge ti Nzapa!”

Nzoni Tënë so Luc asu na mbeti 22:70

Ala kue atene: “So ti tene mo yeke Molenge ti Nzapa?” Lo kiri tënë na ala: “Tënë ni laa ala wani atene so: mbi yeke lo.”

Jean 19:7

Azuife akiri tënë na lo: “Mbeni ndia ti e ayeke daa; na lege ti ndia ni so, lo lingbi na kuâ, ngbanga ti so lo tene, ni yeke Molenge ti Nzapa.”

Awatokua 10:1

Na gbata ti Sezare, mbeni koli ayeke daa, iri ti lo ayeke Corneille. Lo yeke kapita ti mbeni bongbi ti aturugu ti Rome so iri ni “Bongbi ti aturugu ti Italii.”

Awatokua 2:37

So azo ni ama tënë so, tënë ni agbu be ti ala mingi si ala hunda Pierre na ambeni watokua ni, atene: “A-ita, nyen laa alingbi e sara?”

Awatokua 21:32

Hio, lo mu ambeni kapita ti aturugu na ambeni turugu si ala kpe ague na tere ti azo ni. So ala baa kota komanda ti aturugu ni na aturugu ni, ala zia lege ti pikango Paul.

Awatokua 23:17

Tongaso Paul airi mbeni kapita ti aturugu oko si lo tene na lo: “Gue na molenge-koli so na kota komanda ti aturugu, lo yeke na mbeni tënë ti tene na lo.”

Awatokua 23:23

Na pekoni, kota komanda ti aturugu ni airi akapita ti aturugu ti lo use si lo tene na ala: “Ala leke aturugu ngbangbo use ti gue na Sezare, ala na aturugu ti kpengo na mbarata balembarambara na aturugu ngbangbo use so ayeke tiri na likongo. Ala leke tere ti ala ti londo na ngbonga gumbaya ti bi so.

Awatokua 27:1

So a mu yanga titene e mu mangboko ti gue na Italii, a mu Paul na ambeni zo ti kanga, a zia ala na maboko ti mbeni kapita ti aturugu so iri ti lo Yulius, kapita ti bongbi ti aturugu so a iri ni “Bongbi ti aturugu ti kota gbia.”

Awatokua 27:43

Me kapita ti aturugu ni aye ti soo fini ti Paul, nilaa lo ke na ala ti fâ azo ti kanga ni. Tongaso lo mu yanga titene azo so ahinga ngu, ala ti na ya ti ngu kozoni ti hon na yanga ti ngu ni.

Rome 1:4

Me na lege ti Yingo-Vuru, zingongo ti lo na popo ti akuâ afa na ngangu so lo yeke Molenge ti Nzapa: Jésus Christ, *Kota Gbia ti e.

Aye so Nzapa afa 11:13

Gi na ndembe ni so sese ayingi ngangu; mbeni mbage oko na popo ti ambage baleoko ti gbata ni ati, azo saki mbarambara akui na ya ti ye ti ngangu so. Kota mbeto agbu tanga ti azo so angba na fini so si ala gonda Nzapa so ayeke na yayu.