Matthieu 27:51 - Mbeti ti Nzapa - Tënë so amu fini

⁵¹ Gi na ndembe ni so, ya ti ridoo so a kanga na ya ti kota da ti Nzapa asuru use, alondo na nduzu ngbii asi na gbeni. Sese ayingi, ya ti akota têne asuru,

Matthieu 27:51 Iomraidhean Croise

2 Mbai 3:14

A sara ridoo na *len, a zia na tere ni nzoroko so akpa le ti nduzu, nzoroko so abe bengo na nzoroko so abe si aza zango. A kpo nga limo ti asheruben na tere ti ridoo ni.

Abia (Psaumes) 18:15

Lo tokua ale ti kokora ti lo si awato akangbi kirikiri, lo tokua gba ti wâ ti bekpa si ala kpe kirikiri.

Abia (Psaumes) 18:7

Na ya ti ye ti ngangu so asi na mbi, mbi iri KOTA GBIA titene lo mu na mbi maboko, mbi dekongo na Nzapa ti mbi. Kâ na ya ti kota da ti lo, lo ma go ti mbi; so mbi dekongo na lo, dekongo ni asi na mê ti lo.

Sigingo 40:21

Moïse ague na sanduku ni na ya ti da so Nzapa ayeke duti daa. Na pekoni, a kanga ridoo so akangbi ya ti da ni titene ahonde sanduku ni. Moïse asara ye ni alingbi na yanga so KOTA GBIA amu lani na lo.

Ésaïe 25:7

Na ndö ti hoto so, lo yeke zi bongo ti mua so akanga ndö ti azo kue, lo yeke zi nga bongo so a bi na ndö ti amara kue.

Awayango-sandaga 16:2

“Mo tene na ita ti mo Aaron, mo tene: Alingbi lo li na ngoi kue pepe na ndo so ayeke nde si ayeke nzoni kue ahon atanga ni si ayeke na peko ti ridoo so; ndo ni ayeke baa le na *ye ti kangango na yanga ti sanduku ti mbuki. Tongana lo li kâ, lo lingbi ti kui na ndembe so mbi yeke ga ande na ya ti mbinda na ndö ti ye ti kangango na yanga ti sanduku ti mbuki ni.

Awayango-sandaga 21:23

Me ndali ti so mbeni mbage ti tere ti lo abuba, lo lingbi ti gue nduru na ridoo wala nduru na gbalaka pepe. Ndo so a zia nde ndali ti mbi na aye ti ndo ni kue, alingbi lo sara si aga sioni pepe. Mbi laa mbi yeke KOTA GBIA so mbi yeke sara titene ala duti nde si ala duti nzoni kue.”

Habakuk 3:10

Akota hoto abaa mo, ala yeke do na mbeto; kota ngu-Nzapa apika, amu ndo kue; kota ngu-ingo atoto, lo tuku *amapo ti lo kâ na nduzu.

Habakuk 3:13

Mo ga ti soo azo ti mo, mo ga ti soo zo so mo zia lo gbia. Mo kinda makonzi ti asioni zo, mo hunzi nga azo ti lo kue. Luti kete

Wungo ti azo 4:5

Na ndembe so tambula ni ayeke londo, fade Aaron na amolenge ti lo ayeke ga ti zi ridoo so akangbi ya ti da ni ti kanga na ndö ti sanduku so a zia na ya ni atêne so a su atënë ti mbuki na le ni.

Matthieu 27:54

So makonzi ti aturugu ni na aturugu so ayeke bata Jésus abaa sese so ayingi nga na aye so kue asi, mbeto agbu ala mingi si ala tene: “Taa-tënë, lo yeke Molenge ti Nzapa!”

Matthieu 28:2

Mo ye ti baa, sese ayingi ngangu mingi; *ange ti *Kota Gbia alondo na yayu azu na sese, lo pusu têne ti yanga ti du ni si lo duti na ndö ni.

Marc 15:38

Ya ti ridoo so a kanga na ya ti kota da ti Nzapa asuru use, alondo na nduzu ngbii asi na gbeni.

Nzoni Tënë so Luc asu na mbeti 23:45

Le ti lâ avuko vukongo; ridoo so a kanga na ya ti kota da ti Nzapa, ya ni asuru use, taa na be ni.

Nzoni Tënë so Luc asu na mbeti 23:47

So kapita ti aturugu ti Rome abaa ye ni tongaso, lo gonda Nzapa si lo tene: “Taa-tënë, koli so ayeke zo ti mbirimbiri!”

Ahebro 6:19

Ti fini ti e ayeke nga tongaso: ye so e zia be ti e ti ku ayeke tongana nengo wen so a yeke bi na ya ti ngu, agbu mangboko si aluti mbirimbiri. Ye so e zia be ti e ti ku ayeke ye so aluti mbirimbiri, ye ni ahon na ya ti ridoo so a kanga na ya ti kota da ti Nzapa so ayeke na yayu, ague ngbii asi na ndo so ayeke nde si ayeke nzoni kue ahon atanga ni.

Ahebro 9:3

Na peko ti use ridoo ni, mbeni ndo ayeke daa so a iri ni “ndo so ayeke nde si ayeke nzoni kue ahon atanga ni”.

Aye so Nzapa afa 11:13

Gi na ndembe ni so sese ayingi ngangu; mbeni mbage oko na popo ti ambage baleoko ti gbata ni ati, azo saki mbarambara akui na ya ti ye ti ngangu so. Kota mbeto agbu tanga ti azo so angba na fini so si ala gonda Nzapa so ayeke na yayu.

Aye so Nzapa afa 11:19

Kota da ti Nzapa so ayeke na yayu, yanga ni azi si zo alingbi ti baa sanduku ti *mbuki so ayeke na ya ti kota da ni. Tongaso, wâ ti bekpa aza, a ma go ti azo, bekpa asungba, sese ayingi si *apembe ti bekpa atuku ngangu.