Matthieu 27:52 - Mbeti ti Nzapa - Tënë so amu fini

⁵² yanga ti adu ti kuâ azi si azo mingi ti Nzapa so akui azingo na kuâ.

Matthieu 27:52 Iomraidhean Croise

2 Agbia 13:21

Mbeni lâ, azo ague ti lu mbeni kuâ; mo ye ti baa, ala baa ambeni zo ti nzi ni so. Azo ti lungo kuâ ni abi kuâ ni na ya ti du ti kuâ ti Élisée. Gi so kuâ ni andu abio ti Élisée, zo ni akiri na fini si lo luti na ndö ti gere ti lo.

Ésaïe 25:8

Lo yeke mingo kuâ biani biani. Kota Gbia NZAPA ayeke mbo ngu ti le ti azo kue; lo yeke zi kamene na le ti azo ti lo na ndö ti sese so kue. KOTA GBIA laa atene tënë so.

Ésaïe 26:19

Azo ti mbi, azo ti ala so akui so, ala yeke kiri ti duti na fini, ala yeke zingo na kuâ. Ala azo so alango na ya ti fuku ti sese, ala zingo, ala dekongo na ngia! Biani, *KOTA GBIA ayeke tokua na ala ngu ti pere so ayeke mu lumiere, ndali ti ngu ti pere ni, sese ayeke sara si akuâ akiri ti duti na fini.

Daniel 12:2

Azo mingi so alango na ndo ti akuâ ayeke zingo: ambeni ayeke zingo ti duti na fini so angba lakue lakue si ambeni ayeke zingo ti wara kamene nga ti baa pasi so ayeke sioni mingi lakue lakue.

Osée 13:14

Mbi KOTA GBIA, azo tongaso, mbi lingbi ti gboto ala na ndo ti akuâ ti sigigi na ala? Mbi lingbi ti soo ala na kuâ? Kuâ, ye so mo yeke fâ azo na ni so ayeke na ndo wa? Ndo ti akuâ, ngangu so mo yeke hunzi azo na ni so ayeke na ndo wa? Fade mbi yeke baa mawa ti Efraim oko pepe.

Jean 11:11

Na peko ti tënë so, Jésus atene na ala: “Lazare so e na lo, e ye tere, alango awe; me mbi yeke gue ti zingo lo.”

Awatokua 7:60

Na pekoni, lo kuku na sese si lo dekongo ngangu, lo tene: “Kota Gbia, zi siokpari so na li ti ala!” Na peko ti tënë so, lo kui.

1 Korente 11:30

Ndani laa, na popo ti ala, azo ti kobela na azo so mbage ti tere ti ala abuba ayeke mingi si ambeni mingi akui.

1 Korente 15:20

Me ye ni ayeke tongaso pepe: Christ azingo na kuâ kozoni ti fa biani so azo so akui ayeke zingo ande na kuâ.

1 Korente 15:51

Mbi ye ti fa na ala mbeni ye so angba na hondengo ni: fade e yeke kui kue pepe, me fade tere ti e kue ayeke ga nde

1 Tesalonike 4:14

E ma na be so Jésus akui si azingo na kuâ awe. Legeoko nga, e ma na be so, azo so ama na be na Jésus si ala kui, fade Nzapa ayeke zingo ala na kuâ si lo yeke bongbi ala na Jésus na ndo oko.

1 Tesalonike 5:10

so akui ndali ti e, tongaso si, ataa e ngba na fini wala e kui, e duti na fini oko na lo.